5/22/2019
Today from Hiiraan Online:  _
Wararka Maanta- Axad, Mar 10, 2019
Maamulka gobolka Gabiley oo ka hadlay askari iyo wariye gacan isku qaaday


 

Axad, Maarso, 10, 2019 (HOL) – Badhasaabka gobolka Gabiley iyo taliyaha qaybta booliska ee Gabiley ayaa ka hadlay dhacdo shalay ka dhacday Gabiley oo gacan hadal ku dhexmaray askari iyo wariye, taas oo askariga xabad dhulka ugu dhuftay.

Badhasaabka iyo taliyaha booliska gobolka Gabiley waxay sheegeen inay wariyeyaashaasi askariga gacanta ula tagay inay sharciga marin doonaan, isla markaaana ku eedeeyeen inay soo abaabulaan in askariga wax gaadhsiiyaan.

“Askarigu shaqadiisa ayuu gudanayey ee wariyaha ma doonan, hadalka ka soo baxay gudoomiyaha ururka saxaafadda ee SOLJA waxaan u aragnaa nin gar siinaya nin gardaroole ah, laba arimood baan u arkay hadalkiisa in aanu muuqaalkan arag iyo inuu ku go’aan qaatay dadkii hawshan waday hadalkoodda”ayuu yidhi gudoomiyaha gobolka Gabiley Maxamed Xaaji Axmed.

Sidoo kale, Taliyaha qaybta booliska ee gobolka Gabiley Gaashaanle dhexe Amed Siciid Maxamed oo isna dhacdadaasi ka hadlay ayaa yidhi “ askari shaqadiisa ku jira ayaa lagu hujuumay oo qorigiisa lagu qabsaday oo la caayey,waxaana wariyaha qabanaya oo uu jabiyey qodobada kala ah qodobka 263 hanjabaad iyo is hor taag shaqo ayaa sarkaalka lagu sameeyey, lagu cusleeyey qodobka kale ee ah 266 aflagaado sarkaal hawshiisa gudanaya, qodob 268 sarkaal waalidkiisa la caayey oo waliba aflagaado lafjab ayaa meeshaasi ka dhacday,isla markaana la isku dayey in qorigiisa lagu qabsado is uu qorigiisa u difaacana uu xabadii dhulka ku dhuftay, hawshaana saddex nin baa abaabulay mid kamarada duubay iyo laba weerar ahaa, qof sharciga ka weyni ma jiro”.

Sidoo kale, dhacdadaasi waxa kahadlay ururka saxaafadda Somaliland ee SOLJA, waxaanay cambaaraysay in wariyeyaasha laga hor joogsado hawlahooga shaqo.

“Ururka SOLJA, waxa uu u arkaa Askarta Booliiska ahi inaanay xaq u lahayn iyaga iyo masuuliyiinta ay ilaaliyaanba inay Suxufiyiinta ka hor istaagaan inay War ka doonan karaan goob kasta oo ay uga baahdaan.Waxa soo noqnoqotay inay Askarta qaarkood iyo masuuliyiintuba si joogto ah ugu hayaan Suxufiyiinta inay u diidaan goobaha wararku ka jiraan, gaar ahaan xarumaha Dawladda iyo munaasibadaha waawayn.”ayuu yidhi Maxamuud Xuuto oo ka hadlayey dhibaatooyinka haysta saxaafadda Somaliland.

Wasxaanu intaas ku daray “Falalka gacan ka hadalka ah ee ay askartu kula kacayaan suxufiyiinta waa kuwo aan marna u banaanayn waxa waajib ku ah haddii qalad lagula kaco inay sharciga u maraan.Maamulka Degmadda Gabilay, waxaanu u aragnaa inay awood ka baxsan sharciga iyo nidaam darro ula macaamilaan suxufiyiinta gobolkaasi.Suxufiyiinta Somaliland sharcigu uma banaynayo inay awood, Tahdiid iyo sheegasho waxaanay ahayn ku helaan wararka iyo barnaamijyadda ay ka shaqeeyaan.Sidoo kale, sharcigu waxa uu ku waajibinayaa Badbaadada Naftoodu inay ka qaalisan tahay warka ay doonayaan, isla markaana ay u hogaansamaan haddii laga hor istaago goob ay war ka doonayaan.”

Markii askariga iyo wariye is laynayeen waxa laga duubay muuqaal, kaasi oo noqday kii loogu hadal haynta badnaa Somaliland, waxaanay dadkii u qaybsameen laba qaybood oo kala taageerta labada qof ee is gacan qaaday.

Barkhad-ladiif  M. Cumar, Hiiraan Online
[email protected]
Hargeysa, Somaliland 










Click here
3/10/2019 1:44 PM EST
Axad, Maarso, 10, 2019 (HOL) – Dowladda Soomaaliya ayaa Shacabka iyo Dowladda Federaalka Itoobiya uga tacsiyadeysay shilkii diyaaradeed ee ka dhacay dalkaasi Itoobiya,kaasi oo saameyn ku yeeshay dad rakaab ah oo ka soo kala jeeda dalal kala duwan oo uu ku jiro muwaadin Soomaaliyeed.

3/10/2019 10:15 AM EST
Axad, Maarso, 10, 2019 (HOL)- Madaxweyne ku-xigeenka Puntland, ahana Guddoomiyaha Guddiga Abaaraha, Axmed Cilmi Cismaan Karaash ayaa maanta daahfuray shir looga hadlay abaaraha ka jira Puntland, kuwaas oo saamayn ku yeeshay duunyadda iyo nolosha dadka ku dhaqan deegaannada Puntland.

3/10/2019 10:02 AM EST
Axad, Maarso, 10, 2019 (HOL)- Dhismaha waddada laamiga ah ee bartamaha magaalada Burtinle ee gobolka Nugaal ayaa maanta billowday,kaddib muddo dheer oo aysan wax tayactir ah helin waddadaa oo burbur xooggan uu soo gaaray.

3/10/2019 9:27 AM EST
Axad, Maarso, 10, 2019 (HOL)- Wasiirka Horumarinta Haweenka iyo Arrimaha Qoyska Puntland, Marwo Aamina Cismaan Xaaji ayaa sheegtay inay ka shaqeyn doonto sidii haweenka ay u heli lahaayeen cadaalad, si loo gaaro dumarka inuu sameeyo horumar dhinac walba leh.

3/10/2019 9:11 AM EST
Axad, Maarso, 10, 2019 (HOL)- Madaxda shirkadda diyaaradaha Ethiopian Airlines ayaa goor dhaw ku dhawaaqay dalalka ay ka soo jeedaan dadkii la socday diyaaradii burburtay oo la sheegay in gabi ahaanba ay dhinteen

3/10/2019 8:59 AM EST
Axad, Maarso, 10, 2019 (HOL) – Ra’iisal Wasaaraha xukuumadda federaalka Soomaaliya (XFS) Xasan Cali Khayre, ayaa maanta ka qayb galay Janaasada iyo aaska Qaran ee Muqdisho loogu sameeyay Allaha u naxariistii wasiirkii arrimaha dastuurka, Cabdiraxmaan Xoosh Jibriil, jimcihii geeriyooday.

3/10/2019 8:34 AM EST
Axad, Maarso, 10, 2019 (HOL) – Wali waxaa isa soo taraya wararka ku saabsan burburka diyaaradaha Ethiopian Airlines oo ku burburtay magaalo lagu magacaabo Bishoftu oo Koonfur Bari ka xigta magaalada Addis Ababa ee dalka Itoobiya.

3/10/2019 6:28 AM EST
Axad, Maarso, 10, 2019 (HOL)-Warar dheeraad ah ayaa ka soo baxaya bur burka diyaarada Ethiopian Airlins oo nooceedu ahaa Boeing 737 oo ka duushay garoonka diyaaradaha magaalada Addis Ababa kuna sii jeeday magaalada Nairobi ee dalka Kenya.

3/10/2019 5:41 AM EST
Axad, Maarso, 10, 2019 (HOL) Dhawaan waxaa tagay magaalada Kismaayo ee xarunta KMG u ah maamul gobolleedka Jubbaland wafdi ka socday xafiiska ra'iisal wasaaraha xukuumadda Soomaaliya Xassan Cali Kheyre

3/10/2019 4:58 AM EST
Axad, Maarso, 10, 2019 (HOL)- Warar daqiiqado ka hor soo baxay ayaa sheegaya ay bur burtay diyaarad diyaarada Ethiopian Airlines oo ka duushay magaalada Addis Ababa kuna sii jeeday magaalada Nairobi ee dalka Kenya.

3/10/2019 4:45 AM EST
Axad, Maarso, 10, 2019 (HOL)- Mid ka mid ah ardeyda wax ka barata dugsiga Mujamac ayaa ku dhax dilay ardey kale gudaha fasalkii ay wax ka wada dhiganayeen.

3/10/2019 1:13 AM EST
Axad, Maarso, 10, 2019 (HOL)- Wasiirka caafimaadka Tunisia, Cabdirauf Sharif ayaa iscasilay ka dib markii 11 ilma markaa uun dhashay ah ay ku dhinteen cisbital ku yaal caasimadda Tunis.

3/10/2019 12:47 AM EST
Axad, Maarso, 10, 2019 (HOL)-Maamulka gobolka Shabeellaha Hoose ayaa faah faahin ka bixiyay howlgallada ciidamada Kumaandoosta Soomaaliya iyo kuwa Mareykanka ka fuliyaan deegaanada Al-Shabab ay kaga sugan yihiin gobolkaas.

3/10/2019 12:29 AM EST
Axad, Maarso, 10, 2019 (HOL) - Ciidamada dowladda Soomaaliya ayaa gabi ahaanba maanta xiray inta badan jidadka muhiimka u ah isku socodka dadweynaha ee magaalada Muqdisho, iyadoo maanta la filayo in dalka la keeno meydka Wasiirkii Dastuurka dowladda Soomaaliya Cabdiraxmaan Xoosh Jabriil.