Dowladda oo isbadal ku sameysay taliyayaasha booliiska degmooyinka gobolka Banaadir
Axad, Maarso, 24, 2019 (HOL)- Kaddib
Qaraxyadii maalintii shalay ka dhacay magaalada Muqdisho tallaabadii ugu
horeysay oo ay qaaday dowladda Soomaaliya ayaa noqotay isbadal lagu sameeyay
taliyayaasha saldhigyada Booliiska gobolka Banaadir.
Dowladda Soomaaliya ayaa magacaawday taliyayaal
cuusb oo u badan sarkaaiil dhalinyarro ah, waxaana magacaabistooda soo jeediyay
taliyaha Booliiska gobolka Banaadir Saadaq Cumar Xasan (Saadaq Joon)
Akhriso magacyada taliyayaasha cusub :
Maxamed Jeego oo hore u ahaa Taliye Ku-xigeenkii
Nabadsugida gobolka Banaadir, waxaa hada loo magacaabay Taliye Ku Xigeenka
Booliska qaybta guud ee Gobolka Banaadir.
Cabdi Fitaax Mire oo ahaa Taliyihii degmada
Hodan, waxaa loo magacaabay Taliyaha qeybta Waliyo Cadde ee booliska, iyadoo
Kuxigeen looga dhigay Shuceyb Abdi.
Yaasiin Nur Khayre, waxaa loo magacaabay Taliye
Ku xigeenka qeybta bartamaha .
Bashiir Cabdi Siyaad, waxaa loo magacaabay
Taliyaha Saldhiga booliska degmada Hodan.
Najiib Carab, waxaa loo magacaabay Taliyaha
Saldhigga booliska degmada Boondheere.
Liibaan Shidane, waxaa loo magacaabay Taliyaha
Saldhigga booliska degmada Kaaraan.
Xuseen Cadceed oo si KMG-ah u hayay xilka
Taliyaha Saldhiga Warta-Nabada tan iyo markii la dilay Taliyihii hore macalin
Daahir, ayaa Caawa si rasmi ah xilkaasi loogu magacaabay.
Ismaaciil Muuse Yuusuf, waxaa loo magacaabay
Taliyaha Saldhigga booliska Dharkiinley.
Axmed Taree, waxaa loo magacaabay Taliyaha
Saldhigga booliska degmada Kaxda
Axmed Khadar, waxaa loo magacaabay Taliyaha
Saldhigga booliska degmada Xamar weyne.
Maxamed C/qaadir, waxaa loo magacaabay Taliyaha
Saldhigga booliska degmada Waaberi, waxaana Kuxigeen looga dhigay
gabar lagu magacaabo Taliso Abtidoon.
Dhowr jeer oo horey ayeey dowladdu sidan oo kale
is badal ugu sameysay taliyayaasha kala duwan ee saldhigyada Booliiska gobolka
Banaadir, kaddib falal amaan darro oo ka dhacay magaalada Muqdisho, hasse
ahaatee isbadalladaasi ma noqon kuwo meesha ka saartay weerarrada qorsheysan ee
Al-shabaab.
C/raxmaan Diini,
Hiiraan Online
[email protected]
