3/29/2024
Today from Hiiraan Online:  _
Wararka Maanta- Isniin, Mar 4 , 2019
Wiil dhalinyarro ah oo degmada Cadaado ku soo bandhigay diyaarad dagaal oo uu gacantiisa ku sameeyay

 

Isniin, Marso, 04, 2019 (HOL)- Axmed Cumar Sahal oo ah Nin dhalinyaro ah oo degan degmada Cadado ayaa warbaahinta iyo bulshada ku dhaqan degmadaasi uu soo bandhiga Axadii shalay diyaarad yar oo nooca dagaal ah oo uu gacantiisa ku farsameeyay.

Diyaarad oo ah nooc macmal ah ayuu ku xardhay calanka Soomaaliya, waxaana uu sheegay in ay tahay diyaarad dagaal oo uu ugu talagalay in uu u hadiyeeyo ciidamada cirka Soomaaliya.

Ciidamadii cirka Soomaaliya ayaa bur buray sanadkii 1991kii xiligii oo ay meesha ka baxday dowladda dhexe ee militariga, wixii xiligaa ka danbeeyayna ciidamadu ma aysan shaqeyn.

Qaramada Midoobey ayaa Soomaaliya ku soo rogtay cunaqabateyn dhinaca hubka ah sanadkii 192kii, waxaana hadda muuqata in dowladda Soomaaliya ay dadaal ku bixineyso sidii dib loogu soo celin lahaa ciidamadii cirka Soomaaliya oo mar ahaan jiray kuwa ugu xooga badan qaarrada oo idil.

Wiilkan dhalinyarradda ah ee nashaqadeeyay diyaaradan yar ayaan ka bixin dugsi sare, hasse ahaatee waxaa la sheegay in uu waligiiba jeclaan cilmiga Injeernimada iyo dhismaha.

Ehelada iyo dadka saaxiibka la ah ayaa sheegay in Sahal uu leeyahay hami aad u weyn, hasse ahaatee waxaa ay sheegeen in uusan aheyn taageeradda uu u baahan yahay.

C/raxmaan Diini, Hiiraan Online
[email protected]













Click here
3/4/2019 12:23 PM EST
Isniin, Marso, 04, 2019 (HOL) – Madaxweyne ku-xigeenka Galmudug Maxamed Xaanshi Carabey ayaa sheegay in shaqsi ahaan iyo mas’uuliyiin kale oo ka tirsan maamulka soo dhaweynayaan go’aanka ay dowladda Soomaaliya uga joojisay dhaqaalihii ay siin jirtay maamulka Galmudug.

3/4/2019 10:38 AM EST
Isniin, Marso, 04, 2019 (HOL)- Barasaabka gobolka Togdheer Xamse Maxamed Cabdi ayaa sheegay in boqolkiiba lixdan deegaanada hoos yimaada aanay haysan biyo ku filan, waxaanu hay’adaha gargaarka ka codsaday inay degdeg usoo gaadhsiiyaan biyo.

3/4/2019 7:26 AM EST
Axad, Marso, 04, 2019 (HOL)-Labo ruux ayaa maanta siyaabo kala duwan loogu dilay magaalada caasimada ah ee Muqdisho, labada qof ee la dilay mid ka mid ah ayaa aheyd haweeney naafo ah oo ku sugneyd goob gargaar lagu bixinayay.

3/4/2019 7:14 AM EST
Isniin, Marso, 04, 2019 (HOL)-Ugu yaraan 22 qof ayaa la xaqiijiyay in ay ku dhinteen duufaan xoog leh oo axaddi dharbaaxday gobolka Alabama ee koofurta dalka Mareykanka.

3/4/2019 6:20 AM EST
Isniin, Marso, 04, 2019 (HOL)- Ciidanka amniga Puntland oo saddexdii maalin ee u dambeysay howlgallo ka waday magaalada Gaalkacyo ayaa markii ugu horreysay faahfaahin ka bixiyay,iyadoo howlgalka inta uu socday lagu xiray ku dhawaad 60 ruux oo dhallinyaro u badan.

3/4/2019 2:46 AM EST
Isniin, Marso, 04, 2019 (HOL)-Madaxweynaha Soomaaliya Maxamed C/llaahi Farmaajo ayaa saakay booqday Isbitaalka Madiina, si uu ugu kuurgalo xaaladda caafimaad ee dadkii ku dhaawacmay qaraxyadii habeenkii Khamiista ka dhacay magaalada Muqdisho, gaar ahaan wadada Maka Al-Mukarama.

3/4/2019 1:36 AM EST
Isniin, Marso, 04, 2019 (HOL)- Xildhibaannadda ka tirsan aqalka wakiillada ee Koongareeska Mareykanka, Ilhaan Cumar ayaa cambaareysay sawir la xiriirinayay weerararkii daaraha mataanaha ee Mareykanka lagu burburiyay 9-kii bishii Sitembar ee sannadkii 2001-dii.

3/4/2019 1:02 AM EST
Isniin, Marso, 04, 2019 (HOL)-Saraakiisha ciidamada dowladda Soomaaliya ayaa oo bandhigay saddex dhalinyaro ah oo Al-shabaab u qaabilsanaa fulinta dilalka qorsheysan ee degmooyinka Waajir iyo Dharkeenley gobolka Banaadir.

3/4/2019 12:43 AM EST
Isniin, Marso, 04, 2019 (HOL)- Rag hubeysan ayaa saakay ku dilay xaafadda Howl-wadaag ee magaalada Beledweyne sarkaal ka tirsanaa militariga Soomaaliya oo lagu magacaabi jiray Cumar Cabdi Mahad.