3/28/2024
Today from Hiiraan Online:  _
Wararka Maanta- Khamiis, July 4 , 2019
Al-shabaab oo fagaare ku toogatay Shan ruux oo ay ku eedeeyeen la shaqeynta dowladda federaalka

 

Khamiis, July, 04, 2019 (HOL) – Wararka ka imanaya gobolka Jubbada Hoose gaar ahaan deegaanka lagu magacaabo Xagar ayaa sheegaya in xarrakada Al-shabaab goob fagaaro ah ku toogasho ku fuliyeen Shan Rag ah oo ku eedeeyeen in ay basaas u ahaayeen dowladda federaalka Soomaaliya iyo quwadaha kale ee taageerada militari siiya.

Goobta toogashadan ay ka dhacday waxaa ay Al-shabaab isugu keeneen boqolaal dadweynaha deegaanka ah oo daawanayay sida ay toogashadu u dhaceyso, waxaana dadkii isku soo baxay halkaa kula hadlay xubno ka tirsan Ururka.

Ragga toogashada lagu fuliyay ayaa magacyadooda lagu kala sheegay :

1:  Cusmaan Cabdulle Cabdullaahi ( Buulle), iyaga oo ku eedeeyay in uu la Shaqeynayay Ciidamada Bangaraafta oo ka mid ah Ciidamada xooga dalka ee uu tababaray Mareykanka.

2: Cabdi kariim Muuumin Axmed oo lagu eedeeyay in uu u Shaqeynayay Hay’adaha sirdoonka Soomaaliya gaar ahaan kuwa loo yaqaano PS.

3: Xasan Barre Isxaaq (Jiiroow Barroow) ayaa Al-Shabaab waxaa ay ku eedeeyeen in uu la Shaqeynayay Dowladda Kenya oo Ciidamo ku howlgalla magaca AMISOM ee xilligaan ka joogaan Gudaha dalka Soomaaliya.

4: Cumar Xasan Axmed (Cumar Cuuke) ayaa lagu eedeeyay in uu la shaqeynayay Hay’daha Sirdoonka Mareykanka gaar ahaan CIA-da.

5: Axmed Cabdullaahi Warsame oo ay ku eedeeyeen in uu  la Shaqeynayay Hay’daha Sirdoonka Mareykanka gaar ahaan CIA-da.

Ma’aha markii ugu horeysay oo sidan oo kale Al-shabaab goob fagaaro ah ku toogtaan shaqsiyaad ay ku eedeynayaan in ay si dadban ula shaqeeyaan hay’addaha Amaanka dowladda federaalka iyo quwadaha shisheeye ee gacanta siinaya sida AMISOM iyo Mareykanka.

Maalmo ka hor ayeey aheyd markii Al-shabaab gobolka Shabeellaha Hoose ay ku dileen Nin Oday ay oo da’diisa lagu sheegay 75 sano jir ay ku eedeeyeen in ay isla guursaday Gabar iyo Hooyadeed.

C/raxmaan Diini, Hiiraan Online
[email protected]     

 

 

 

 













Click here
7/4/2019 1:45 PM EST
Khamiis, July, 04, 2019 (HOL) –Shirka golaha wasiirrada oo maanta uu guddoomiyay Ra’iisul Wasaare ku-xigeenka dalka, Mahdi Maxamed Guuleed (Khadar) ayaa lagu asixiyay heshiiska cusub ee dhex maray dowladda federaalka iyo shirkadda Favori ee gacanta ku heysa garoonka Aadan Cabdulle.

7/4/2019 12:38 PM EST
Khamiis, July, 04, 2019 (HOL)- Xukuumada Somaliland ayaa dawlada Soomaaliya ku eedeeysay inay khatar amni darro iyo qalalaase hor leh ka abuurayso manqada geeska Afrika oo leh sooyaal taariikh colaadeed oo dheer.

7/4/2019 10:53 AM EST
Khamiis, July, 04, 2019 (HOL) –Dowladda federaalka Soomaaliya ayaa maanta Magaalada Dhuusamareeb si rasmi ah uga bilowday diiwaan gelinta ciidamada Ahlu Sunna si ay uga mid noqdaan ciidanka qaranka.

7/4/2019 10:48 AM EST
Khamiis, July, 04, 2019 (HOL) –Xukuumadda Soomaaliya ayaa goor dhow ku dhawaaqday inay xiriirka u jartay dalka galbeedka Afrika ku yaalla ee Guinea, kaddib shir jaraa’id oo magaalada caasimadda ah ee Muqdisho uu ku qabtay wasiirka Arrimaha dibadda iyo iskaashiga caalamiga ah.

7/4/2019 5:49 AM EST
Khamiis, July, 04, 2019 (HOL) –Ergeyga Gaarka ah ee Guddoomiyaha Guddiga Midowga Afrika u fadhiya Soomaaliya, Danjire Francisco Madeira iyo wakiilka urur-gobolleedka IGAD ayaa gaaray magaalada Dhuusamareeb ee xarunta maamulka Galmudug.

7/4/2019 5:27 AM EST
Khamiis, July, 04, 2019 (HOL) – Baarlamaanka adduunka ayaa waxaa u soo gabagaboobay shirkii madashada oo sannadkan lagu qabtay magaalada Moscow ee xarunta dalka Ruushka,iyada oo shirka intuu socday lagu fallanqeeyey doorka Xeer-dejiyeyaasha Adduunka ay ka qaadan karaan xal u helidda mashaakilaadka adduunka haysta.

7/4/2019 4:36 AM EST
Khamiis, July, 04, 2019 (HOL) – Nin lagu eedeeyay in uu ka tirsanaa Ururka Al-Shabaab,isla markaana hubka u kala gudbin jiray ayaa maxkamadda darajada koowaad ee ciidammada qalabka sida waxay ku ridday xukun.

7/4/2019 1:21 AM EST
Khamiis, July, 04, 2019 (HOL)–Madaxweynaha dowlad gobolleedka Galmudug Axmed Ducaale Geelle Xaaf ayaa aqbalay in Wasaarradda Arrimaha Gudaha iyo Federaalka Soomaaliya ka howlgasho Arrimaha Doorashooyinka iyo dib-u-heshiisiinta Galmudug.

7/4/2019 12:57 AM EST
Khamiis, July, 04, 2019 (HOL) – Hay’addaha Amaanka dalka Kenya aya lagu eedeeyaa in ay adeegsadaan awood xad-dhaaf ah oo sharciga ka baxsan marka ay ku jiraan howlgaladooda.