3/29/2024
Today from Hiiraan Online:  _
Wararka Maanta- Jimco, July 5 , 2019
Cabdiraxmaan Cabdishakuur oo dhaliilay go'aanka ay dowladda Soomaaliya xiriirka ugu jartay dalka Gini

Jimco, July, 05, 2019 (HOL)- Siyaasiga hoggaamiya xisbiga mucaaradka ah ee Wadajir ,Cabdiraxmaan Cabdishakuur Warsame ayaa ku dhaleeceeyay xukuumadda Soomaaliya go'aanka ay xiriirka ugu jartay dalka ku yaalla galbeedka Afrika ee Gini .

Wuxuu sheegay inaysan horey u jirin xiriir ay lahaayeen labada dal, wuxuuna ku tilmaamay tallaabada ay hadda qaadday xukuumadda Soomaaliya inuu yahay mid uu ka muuqdo 'fudeed iyo qaangaar la’aan diblomaasiyadeed'.

"Go’aanka Xukuumadda Federaalka ee xiriirka ugu goysay dalka Gini oo aan weligii Soomaaliya xiriir diblomaasiyadeed la yeelan waxaa ka muuqda fudeed iyo qaangaar la’aan diblomaasiyadeed, dowlado ay ka mid yihiin Itoobiya, Kenya iyo Jabuuti ayaa habmaamuus iyo soo dhoweyn maqaam sare leh horey ugu qaabilay madaxda Somaliland, xukuumadduna kama falcelin, xiriirna uma jarin." ayuu yiri Cabdiraxmaan Cabdishakuur.

"Go’aanku wuxuu sawir ka bixinayaa fududeydka iyo qaangaar la’aanta diblomaasiyadeed ee hoggaanka sare ee dowladda, sababtoo ah falceliska diblomaasiga ahi wuxuu leeyahay habraac marxaladaysan iyo curfi diblomaasi ah oo la maro. Xiriir jariddu waa tilaabta ugu danbeysa ee ma ahan tan laga billaabo...Go’aanku wuxuu kala durjinayaa isku soo dhowaanshaha Soomaaliya iyo Somaliland, wuxuuna fursad siinayaa inta ku hawlan kala fogeynta labada dhinac iyo in waddada wada-hadalka xiranto." ayuu raaciyay.

Cabdiraxmaan Cabdishakuur, oo inta badan dowladda Soomaaliya ku dhaliila go'aamadeeda ayaa hadda hadalkiisan wuxuu ku soo aadday, iyadoo dowladda Soomaaliya ay ku eedeysay dalka Gini inuu wax u dhimayo midnimada dalka, kaddib markii dalkaas uu soo dhaweeyay madaxweynaha Soomaaliland oo maamulkiisa uu doonayo inuu madax bannaani ka helo jamhuuriyadda Soomaaliya.

Iman Mohamed Jama, Hiiraan Online
[email protected]











Click here
7/5/2019 5:00 PM EST
Jimco, July, 05, 2019 (HOL)- Wasaaradda arrimaha dibadda iyo iskaashiga caalamiga ah ee Soomaaliya ayaa mar kale u yeertay warfidiyeenada, si baa la yiri ay ugu soo qeybgalaan shir gaar ah.

7/5/2019 4:39 PM EST
Jimco, July, 05, 2019 (HOL)- Baarlamaanka federaalka Soomaaliya ayaa Sabtida berri ah kulan ku leh xarunta golaha shacabka ,iyadoo kullanka lagu wargeliyay xildhibaannada golaha shacabka.

7/5/2019 11:32 AM EST
Jimco, July, 05, 2019 (HOL)- Wasiirka arrimaha dibadda iyo iskaashiga caalamiga ah ee xukuumadda Soomaaliya, Axmed Ciise Cawad ayaa la waydiiyay sababta ay sida dhaqsada ah xiriirka ugu jareen dalka Gini ee ay ugu dhici waayeen dalalka kale ee gobolka oo ay Kenya ka mid tahay.

7/5/2019 11:19 AM EST
Jimco, July, 05, 2019 (HOL)- Taliyihii hore ee booliska dalka Al Jeeriya ,Abdelghani Hamle iyo labo wiil oo uu dhalay ayaa la xiray, sida ay ku warrantay wakaaladda wararka ee Reuters.

7/5/2019 11:08 AM EST
Jimco, July, 05, 2019 (HOL)- Ra’iisul Wasaaraha Soomaaliya , Xasan Cali Khayre ayaa maanta sheegay in lagama maarmaan tahay midnimada Galmudug, si loo dhameystiro howlgalka khawaarijta looga xoreynayo goobaha ay kaga harsan yihiin Dowlad Goboleedka Galmudug.

7/5/2019 9:45 AM EST
Jimco, July, 05, 2019 (HOL)-Xiisad ka dhalatay biyogelinta magaalada Laascaanood ayaa todobaadkan taagnayd ka dib markii isbahaysi hantiilayaal degaanka ah ay isu diyaariyeen in ay daboolaan baahida biyood, balse taas wasaarada biyaha ay waxba kama jiraan ku tilmaantay.

7/5/2019 4:47 AM EST
Jimco, July, 05, 2019 (HOL)- Wasiirka Arrimaha Dibada Somaliland Prof. Yaasiin Maxamuud Xiir (Faratoon) ayaa ka hadlay cilaaqaadkii dawladda Soomaaliya u jartay Gini Conakry, waxaanu sheegay in aanay Ginni u baahnayn Soomaaliya ee Soomaaliya u baahan tahay Giini.

7/5/2019 1:34 AM EST
Jimco, July, 05, 2019 (HOL) – Qaramada Midoobay ayaa sheegtay in ilaalada xarun ay ku jireen dad tahriibayaal ah oo la duqeeyay dhowaan ay rasaas ku fureen dadkii xeradaasi ku jiray oo isku dayay in ay ka baxsadaan duqeynta ku soctay halkii ay ku xirnaayeen.

7/5/2019 1:20 AM EST
Jimco, July, 05, 2019 (HOL)–Iyadoo si gaar ah isha loogu wada hayo doorashada madaxweynaha maamulka Jubbaland ayaa looga dhawaaqay magaalada Kismaayo hab raaca jadwalka soo xulista xildhibaannada iyo doorashada madaxweynaha Jubbaland.