3/28/2024
Today from Hiiraan Online:  _
Wararka Maanta- Isniin, Jun 24, 2019
Madaxweyne farmaajo oo ka qeybgalay qalinjabinta dufcadda 20-aad ee jaamacada Ummadda


Isniin, June, 24, 2019 (HOL)–Madaxweynaha Soomaaliya Maxamed Cabdullaahi Farmaajo oo munaasabadda qalinjabinta kala qaybgalay dufcadda 20-aad ee Jaamacadda Ummadda Soomaaliyeed ayaa ardayda ugu hambalyeeyay dadaalka ay muujiyeen iyo guusha ay gaareen.

Madaxweyne Farmaajo ayaa sheegay in Soomaaliya oo soo martay marxalado kala duwan iyada oo maanta cagta saartay dhabbada dib u soo kabashada iyo horumarka, wuxuuna xusay rajada wanaagsan ee uu ka qabo mustaqbalka dalka.

“Waddankeennu wuxuu soo maray duruufo kala duwan, waxa uuna maanta marayaa in intaan oo arday ah ay ka qalinjabiyaan Jaamacadda Ummadda Soomaaliyeed, taas oo daliil u ah in haddii la wada dadaalo oo gacmaha la is-qabsado aynu gaari karno natiijo tan ka sii weyn.”

“Waxaa ii muuqda rajo wanaagsan, waxaa ii muuqda waddan dhaqaalihiisu uu la tartami doono waddamada aan burburin, waddan ka faa’idaysan doona khayraadkiisa dabiiciga ah, hadday tahay beeraha, xoolaha, kalluumaysiga iyo macdanta kale oo aan adduunka u suuq geyn doonno, waxaa ii muuqda in Soomaaliya la maalgashan doono si dhallinyarada idinka oo kale ah shaqo loogu abuuro.”

Madaxweynaha oo ku bogaadiyey aqoonyahanka Soomaaliyeed doorka muuqda ee ay ka qaateen in dib loo furo Jaamacadda Ummadda iyo in la helo dhallinyaro waxbaratay oo ka qayb qaadata dib u dhiska dalka ayaa tilmaamay mudnaanta ay dowladdu siinayso in ay joogtayso, siina xoojiso taageerada Jaamacadda Ummadda Soomaaliyeed iyo guud ahaan hay'adaha waxbarashada dalka.

Sidoo kale, Madaxweynaha ayaa ammaanay Hormuudka iyo Bareyaasha Jaamacadda Ummadda oo ku soo shaqeeyay duruuf adag, isla markaana ka miradhaliyey hiigsigii dib u soo nooleynta Jaamacadda iyo barbaarinta jiilka berri, wuxuuna ardayda qalinjabisay kula dardaarmay in ay dhexda u xirtaan sidii ay uga shaqeyn lahaayeen horumarka dalkooda, aqoontoodana ay ugu adeegi lahaayeen shacabkooda.

Ardayda maanta ka qalinjabisay Jaamacadda Ummdadda Soomaaliyeed oo ah dufcaddii koowaad ee ka baxda Jaamacadda burburkii ka dib ayaa tiro ahaan gaarayey 131 kuwaas oo dhammaystay kulliyadaha Sharciga, Dhaqaalaha, Beeraha, Waxbarashada, iyo Xanaanada Xoolaha.

Munaasabadda qalinjabinta ayaa waxa goobjoog ka ahaa xubno ka socday Golaha Shacabka, Aqalka Sare, Xukuumadda, Guddoomiyaha Gobolka Banaadir ahna Duqa Muqdisho, diblomaasiyiinta ka hawlgala magaalada Muqdisho, Wasiir Kuxigeenka Arrimaha Dibedda Dowladda Talyaaniga Marwo Emanuela C. Del Re iyo marti sharaf kale.

Iman Mohamed Jama, Hiiraan Online
[email protected]













Click here
6/24/2019 2:52 PM EST
Isniin, June, 24, 2019 (HOL)–Guddoomiyihii xilka laga qaaday Yuusuf Axmed Hagar Dabageed oo wali ku adkeysanaya xafiiska ayaa shir jaraa’id ku sheegay in markii saddexaad lagu soo weeraray xarunta maamulka gobolka Hiiraan.

6/24/2019 1:02 PM EST
Isniin, June, 24, 2019 (HOL)–Madaxweynaha dowladda federaalka ah ee Soomaaliya, Maxamed Cabdullaahi Farmaajo ayaa sheegay inay ka go’antahay sidii lagu gaari lahaa dowlad dhexe oo awood leh, isagoo marka sheegay taasi inay tahay federaalka saxda ah.

6/24/2019 12:32 PM EST
Isniin, June, 24 2019 (HOL)- Wasiirka Xanaanada xoolaha iyo horumarinta Kalluumaysiga Xasan Maxamed Gaafaadhi, ayaa sheegay in shuruudo cusub ay ku soo kordhisay dawlada Sucuudigu, taas oo ay ku soo kordhiyeen in waraaqda caafimaadka xoolaha laga qaadanayo dawlada Soomaaliya.

6/24/2019 12:22 PM EST
Isniin, June, 24, 2019 (HOL)–Ra’iisul wasaaraha xukuumadda federaalka ah ee Soomaaliya, Xasan Cali Khayre iyo wafdi uu hoggaaminayo ayaa galinkii dambe gaaray magaalada Dhuusamareeb ee xarunta dowlad-gobolleedka Galmudug.

6/24/2019 10:17 AM EST
Isniin, June, 24, 2019 (HOL)–Ra’iisul wasaaraha Soomaaliya, Xasan Cali Khayre ayaa goor dhow u ambababaxay magaalada Dhuusamareeb ee xarunta dowlad-gobIsniin, June, 24, 2019

6/24/2019 9:42 AM EST
Isniin, June, 24, 2019 (HOL)–Xildhibaannada Baarlamaanka federaalka ah ee Soomaaliya oo maanta yeeshay kulankoodii caadiga ahaa ayaa ansixiyay sharciga dhismaha guddiga la dagaallanka musuq-maasuqa oo ka mid ah hawlaha horyaallay golaha.

6/24/2019 9:41 AM EST
Isniin, June, 24, 2019 (HOL)-Madaxweynaha dowlad gobolleedka Hirshabeelle oo maalmihii ugu danbeeyayba ku sugnaa magaaladsa Beledweyne ayaa maanta albaabada u xiran yihiin la yeeshay saraakiisha howlgalka midowga Africa AMISOM.

6/24/2019 9:35 AM EST
Isniin, June, 24, 2019 (HOL)–Xildhibaanno ka tirsan labada gole ee Baarlamaanka Soomaaliya ayaa maanta gaaray degmada Cadaado ee gobolka Galgaduud.

6/24/2019 5:10 AM EST
Isniin, June, 24, 2019 (HOL)–Kullanka Golaha shacabka ee Baarlamaanka Soomaaliya ayaa hadda ku furmay Kooram dhan 144 Xildhibaan.Ajandaha kulanka ayaa ah cod u qaadidda hindise sharciyeedka dhismaha guddiyada la dagaallanka musuq maasuqa.

6/24/2019 4:45 AM EST
Isniin, June, 24, 2019 (HOL)–Xildhibaannada Baarlamaanka Soomaaliya ayaa maanta kullan leh, kaaso aan wali furmin.Muddo ku dhow soddon daqiiqo ayuu dib u dhacay furitaanka kulanka, iyada oo ay jirto wal wal laga qabo inuu kooram la’aan u baaqdo.

6/24/2019 3:40 AM EST
Isniin, June, 24, 2019 (HOL)– Wafuud ka socota dowladda federaalka ayaa lagu wadaa inay maanta gaaraan deegaannada Galmudug, halkaa oo ay ka taagantahay xiisad siyaasadeed oo u dhaxeysa hoggaanka sare ee maamulka.

6/24/2019 1:36 AM EST
Isniin, June, 24, 2019 (HOL) –Madaxweynaha dowlad gobolleedka Galmudug Axmed Ducaalle Geelle Xaaf ayaa sheegay in uu gabi ahaanba meesha ka baxay islamarkaana buray heshiiskii Jabuuti ee Muqdisho lagu saxiixay sanadkii 2017 kaa oo dhaxmaray maamulkii gobollada dhexe ee Ahlu Sunna iyo Galmudug

6/24/2019 1:20 AM EST
Isniin, June, 24, 2019 (HOL) – Mohamud Jama oo ah Aqoonyahan Soomaalyeed oo dagan magaalada Columbus Ohio ayaa kulan uu la qaatay jaaliyadda waxa uu ku sheegay in uu u taaganyahay ka mid noqoshada Baarlamanka gobolka isaga oo matali doona xaafada 25 oo ah xaafad ay aad u daganyihiin Soomaalida Columbus Ohio.

6/24/2019 1:13 AM EST
Isniin, June, 24, 2019 (HOL)–Qoraal ka soo baxay mar kale xafiiska Wasaarradda Arrimaha Gudaha dowladda federaalka Soomaaliya ayaa lagu sheegay in doorashada Galmudug ka dhici doonto degmada Dhuusa-Mareeb 4ta bisha July ee nagu soo foolka leh.