Sabti, Maarso, 30, 2019 (HOL)- Toddobaadyadii ugu
danbeeyayba waxaa si is daba joog ah u xirnaa jidadka muhiimka u ah isku
socodka dadka iyo gaadiidka magaalada Muqdisho oo la dhigay ciidamo ka tirsan
kuwa dowladda Soomaaliya.
Dadka reer Muqdisho ayaa mar kale saakay ku
waabariistay waddooyinka qaar oo laga celinayo isticmaalka gaadiidka
dadweynaha, waxaana ka mid ah jidadka saakay xiran Isgoysyadda Tarabuunka,
Soobe,Banaadir, Howlwadaag.
Dadka reer Muqdisho ayaa arintan cabasho
ballaaran ka keenay iyaga oo wax lala yaabo ku tilmaamaya in si joogta ah loo
kala xiro magaalada, madaama markii hore la arki jiray Labadii toddobaad ama
toddoobaadkii –ba in mar kaliya loo xiro
sababo la xiriira amaanka.
Sababta xirnaashaha jidadka Muqdisho ee saakay
ayaa lagu sheegay in uu furmayo fadhiggii ugu horeeyay ee Kalfadhiggii shanaad
ee Golaha Shacabka oo ku soo beegmay xili laga deyrinayo amniga magaalada.
C/raxmaan Diini,
Hiiraan Online
[email protected]