3/28/2024
Today from Hiiraan Online:  _
Wararka Maanta- Khamiis, July 4 , 2019
Xukuumada Somaliland oo Soomaaliya ku eedeeyey inay amni daro ka waddo geeska Afrika

 

Khamiis, July, 04,  2019  (HOL)- Xukuumada Somaliland ayaa dawlada Soomaaliya ku eedeeysay inay khatar amni darro iyo qalalaase hor leh ka abuurayso manqada geeska Afrika oo leh sooyaal taariikh colaadeed oo dheer.

Sidaasna waxa lagaga hadlay kalfadhigii golaha Wasiirada ee maanta oo lagu eedeeyey in dawlada Soomaaliya marwalba ku foogan yihiin dagaal joogto ah oo ay ku wadaan dalka Somaliland.

“Xukuumadda Somaliland waxay beesha caalamka ugu baaqaysaa dal aan awoodin doorasho dadweyne oo caalamku u dhisay dawladdo badan oo fashilmay ta maanta joogtaana villa Muqdisho aanay meelna udhaafsanayn inaan la barbar-dhigin Jamhuuriyadda Somaliland oo ay ka jirto dimuquraadiyad kala dambayn iyo doorashooyin xor iyo xalaal ah ayna ka qabsoomeen lix doorasho, adduun weynuhuna ka marag kacayo, inay Somaliland ka go’an tahay iskaashiga, horumarka iyo xasiloonida adduunka. Haddaba Somaliland waxay marwalba diyaar u tahay in fagaare caalamiya loogu garnaqo Maamulka Xamar, balse taa waxa burisay shirkii Kenya ee ay ka baaqdeen, beesha caalamkuna goob joog ka ahayd.”ayaa lagu yidhi war-saxaafadeed ka soo baxay madaxtooyada Somaliland.

“Dawladda Somaliland waxa ay ka digaysaa in mamulka muqdisho khatar amni darro iyo qalalaase hor leh ka abuuro manqada geeska afrika oo leh sooyaal taariikh colaadeed oo dheer.Ugu dambeyn, goluhu wuxu shacabweynaha Somaliland ku baraarujinayaa inay u diyaar garoobaan difaaca qarankooda.”ayaa lagu yidhi qoraalkaasi.

Dhinac kale, kalfadhigii 37aad ee golaha wasiirada Somaliland waxa maanta shirgudoominayey madaxweyne ku xigeenka ahna ku simaha madaxweynaha C/raxmaan Saylici, waxaana warbiximo lagaga dhegaystay wasaarradaha, waxbarashada iyo sayniska iyo qorshaynta & horumarinta qaranka, waxaana lagu ansixiyey siyaasadda horumarinta ganacsatada dhexe iyo kuwa yaryar.

Ugu horayn wasiirka wasaarrada waxbarashada iyo sayniska ayaa warbixin golaha ka siiyey hawlaha wasaaradda iyo horumarka wasaaradu ku tallaabsatay, isagoo sheegay inay diirada saareen tayeynta waxbarashada iyo tababarada barayaasha, si loo horumariyo waxbarashada, wuxuuna tilmaamay inay wasaaradu kormeer joogto ah ka waddo goobaha waxbarashada, si kor loogu qaado kobaca waxbarashada dalka. Sidoo kale waxa uu xusay inay diyaariyeen xog ururinta waxbarashada waddanka iyo casriyeynta keydka manaahiijta qaranka.

Dhinaca kale wasiir ku xigeenka wasaaradda qorshaynta iyo horumarinta qaranka, ayaa golaha sharaxaad dheer ka siiyey hab maamulka iyo mashaariicda sanduuqa horumarinta Somaliland ee loo soo gaabiyo (SDF), waxaanu ku dheeraaday ahmiyada weyn ee mashaariicda sanduuqaasi qaranka u leeyahay, isagoo sheegay inay si habsami ah guud ahaan dalka uga socdaan mashaariicda laga maalgeliyo Sanduuqa (Somaliland Development Fund). Waxa kale oo goluhu ansixiyey siyaasadda horumarinta ganacsatada dhexe iyo kuwa yar yar oo ay soo diyaarisay wasaaradda ganacsiga, wershedaha iyo dalxiisku.

Barkhad-ladiif M. Cumar, Hiiraan Online

[email protected]

Hargeysa, Somaliland.

 

 













Click here
7/4/2019 1:45 PM EST
Khamiis, July, 04, 2019 (HOL) –Shirka golaha wasiirrada oo maanta uu guddoomiyay Ra’iisul Wasaare ku-xigeenka dalka, Mahdi Maxamed Guuleed (Khadar) ayaa lagu asixiyay heshiiska cusub ee dhex maray dowladda federaalka iyo shirkadda Favori ee gacanta ku heysa garoonka Aadan Cabdulle.

7/4/2019 10:53 AM EST
Khamiis, July, 04, 2019 (HOL) –Dowladda federaalka Soomaaliya ayaa maanta Magaalada Dhuusamareeb si rasmi ah uga bilowday diiwaan gelinta ciidamada Ahlu Sunna si ay uga mid noqdaan ciidanka qaranka.

7/4/2019 10:48 AM EST
Khamiis, July, 04, 2019 (HOL) –Xukuumadda Soomaaliya ayaa goor dhow ku dhawaaqday inay xiriirka u jartay dalka galbeedka Afrika ku yaalla ee Guinea, kaddib shir jaraa’id oo magaalada caasimadda ah ee Muqdisho uu ku qabtay wasiirka Arrimaha dibadda iyo iskaashiga caalamiga ah.

7/4/2019 5:49 AM EST
Khamiis, July, 04, 2019 (HOL) –Ergeyga Gaarka ah ee Guddoomiyaha Guddiga Midowga Afrika u fadhiya Soomaaliya, Danjire Francisco Madeira iyo wakiilka urur-gobolleedka IGAD ayaa gaaray magaalada Dhuusamareeb ee xarunta maamulka Galmudug.

7/4/2019 5:27 AM EST
Khamiis, July, 04, 2019 (HOL) – Baarlamaanka adduunka ayaa waxaa u soo gabagaboobay shirkii madashada oo sannadkan lagu qabtay magaalada Moscow ee xarunta dalka Ruushka,iyada oo shirka intuu socday lagu fallanqeeyey doorka Xeer-dejiyeyaasha Adduunka ay ka qaadan karaan xal u helidda mashaakilaadka adduunka haysta.

7/4/2019 4:36 AM EST
Khamiis, July, 04, 2019 (HOL) – Nin lagu eedeeyay in uu ka tirsanaa Ururka Al-Shabaab,isla markaana hubka u kala gudbin jiray ayaa maxkamadda darajada koowaad ee ciidammada qalabka sida waxay ku ridday xukun.

7/4/2019 1:21 AM EST
Khamiis, July, 04, 2019 (HOL)–Madaxweynaha dowlad gobolleedka Galmudug Axmed Ducaale Geelle Xaaf ayaa aqbalay in Wasaarradda Arrimaha Gudaha iyo Federaalka Soomaaliya ka howlgasho Arrimaha Doorashooyinka iyo dib-u-heshiisiinta Galmudug.

7/4/2019 1:07 AM EST
Khamiis, July, 04, 2019 (HOL) – Wararka ka imanaya gobolka Jubbada Hoose gaar ahaan deegaanka lagu magacaabo Xagar ayaa sheegaya in xarrakada Al-shabaab goob fagaaro ah ku toogasho ku fuliyeen Shan Rag ah oo ku eedeeyeen in ay basaas u ahaayeen dowladda federaalka Soomaaliya iyo quwadaha kale ee taageerada militari siiya.

7/4/2019 12:57 AM EST
Khamiis, July, 04, 2019 (HOL) – Hay’addaha Amaanka dalka Kenya aya lagu eedeeyaa in ay adeegsadaan awood xad-dhaaf ah oo sharciga ka baxsan marka ay ku jiraan howlgaladooda.