Talaado, July, 30, 2019 (HOL)- Guddoomiyaha
Golaha Shacabka Soomaaliya Maxamed Mursal Sheekh Cabdiraxmaan oo maalintii
shalay gaaray magaalada Garoowe ayaa xalay kulan la qaatay Madaxweynaha dowlad
goboledka Puntland Siciid Cabdullaahi Deni.
Kulanka labada mas’uul waxaa qeyb ka ahaa
Xildhibaano ka tirsan Baarlamaanka Soomaaliya, madaxweyne ku-xigeenka
Puntland,Wasiirka Maaliyadda Puntland iyo saraakiil ka tirsan Madaxtooyada
Maamulka Puntland.
Madaxweynaha Puntland iyo guddoomiyaha Golaha
Shacabka ayaa kulankooda waxaa uu u badnaa is xog wareysi la xiriira xaalada
guud ee dalka iyo sidoo kale xoojinta iyo dar dar gelinta wada shaqeynta
Dowladaha xubnaha ka ah dowladda Federaalka ah iyo dowladda dhexe.
Madaxweynaha Dowlad Gobaleedka
Puntland Siciid Cabdullahi Deni ayaa ugu mahad celiyey Guddoomiyaha
Golaha Shacabka Maxa'med Mursal Iyo wafdigiisa booqashada ay ku yimaadeen
Puntland isagoo sheegay inuu aad ugu faraxsanahay.
e Guddoomiyaha Golaha Shacabka ayaa dhinaciisa ku
amaanay dowlad gobolleedka Puntland iyo bulshada deegaanka Hormarka ay
sameeyeen, isaga oo kula dardaarmay in ay horay u sii socdaan.
Guddoomiyaha Baarlamaanka Soomaaliya Maxamed Mursal ayaa ka mid ah ,adaxda
ka qeyb-galaysa todobaadka Puntland, gaar ahaan 1-da August oo loo dabaaldegayo
sanadguuradii 21-aad ee Aasaaska Puntland.
C/raxmaan Diini, Hiiraan Online
[email protected]
