3/28/2024
Today from Hiiraan Online:  _
Wararka Maanta- Talaado, July 9 , 2019
Guddoomiyaha Baarlamaanka Hirshabeelle oo soo gaaray magaalada Beledweyne

 

Talaado, July, 09, 2019 (HOL)-Guddoomiyaha Baarlamaanka dowlad gobolleedka Hirshabeelle Cismaan Barre Maxamed ayaa maanta soo gaaray magaalada Beledweyne ee xarunta gobolka Hiiraan.

Guddoomiyaha Baarlamaanka oo warbaahinta  la hadlay ayaa sheegay in madaama uu fasax ku jiro baarlamaanka uu go'aansaday sida uu hadalka u dhigay in uu dib ugu soo laabto gobolka gaar ahaan magaalada Beledweynem isaga oo dhinaca kalana soo hadal qaaday khilaafka ka dhashay xil ka qaadistii lagu sameeyay guddoomiyihii hore ee maamulka gobolka Hiiraan Yuusuf Axmed Hagar Dabageed.

Cismaan Barre Maxamed ayaa sheegay in uu qeyb ka noqon doono xal u raadinta khilaafka isaga oo rajo badan ka muujiyay in ugu danbeyntii xal laga gaari doono khilaafka taagan.

Horay waxaa magaalada ugu sugnaa ku dhawaad bil  madaxweynaha dowlad gobolleedka Hirshabeelle Maxamed Cabdi Waare, sidoo kale waxaa magaalada ku sugan xubno ka tirsan xildhibaannada dowladda federaalka ee ka soo jeeda gobolka Hiiraan.

Wali waxaa muuqata in xal kama danbeys ah aan laga gaarin khilaafka, iyadoo dhinaca kale Yuusuf Dabageed uu ku adkeysanayo in uu yahay guddoomiyaha sharciga ee gobolka.

C/raxmaan Diini, Hiiraan Online
[email protected] 


 













Click here
7/9/2019 1:58 PM EST
Tartankii Quraanka ee Imaam Shatibi ee Minnesota ka dhaca sanadkiiba mar ayaa shalay lagu soo gabagabeeyey Kenaddy High School ee magaaladda Blooomington Minnesota , waxaana sanadkaan oo ahaa kii ugu balarnaa ka soo qaybgalay ilaa 420 arday oo ku kala tartamaayey

7/9/2019 1:20 PM EST
Talaado, July, 09, 2019 (HOL)-Xaalada degaano labadii maalmood ee la soo dhaafay laba beelood ku dhexmarayey ayaa istaagey kadib markii ciidamo hawsha wax ka qabtaya ay yimaadeen.

7/9/2019 11:29 AM EST
Talaado, July, 09, 2019 (HO)- Ra’iisul Wasaaraha xukuumadda federaalka Soomaaliya, Xasan Cali Khayre ayaa qaybaha kala duwan ee bulshada kula kulmay magaalada Gaalkacyo ee xarunta gobalka Mudug.

7/9/2019 10:41 AM EST
Talaado, July, 09, 2019 (HOL)- Ra’iisul Wasaare ku-xigeenka xukuumadda federaalka Soomaaliya , Mahdi Maxamed Guuleed (Khadar) ayaa maanta guddoomiyay shir ay yeesheen guddi hoosaadka golaha wasiirrada ee tubta horumarinta dhaqaalaha.

7/9/2019 10:36 AM EST
Talaado, Luulyo, 9, 2019 (HOL)- Gudoomiyaha xisbiga UCID Eng;Faysal Cali Waraabe ayaa xukuumada madaxweyne Muuse Biixi ku dhaliilay hogaamin xukumo iyo in aanay wali fullin balamihii ay qaaday.

7/9/2019 10:31 AM EST
Talaado, July, 09, 2019 (HOL)- Dowladda Soomaaliya ayaa markii ugu horreysay ka hadashay hadal heynta ku aaddan inay wada-hadal ka galeyso kiiska horyaalla Maxkamadda adduunka ee ICJ.

7/9/2019 10:22 AM EST
Talaado, July, 09, 2019 (HOL)- Wafdi uu hoggaaminayay guddoomiyaha Baarlamaanka Federaalka Soomaaliya, Maxamed Mursal Sheekh Cabdiraxmaan ayaa maanta kormeer ku tagay xero ciidan oo ku taalla magaalada Xudur ee gobolka Bakool.

7/9/2019 9:38 AM EST
Talaado, July, 09, 2019 (HOL)- Dowladda Afghanistan iyo ururka hubaysan ee Taliban ayaa ku heshiiyay geedi socod nabadeed, iyadoo qodobbada heshiiska ay ku jiraan in la soo afjaro dhibaatada loo geysanayo dadka rayidka.

7/9/2019 9:29 AM EST
Talaado, July, 09, 2019 (HOL)- Ra’iisul Wasaaraha xukuumadda federaalka Soomaaliya,Xasan Cali Khayre oo shalay gaaray magaalada Gaalkacyo ee xarunta gobalka Mudug ayaa kulan la qaatay qaar kamid ah dhallinyarada ku nool magaalada.

7/9/2019 4:29 AM EST
Talaado, July, 09, 2019 (HOL) - Wakiilka Qaramada Midoobay ee Soomaaliya, James Swan oo booqashadii u horreysay shalay ku tagay magaalada Garoowe ee xarunta Puntland ayaa baaq u diray Puntland iyo Soomaaliland.

7/9/2019 4:02 AM EST
Talaado, July, 09, 2019 (HOL) - Guddiga amniga ee gobolka Banaadir ayaa ka mamnuucay magaalada Muqdisho askarta ku labisan dareeska milateriga,iyadoo kullan ay yeesheen guddiga ay ka qeybgaleen Guddoomiyaha Gobolka Banaadir ahna Eng Cabdiraxmaan Cumar (Yariisow) iyo Xubnaha Guddiga Amniga Gobolka Banaadir.

7/9/2019 12:59 AM EST
Talaado, July, 09, 2019 (HOL) – Wararka ka imanaya degmada Dhoobley ee gobolka Jubbada hoose ayaa sheegaya in saddex ruux oo shacab ah ku dhinteen qarax lala eegtay gaari ay saarnaayeen deegaan hoostaga degmada maalintii shalay.

7/9/2019 12:41 AM EST
Talaado, July, 09, 2019 (HOL) - Sida ay sheegeen masuuliyiinta Shirkadda Quwada Korontada ee dalka Itoobiya waxaa lajoojiyay Korontadii badanaa ka gu'i jirtay dhammaan dalka oo dhan iyadoo maanta laga bilaabo Xaafaduhu ay toos u helayaan adeegga Koronto oo dhammaystiran.