Weftigii Eritrea oo dhamaystay safarkooddii shaqo oo maanta dib ugu laabtay dalkoodii
Arbaco, Maarso, 20, 2019
(HOL)- Weftigii uu hogaaminayey wasiirka Arrimaha
Dibadda Eritrea Cismaan Salaax Maxamed ee sadexdii maalmood ku sugnaa
magaaladda Hargeysa ayaa maanta dib ugu laabtay dalkoodii.
Weftigan waxa madaarka ku sii galbiyey wasiirka
arrimaha dibada Somaliland Yaasiin Maxamuud Farotoon iyo xubno wasiiro ah,
waxaanay mudaddii ay wadanka ku sugnaayeen kulamo la yeesheen xarumaha
hay’adaha dawladda Somaliland, waxaanay xalay booqdeen suuqyada kala
duwan ee caasimadda Hargeysa oo qaarkood ka dukaamaysteen.
Sidoo kale, waxa ay la kulmeen golaha Guurtidda
iyo golaha Wakiilada, kuwaas oo uga warbixiyey xaaladda guud ee Somaliland iyo
marxaladihii kala duwanaa ee ay soo martay.
Waa markii ugu horeysay ee wefti heersare ahi uu
muddo intaas leeg ku sugnaado Somaliland, isla markaana uu booqdo qaybaha kala
duwan ee bulshadda.
Barkhad-ladiif M. Cumar, Hiiraan Online
[email protected]
Hargeysa, Somaliland.
