Arbaco, Maarso, 27, 2019 (HOL) – Waxaa saakay xiran wadooyin muhiim ah oo ku yaalla magaalada Muqdisho oo aan la ogoleyn in
ay isticmaalaan gaadiidka dadweynaha.
Jidadka xiran waxaa ka mid ah wadada Wadnaha iyo
dhamaan wadooyin ka ku teedsan Xarunta Janeraal Kaahiye ee Magalada
Muqdisho,halkaas oo maanta lagu qabanayo munaasabad lagu furayo kal-fadhiga
5-aad ee Golaha Shacabka.
Ammanka Guud ee Magalada Muqdisho ayaa aad loo
adkeeyey,waxana la arkayaa ciidamo ka tirsan kuwa Booliska Soomaaliya oo dib u
celinaya gaadiidka dhinaca wadada ku teedsan wadnaha kasoo galgudbaya,waxaana
dadka badi ay yihiin kuwo lugeynaya.
Magaalada ayaa maalmihii ugu danbeeyayba u
muuqata mid amnigeedu sii xumaanayo, gaar ahaan marka la eego qaraxyada iyo
weerarrada toos ah oo si joogta ah uga dhaca, iyadoo dhinaca kalana mar walba
ciidamadu ku howlan yihiin sugida Amniga.
C/raxmaan Diini,
Hiiraan Online
[email protected]
