Madaxweyne Xaaf “ Wuu burburay heshiiskii maamulkii gobollada dhexe ee Ahlu Sunna iyo Galmudug
Isniin, June, 24, 2019 (HOL) –Madaxweynaha dowlad gobolleedka Galmudug Axmed Ducaalle Geelle Xaaf ayaa sheegay in uu gabi ahaanba meesha ka baxay islamarkaana buray heshiiskii Jabuuti ee Muqdisho lagu saxiixay sanadkii 2017 kaa oo dhaxmaray maamulkii gobollada dhexe ee Ahlu Sunna iyo Galmudug
Madaxweyne Xaaf ayaa
qoraalkiisa intaa ku daray in uu dhamaaday sida uu hadalka u dhigay kala aragti
–duwanaashihii dowladda dhexe iyo Galmudug doorashadana waqtigeeda ku dhici
doonto, isaga oo goobta doorashada ku sheegay degmada Cadaado ee gobolka
Galguduud oo horay xarun ugu aheyd maamulka Galmudug ka hor inta aysan u soo guurin
degmada Dhuusa-Mareeb.
Wuxuu sheegay in uu dhamaaday
khilaafkii iyo mad-madowgii ka dhex jiray Dowladda Federaalka Soomaaliya iyo
Maamulka Galmudug doorashadana ku dhici doonto waqtii loogu talagalay.
Laakiin marka laga soo tago
warsaxaafadeedka ka soo baxay madaxweynaha Galmudug dhinaca kale War ay soo
saartay Wasaarradda Arrimaha Gudaha Soomaaliya ayaa lagu sheegay in doorashada
Galmudug lagu qaban doono degmada Dhuusa-Mareeb, kaddib markii ay heshiis
gaareen Wasaaradda iyo maamulka Ahlu Sunna Waljameeca.
Akhriso Qoraalka ka soo baxay
madaxweyne Xaaf :
C/raxmaan Diini, Hiiraan Online
[email protected]