3/28/2024
Today from Hiiraan Online:  _
Wararka Maanta- Arbaco, July 3 , 2019
Dilal siyaabo kala duwan uga dhacay Muqdisho iyo Afgooye

 

Arbaco, July, 03, 2019 (HOL)–Wararka naga soo gaaraya degmada Afgooye ee gobolka Shabeellaha Hoose ayaa sheegaya in rag hubeysan toogasho ku dileen Oday dhaqameed siweyn looga garanaya degmada oo lagu magacaabi jiray Xassan Yuusuf Baani.

Toogashadan ayaa xalay ka dhacday meel aan ka fogeyn hoygiisa oo ku yaala tuulada laga magacaabo Sagaalaad oo warar soo baxaya sheegayaan in uu mar guddoomiye ka soo noqday marxuumka la dilay.

Raggii toogashada geystay ayaa la sheegay in ay goobta isaga baxsadeen waxaana goobta markii danbe gaaray ciidamo ka tirsan kuwa dowladda Soomaaliya.

Dhinaca kale Labo Nin oo ku hubeysnaa toorey ayaa la sheegay in xalay degmada Dharkeenley ee gobolka Banaadir uu ku dileen Nin magaciisa lagu sheegay Saciid Cumar Xassan oo horay guddoomiye uga soo noqday maxkamada gobolka Shabeellaha hoose.

Magaalada Muqdisho iyo degmada Afgooye ee gobolka Shabeellaha Hoose ayaa lagu tilmaamaa meelaha ugu badan oo ay ka dhacaan dilalka kooxaha hubeysan ay ku bartilmeedsadaan shaqsiyaadka horay xilalka uga soo qabtay dowlada, odayaasha dhaqanka iyo askarta intaba.

C/raxmaan Diini, Hiiraan Online
[email protected]   
 

 













Click here
7/3/2019 11:47 AM EST
Arbaco, July, 03, 2019 (HOL)- Ra’iisul wasaaraha xukuumadda federaalka Soomaaliya ,Xasan Cali Khayre ayaa booqday isbitaalla Galguduud ee magaalada Dhuusamareeb iyo Isbitaalka Istarliin ee Guriceel.

7/3/2019 11:43 AM EST
Arbaco, July, 03, 2019 (HOL)- Booliska dalka Philippines ayaa xirey nin u dhashay dalka Kenya oo ka mid ahaa ururka Al-Shabaab , kaaso la sheegay inuu qorsheynayay weeraro uu geysto,sida ay ku warrantay wakaaladda wararka Xinhua.

7/3/2019 11:30 AM EST
Arbaco, July, 03, 2019 (HOL)– Wasaaradda arrimaha dibadda Soomaaliya ayaa dib u dhigtay shir jaraa'id oo wasiirka arrimaha dibadda iyo xiriirka caalamiga ah , Axmed Ciise Cawad ku qaban lahaa magaalada Muqdisho.

7/3/2019 11:23 AM EST
Arbaco, July, 03, 2019 (HOL)- Dowladaha France, Finland, Denmark, Germany, Italy, Poland, Netherland, Norway, Sweden, Switzerland, Turkiga, Ingiriiska, Maraykanka, howlgalka AMISOM, Midowga Yurub Urur Goboleedka IGAD, Qaramada Midoobay iyo saaxiibbada Soomaaliya, ayaa waxay si wada jir ah usoo dhoweeyeen wada hadallada Galmudug ka socda oo lagu mideynayo isla markaana sare loogu qaadayo xasiloonida taasoo faa’ido u ah bulshada Galmudug iyo guud ahaan shacabka Soomaaliyeed.

7/3/2019 11:07 AM EST
Arbaco, July, 03, 2019 (HOL)– Madaxweynaha Soomaaliya ,Maxamed Cabdullaahi Farmaajo oo Madaxtooyada abaalmarinno ku guddoonsiiyay Guddiga Qabanqaabada Maalmaha Xorriyadda ayaa uga mahadceliyay shaqada hufan ee ay qabteen.

7/3/2019 11:05 AM EST
Arbaco, July, 03, 2019 (HOL)– Laba qof ayaa ku geeriyooday, shan kallena waa ay ku dhaawacmeen dagaal galinkii hore ee maanta ka dhacay deegaanka Mareero oo 10km dhanka bari uga toosan magaalada Bosaso ee xarunta ganacsiga Puntland.

7/3/2019 3:57 AM EST
Arbaco, July, 03, 2019 (HOL)– Wasiirka arrimaha dibadda dalka Koonfur Afrika, Naledi Pandor ayaa sheegtay dowladeeda inay taageero la garabtaagan tahay xukuumadda Soomaaliya, kaddib kullan ay magaalada Beijing ee dalka Shiinaha kula yeelatay wasiirka arrimaha dibadda iyo iskaashiga caalamiga ah ee Soomaaliya.

7/3/2019 3:44 AM EST
Arbaco, July, 03, 2019 (HOL)– Labo nin oo mindiyo ku hubeysan ayaa degmada Wadajir ee gobolka Banaadir ku dilay guddoomiyihii maxkamadda gobolka Shabeellaha hoose, Siciid Cumar Xasan (Subeyr), sida ay ku warrantay warbaahinta gudaha.

7/3/2019 1:54 AM EST
Arbaco, July, 03, 2019 (HOL)– Madaxweynaha Somaliland Muuse Biixi ayaa xalay gaadhay caasimadda dalka Jamhuuriyadda Gini (Guinea) ee galbeedka qaaradda Afrika oo ay marti-qaad rasmi ah ka heleen.

7/3/2019 12:50 AM EST
Arbaco, July, 03, 2019 (HOL) – Inta la xaqiijinayo ilaa 40 ruux oo Muhaajiriin ka soo kala jeeda qaar ka mid ah dalalka qaarradda Africa ayaa lagu soo warramayaa in ay ku dhinteen ku dhawaad 80 kalana ay ku dhaawacmeen, kaddib marki xalay madaafiic lagu garaacay xero ay ku jireen dad muhaajiriin ah oo ku taalla dueedka magaalada Tripoli ee dalka Libya.