Maxaa looga hadlay kulan magaalada Muqdisho ku dhaxmaray Wasaarradda Arrimaha Dibadda iyo Wakiillada beesha caalamka
Sabti, July, 06, 2019 (HOL)-Wasiirka Arrimaha dibada Soomaaliya Axmed Ciise Cawad oo Warbaahinta kula hadlay Magaalada Muqdisho ayaa faahfaahin ka bixiyay qodobadii ugu muhiimsanaa ee looga hadlay kulan maanta ka dhacay Gudaha Garoonka Diyaaradaha Muqdisho oo uu la qaatay Wakiilada Beesha Caalamka ee Soomaaliya.
Markii uu shirka uu soo dhamaaday ayaa Wasiirka arimaha dibadad
Soomaaliya saxaafada u sharaxay waxyaabihii kasoo baxay kulanka uu la
qaatay qaar kamid ah Safiirada wadamada Caalamka u jooga Soomaaliya.
Wasiir Cawad ayaa sheegay in dowadda Soomaaliya ay Somaliland u
aaminsan tahay in ay ka mid ah tahay dhulka Soomaaliya, ayna jiri karin
dowlad u sameyn karta Maqaamka dowladeed ee Soomaaliya oo kale.
Wasiirka ayaa tilmaamay in Somaliland hormarkeena ay jecel yihiin
laakiin uusan waxba ka badali karin in ay tahay gobol ka mid ah
Soomaaliya oo cidii dowlad u aqoonsataa in jabisay Qarannimadda
Soomaaliya iyo Wada-jirka Umadda Soomaaliyeed.
Mr Cawad ayaa sidoo kale sheegay in ay jiraan dowladu shisheeye oo ka
shaqeenaya hagar daamo kuna xad gudbaya midnimada Soomaaliya, waxa uuna
dowladahaasi uga digay in ay ka waantoobaan ficilada ay ku
dhaqaaqayaan.
Waxa uu sidoo kale Wasiir Cawad sheegay in Wakiilada Caalamka kala
hadlay xaalada dalka Sudan , waxa uuna sheegay in dhammaan Safiiradda
ay isla garteen in la taageero heshiiskii dhawaan ay gaareen Golaha
milatariga Suudan iyo Kooxda mucaaradka.
Dowladda Soomaaliya ayaa sheegtay in ay gabi ahaanba xiriirka u jarta dalka Jamhuuriyada Gani oo ay ku eedeysan in ay meel ka dhac ku sameysay Qarannimada iyo madax-bannaanida Soomaaliya.
C/raxmaan Diini, Hiiraan Online
[email protected]
