Wasaarradda Arrimaha Dibadda Soomaaliya oo soo saareysa go'aanno kale oo la xiriira siyaasadda Arrimaha dibadda
Sabti, July, 06, 2019 (HOL) –
Wasaarradda Arrimaha dibadda Xukuumadda Soomaaliya ayaa lagu wadaa in maanta oo
Sabti ay soo saarto go’aamo kale oo la xiriira siyaasaddeeda Arrimaha dibadda
kaddib fariimo loo diray bahda Warbaahinta dalka oo lagu war-galiyay in ay yimaadaan
xarunta Wasaarradda
War-qoraal ah oo warbaahinta loo
diray ayaa lagu war-galiyay ka soo qeybgalka kulan la qaban doono 6 bisha July oo beegan maanta oo Sabti ah
balse lama caddeyn arrimaha uu la xiriiro shirka iyo waxa looga hadlayo.
Go’aankii u dambeeyay ee wasaaradu qaadatay ayaa
xiriirka loogu jaray dalka Jamhuuriyada Gini, go’aankaa ayaa siweyn loogu
dhaliilay dowladda, iyadoo siyaasiyiinta qaarna ay sheegeen in markii horeba
uusan jirin xiriir Diblomaasiyadeed oo ka dhaxeeya labada wadan, sidaa
daraadeed uu waxba kama jiraan yahay warka ka soo baxay Wasaarradda.
Dadka sida weyn u dhiilala siyaasadda Arrimaha dibadda xukuumadda Soomaaliya ayaa
sheegaya in aysan laheyn jiho loo raaco, iyadoo marar badan oo hore Wasaarraddu qaadatay go’aamo iska
horimanaya.
C/raxmaan Diini, Hiiraan Online
[email protected]
