3/19/2019
Today from Hiiraan Online:  _
Wararka Maanta- Arbaco, Mar 13, 2019
Diblomaasi Qadari ah ayaa ugu yeeray darawalkiisa oo Soomaali ah 'adeege madow' iyo 'eey'



Arbaco, Maarso, 13, 2019 (HOL)-  Maxkamadda shaqaalaha ee London ayaa dhageysanaysa dacwad uu soo gudbiyay 79 jir Soomaali ah oo muddo kala kulmayay bahdil diblomaasi Qadari ah.

Diblomaasiga Qadariga ah ayaa darawalkiisa oo Soomaali ah ugu yeeri jiray 'Eey' , 'Dameer' iyo 'Addoon Madow', xilli uu ku qaadday olole meel ka dhac ah oo jireed iyo mid sinji, sida ay maxkamadda dhageysatay.

Cabdullaahi Ali Al-ansaari, oo lagu sheegay diblomaasi ka shaqeeya waaxda caafimaadka ee safaaradda Qatar, ayaa ku eedeysan inuu dhibaato u gaystey Maxamuud Axmed oo 79 jir ah oo u ahaan jirey darawal, isla markaana ku qaybsanaa ammaanka xilliga habeenkii ah.

Wargeyska The telegraph, oo warbixintan baahiyay ayaa sheegay odaygan Soomaaliyeed inuu diblomaasiga Qadariga ah kala kulmayay meel ka dhac baahsan, isagoo ula dhaqmayay sida addoon uu gaar u leeyahay oo uu wacan karo 24 saacadood maalintii , toddobada maalmood.

Maxkamadda shaqaalaha London ayaa Talaadadii shalay  laga sheegay in diblomaasiga uu isku dayay inuu odeyga uu bahdilka kula kacay inuu ku laaluusho 50,000 oo gani, si uu u tuuro dacwada uu ku soo oogay oo uu aamuskiisa u iibsado,balse dacwada way furantahay  oo waa ay socota wali.

Maxamuud Axmed , oo ah qofka la dulmiyay wuxuu haysta dhalashada Ingiriiska , wuxuuna safaaradda Qadar ka shaqeynayay laga billaabo sannadkii 2007dii illaa 2013kii xilliga oo laga eryey.

Iman Mohamed Jama, Hiiraan Online
[email protected]





Click here
3/13/2019 12:13 PM EST
Arbaco, Maarso, 13, 2019 (HOL)-Deegaanka Goofguduud oo qiyaastii 30km u jira magaalada Baydhabo ayaa lagu soo waramayaa in maanta ay ku dhaceen qaraxyo sababay khasaare dhimasho iyo dhaawacba leh.

3/13/2019 6:10 AM EST
Arbaco, Maarso, 13, 2019 (HOL)- Madaxweynaha Puntland, Siciid Cabdullaahi Deni ayaa maalintii labaad shir guddoomiyey shirka Jihaynta Siyaasadda xukuumadda cusub ee Puntland.

3/13/2019 6:02 AM EST
Arbaco, Maarso, 13, 2019 (HOL)- Ugu yaraan lix qof ayaa ku dhintay tiro kalana waa ay ku dhaawacmeen iska hor'imaad saakay ka dhacay dulleedka waqooyi ee magaalada Gaalkacyo, sida ay xaqiijiyeen dadka deegaanka.

3/13/2019 5:37 AM EST
Arbaco,Maarso, 13, 2019 (HOL)-Xaruntan oo noqoneysa tii ugu horeysay ee nooceeda ah laguna daweeyo dadka qaba xannuunka dhimirka ayaa laga hergaliyay qeyb ka mid ah Isbitaalka guud ee magaalada Beledweyne

3/13/2019 2:20 AM EST
Arbaco, Maarso, 13, 2019 (HOL)- Dowladda Soomaaliya ayaa markii ugu horeysay sheegtay in ay garoomadeeda ka mamnuucday in ay isticmaalaan diyaaradaha duqoobay ee lagu farsameeyo wadankii la oran jiray midowga Soofiyeeti.

3/13/2019 2:01 AM EST
Arbaco, Maarso, 13, 2019 (HOL)- Taliska Mareykanka ee Africom ayaa sheegay in sanadkan oo kaliya 25 duqeymo cirka oo ay ka geysteen Soomaaliya Al-shabaab looga dilay 244 dagaalyahan.

3/13/2019 1:22 AM EST
Arbaco, Maarso, 13, 2019 (HOL)-Madaxweynaha Jamhuuriyadda Soomaaliya Maxamed Cabdullaahi Farmaajo oo ku sugan dalka Uganda ayaa ka qeyb galaya Shirka Africa Now ee ka socda dalkaas,kaas oo looga hadlayo arrimaha nabadgelyada, isdhexgalka iyo koboca dhaqaalaha ee Qaaradda Afrika.