Sabti, Marso, 02, 2019 (HOL)- Inkastoo la soo afjaray
howlgalkii ciidamada dowladda ay ka wadeen dhismayaasha ku hareereysa hotelka
Maka Al-Mukarama, haddana dhinaca kale waxaa soconaya baaritaanka bal haddii ay
jiraan meydadka dad wali ku hoos jira dhismayaasha isku dul bur buray.
Ciidamada ayaa la sheegay in la
sheegay in saacadihii ugu danbeeyay soo saareen meydadka ilaa Labo ruux oo
dhalinyaro ah kuwaa oo ku hoos jiray dhagxaanta daaraha ku dumay
qaraxyada, walina waxaa soconaya
baaritaanka dad kale oo eheladoodu sheegeen in ay la’yihiin nolal geeri halka
ay ku danbeeyeen.
Gaadiidka loo yaqaano Cagaf cagafta ayaa ku
howlan faagida dhismayeyaasha burburay, waxaana sidoo kale warar qaar ay
sheegayaan in ay wali jiraan dad la’yahay oo la baadigoobaayo.
Ciidamada dowladda ayaa shalay galinkii dambe soo
afjaray weerarka oo qaatay muddo dhowr Saacadood ah, xilligaas waxaa jiray
Meydad laga soo saaray dhismaha Shideeye oo inta badan weerarku ka dhacay.
C/raxmaan Diini, Hiiraan Online
[email protected]
