Ku-simihii taliska Booliiska howlgalka AMISOM oo ka mid noqotay dadkii ku dhintay burburkii diyaarada
Isniin, Maarso, 11, 2019 (HOL) - Ku-xigeenka ergayga
gaarka ee Midowga Africa ee hawlgalka AMISOM, Simom Mulongo ayaa xaqiijiyey in
ay ku-simihii taliyaha Police-ka ee AMISOM Kiristiine Alalo ay ku geeriyootay
duulimaadkii B737 ee Ethiopian Airlines ee shalay bur-burtay.
Ku-xigeenka Ergayga Gaarka ee Midowga Afrika
ee Hawlgalka AMISOM, Simom Mulongo ayaa sheegay in Kiristiine Alalo, iyada oo
ku sii jeeday magaalada Nairobi ee dalka Kenya.
Saraakiisha howlgalka midowga Africa ayaa markii uu
warkan soo baxay maalintii shalay beeniyay geerida Kiristiine Alalo, hasse
ahaatee ugu danbeyntii waxaa warka ku saabsan geerideeda xaqiijiyay Simom
Mulongo oo ah ku-xigeenka ergeyga gaarka ah ee midowga Africa u qaabilsan
Soomaaliya.
Wuxuu sheegay ka hor inta aysan ka dhoofin garoonka
diyaaradaha Addis Ababa in ay xiriir la sameysay darawalkeedii Nairobi oo ay ku
war-galisay in uu ugu yimaado garoonka Jomo Kenyatta si uu halkaa uga qaado.
Diyaarada burburtay Axadii shalay ayaa waxaa ku
geeriyooday 149 ruux oo rakaab ah, kuwaa oo ka soo kala jeeday ama watay
jinsiyadaha ilaa 35 dowladdood iyo dhamaan shaqaalihii diyaarada, waxaana guud
ahaan tirada dadka dhintay lagu sheegay 157 ruux.
C/raxmaan
Diini, Hiiraan Online
[email protected]
