3/28/2024
Today from Hiiraan Online:  _
Wararka Maanta- Khamiis, Jun 13, 2019
Muqdisho: Guri uu sarkaal boolis ah muddo 28 sanno ah heystay oo dib loogu celiyay muwaadinkii lahaa

Khamiis, June, 13, 2019 (HOL)- Muwaadin Soomaali ah ayaa si dareen leh maanta ula wareegay furayaasha guri muddo 28 sanno si lagu sheegay xog uu ku degganaa sarkaal ka tirsan booliska Soomaaliya.

Guddoomiyaha gobolka Banaadir ahna duqa caasimadda Muqdisho, Cabdirixmaan Cumar Cusmaan (Eng.Yarisow) oo furaha gurigaas ku wareejiyey muwaadinkii lahaa ayaa ka digay cawaaqib xumada Aakhiro iyo adduunba sugaysa dadka sida sharci darrada ah u deggan hantida muwaadiniinta kale ee doonaya in dib loogu soo celiyo xaqooda.

Wuxuu inta ku daray duqa caasimadda Muqdisho, in la xiray sarkaalkii muddada heystay guriga, lana horkeenayo Maxkamad, oo la marsiin doono hannaanka sharci ee uu mudnaa.

"Cidna si sharci darro ah uma haysan karto muwaadin kale hantidiis, Maamulkan tan iyo markii aan nimid waxaan ku guuleysannay soo celinta hanti ay lahaayeen muwaadiniin, kuwaas oo dadkii haystay ay si mutadawicnimo ah usoo wareejiyeen, balse arrinta maanta waa ay ka duwan tahay oo maxkamad iyo xabsi ayeey gaartay." ayuu yiri Eng.Yarisow.

Muwaadinka maanta guriga lagu wareejiyay ,Cali Maxamed Baare ayaa isaga oo qashuxsan ilmeynayana wuxuu u mahadceliyay maamulka gobolka Banaadir, wuxuuna sheegay in talaabada maanta guriga loogu wareejiyay ay muujinayso sida ay cadaaladda u shaqeynayso.

Ma aha markii u horreysay oo maamulka gobolka Banaadir uu ku guuleystay muwaadiniin muddo dheer guryo laga heystay oo dib loogu celiyay, arrintaa oo aad loogu ammaan maamulka.

Iman Mohamed Jama, Hiiraan Online
[email protected]











Click here
6/13/2019 3:00 PM EST
Khamiis, June, 13, 2019 (HOL)- Shirweynaha Guud ee Ururka Suxufiyiinta Adduunka ee ka soconaya magaalada Tunis ee dalka Tunisia ayaa galabta waxaa uu si aqlabayida ah ugu doortay hoigaanka ugu sareeya ururka suxufiyiinta adduunka Cumar Faaruuq Cusmaan oo ah Xoghayaha Guud ee Ururka Qaranka Suxiyiinta Soomaaliyeed ee NUSOJ.

6/13/2019 1:12 PM EST
Khamiis, June, 13, 2019 (HOL) - Shirkii golaha wasiirada Somaliland ayaa maanta warbixino lagaga dhagaystay wasiirka shaqo galinta Iyo Qoyska iyo wasiirka wasaaradda Isgaadhsiinta iyo Tiknoolajiyadda, isla markaana golaha wasiirada usoo gudbiyey siyaasadihii lagu maamulayey wasaaradoodda.

6/13/2019 12:56 PM EST
Khamiis, June, 13, 2019 (HOL)-Madaxweynaha Maamul Goboleedka Hirshabelle Maxamed Cabdi Waare ayaa magacaabay guddi heer Wasiirro ah oo baaritaan ku sameeya dhacdadii uu ku geeriyooday taliyihii Boosliika gobolka Hiiraan Gaashaanle Dhexe Maxamed Macoow Xalane.

6/13/2019 12:51 PM EST
Khamiis, June, 13, 2019 (HOL)- Ra’iisul Wasaaraha xukuumadda federaalka Soomaaliya ,Xasan Cali Khayre ayaa maanta guddoomiyay shirka golaha wasiirrada.

6/13/2019 12:19 PM EST
Khamiis, June, 13, 2019 (HOL)- Madaxweynaha Soomaaliya Maxamed Cabdullaahi Farmaajo oo ka dhegeystay Guddoonka iyo Hawlwadeennada Gobolka Banaadir warbixin ku saabsan waxqabadkooda iyo qorshaha maamul ayaa ku bogaadiyey doorka muuqda ee ay ka qaadanayaan Barnaamijka Isxilqaan ee dib loogu dhisayo dalka.

6/13/2019 8:58 AM EST
Khamiis, June, 13, 2019 (HOL)- Dowladda Soomaaliya iyo Midowga Yurub ayaa munaasabad uu goob joog ka ahaa Ra’iisul Wasaare ku xigeenka Soomaaliaya oo Muqdisho lagu qabtay waxa ay maanta si wadajir ah ugu saxiixeen heshiiska maal-gelinta mashruuca dib udhiska waddooyinka goballada dalka oo ay Midawga Yurub ku bixinayso 42 Million oo Yuuro.

6/13/2019 4:33 AM EST
Khamiis, June, 13, 2019 (HOL)- Howlgalka Midowga Afrika ee Soomaaliya , ayaa Ciidammada ammaanka ugu deeqay qalabka lagu keydiyo Cuntada iyo sahayda, arrinta oo lagu sheegay in kor loogu qaaddayo awoodda Ciidammada.

6/13/2019 4:26 AM EST
Khamiis, June, 13, 2019 (HOL)- Madaxweynaha dalka Mali, Ibrahim Boubacar Keita ayaa ku dhawaaqay saddex cisho oo baroor-diiq qaran ah oo loo sameynaayo dadkii lagu xasuuqay tuulada Sobane Da ee bartamaha dalkaasi.

6/13/2019 4:20 AM EST
Khamiis, June, 13, 2019 (HOL)- Saddex boqol oo arday oo kuliyado kala duwan bartay ayaa ka qalin jabisay jaamacadda Green Hope , kuwaas oo ah dufcadii toddobaad ee ka qalin jabiya jaamacadda Green Hope ee magaalada Muqdisho.

6/13/2019 4:01 AM EST
Khamiis, June, 13, 2019 (HOL)-Madaxweynaha Puntland Siciid Cabdullaahi Deni ayaa kulan muhiim ah kula qaatay magaalada Adiss Ababa ee caasimadda dalka Itoobiya masuuliyiinta shirkadda duulimaadyada Itoobiya ( Ethiopian Airlines)

6/13/2019 1:22 AM EST
Khamiis, June, 13, 2019 (HOL) - Ra’iisul Wasaaraha Xukuumadda federaalka Soomaaliya Xassan Cali Kheyre ayaa kormeeray xarunta laanta ilaalinta canshuuraha, xarunta hoggaanka ciidanka daraawiishta booliiska iyo taallada Dhagax-Tuur oo dib-u-dhis ballaaran uu ka socdo.