Madaxweynaha Hirshabeele oo ka hadlay dagaallada ka soo cusboonaday qeybo ka mid ah gobolka Hiiraan
Khamiis, June, 27, 2019 (HOL) –
Madaxweynaha dowlad gobolleedka Hirshabeelle Maxamed Cabdi Waare ayaa isaga oo ku sugan magaalada Beledweyne ku baaqay in sida ugu dhaqsiyaha badan loo
joojiyo dagaallo culus oo qeybo ka mid ah gobollka ku dhaxmaray labo maleeshiyo
beelleed.
Madaxweyne Waare ayaa ugu baaqay
waxgaradka labada dhinac ee dirirtu dhaxmartay in loo istaago sidii looga
baaqsan lahaa dagaallo mar kale dhaca, isaga oo dhanka kalana ku tilmaamay
dagaalladan kuwo fursad siinaya sida uu hadalka u dhigay Al-shabaab iyo kooxaha
nabadda ka soo horjeeda.
“Colaado u eg mid qabiil laakiin
aysan siyaasadi ka marneyn ayaa ku soo laalaabtay deegaannada Hirshabelle gaar
ahaa gobolka Hiiraan, waxaana uu ku baaqayaa in Odayaasha, Culumo'udiinka iyo Siyaasiyiinta u istaagaan joojinta colaadahaas,” ayuu yiri madaxweyne Waare.
Sidoo kale, madaxweynaha ayaa ku
baaqay in xabbada la joojiyo, wixii dhinacy-adu ay isku hayaanna si nabad ah
lagu dhameeyo.
Ugu dambeyntii Madaxweynaha dowladda
Hirshabelle Mudane Maxamed Cabdi Waare ayaa xusay in ay soo arkeen
dhibaatada ay colaaddu leedahay, balse loo baahanyahay in laga wada shaqeeyo
nabadda.
Baaq madaxweynaha ayaa imanaya kaddib markii dagaal culus oo maanta ka dhacay deegaanno hoostaga degmada Matabaan ku dhinteen tiro ka badan 10 ruux oo ka kala tirsanaa dhinacyadii ay dirirtu dhaxmaratay.
C/raxmaan Diini, Hiiraan Online
[email protected]
