Axad, Marso, 03,
2019 (HOL)- Hoggaamiyihii kooxaha jihaad doonka ah ee dalka Mali ayaa dib uga
soo muuqday muuqaal uu soo duubay, dhowr bilood kadib markii masuuliyiinta
dalkaasi ay sheegeen in la dilay.
Geerida Amadou Koufa ayaa si
ballaaran loo tebiyey, kadib markii bishii November ay ciidamo Faransiis ahi
weerar gaadmo ah ku qaadeen.
Koox wax kor-joogtaysa oo
fadhigeedu yahay Maraykanka ayaa xaqiijiyey Muuqaalka Mr Koufa uu ku jees
jeesayo wararka la xiriira geeridiisa.
Ciidamada Faransiiska ayaa
gudaha u galay dalka Mali sanadkii 2013, kuwaasoo gadaal u riixay kooxo jihaad
doon ah oo dhul ballaaran oo dalkaas ka mid ah qabsaday. Si kastaba ha ahaatee,
mintidiintaas ayaa ah wali ah khatar muuqata.
Weerarkii November kadib,
afhayeenka ciidamada dalka Mali iyo Wasiirka difaaca Faransiiska ayaa
xaqiijiyey geerida Mr Koufa balse haatan ayaa waxaa dalka Mali qabsaday muuqaal
muujinaya Amadou Koufa, oo xiran cimaamad cad, oo ku jees jeesaya ciidamada
Faransiiska.
Afhayeen u hadlay ciidamada
Faransiiska ayaa sheegay in mas’uuliyiintu ay ku hawllan yihiin sidii ay u
xaqiijin lahaayeen waxa ka run ah muuqaalkan.
C/raxmaan Diini, Hiiraan Online
[email protected]