Axad, Maarso, 10, 2019 (HOL) –
Wali waxaa isa soo taraya wararka ku saabsan burburka diyaaradaha Ethiopian
Airlines oo ku burburtay magaalo lagu magacaabo Bishoftu oo Koonfur Bari ka
xigta magaalada Addis Ababa ee dalka Itoobiya.
157 ruux oo la socday diyaarada
ayaa la sheegay in gabi ahaanba ay dhinteen, 149 ka mid waxaa ay ahaayeen
rakaab, halka 8 ka mid ahna ahaayeen shaqaalaha diyaaradaha sida laga soo xigta
afhayeen u hadlay shirkadda.
Diyaaradaha oo ku sii jeeday
magaalada Nairobi ayaa lumisay xiriirkii ay la laheyd qeybta hagida diyaaradaha
ee garoonka Bole International
saacadu markey aheyd 08.44,
Lix daqiiqo kaddib markii ay garoonka ka dushay.
Afhayeenka u hadlay shirkadda Ethiopian
Airlines ayaa u sheegay CNN in dadka la socday diyaarada ay ka soo kala jeedeen
ilaa 32 labo dowladood,
‘’Siddeed Shiineys ah ayaa la
socday diyaarada ayuu yiri Li Liang
oo u hadlay safaarada Shiinaha ee dalka Itoobiya.
Warar kale oo soo baxaya ayaa sheegaya in dadka shilkan ku dhintay uu ka mid ahaa shaqaale ka tirsan xafiiska ra'iisal wasaaraha xukuumadda Soomaaliya oo magaciisa lagu sheegay Cabdi Shakuur Sahaad, laakiin ma jiro wax war ah oo ka soo baxay xafiiska ra'iisal wasaaraha oo la sheegay in uu ka tirsanaa.
Ilaa iyo hadda lama oga in
dadka ku dhintay diyaaradan ay ku jiraan Soomaali, waxaana la filayaan
shirkaddu shaaciso dowladdaha ay ka soo kala jeedaan rakaabka la socday
diyaarada.
C/raxmaan Diini, Hiiraan Online
[email protected]
