9/22/2019
Today from Hiiraan Online:  _
Wararka Maanta- Isniin, July 29, 2019
Waxgaradka Gaalkacyo oo balanqaaday in ay ka qeyb-gali doonaan shirka Dib-u-heshiinta Dhuusa-Mareeb


 

Isniin, July, 29, 2019 (HOL)- Magaalada Gaalkacyo waxaa ka soconaya kulamo ay halkaa ku leeyihiin guddiga dowladda Soomaaliya u saartay qaba-qaabada shirka Dib-u-heshiisiinta beelaha Galmudug iyo waxgaradka magaalada Gaalkacyo oo ka wada hadlay ka qeybgalka shirka.

Kulan ballaaran oo dhaxmaray guddigga iyo qeybaha bulshada Gaalkacyo ayaa ugu danbeyntii leysku afgartay in laga qeybgalo shirka lagu wado in 5ta bisha Agosto uu ka furmo degmada Dhuusa-Mareeb.

Xubnaha guddiga qaban-qaabada shir-weynaha dib-u-heshiisiinta oo bulshada Gaalkacyo uga mahad celiyey soo dhaweynta iyo marti-gelinta heerkoodu sarreeyo ayaa u bandhigay qorshaha iyo casuumaadda shir-weynaha dib-u heshiisiinta Galmudug ee gogoshiisu taallo xarunta dowlad gobaleedka Galmudug ee Dhusamareeb.

Guddigga ayaa ka hor inta aysan Gaalkacyo tagin soo maray deegannada Xeraale Huurshe, Balanbal iyo Caabuud-Waaq, dhammaan deegaannadii ay tageenna waxaa ay la wadaageen qorshaha ay wadaan, waxaana qorshohoodu yahay in ay maraan dhammaan deegaannada Galmudug si ay bulshada ula wadaagaan casuumaadda gogosha dib-u-heshiisiineed.

Inkastoo guddiga loo balanqaaday ka qeybgalka shirka Dib-u-heshiisiinta Dhuusa-Mareeb,haddana wali waxaa jira in beelluhu ku kala aragti duwan yihiin qorshaha shirka iyo qeyb-galkiisa intaba, waxaana muuqata in guddigu ku dadaalayo sidii bulshada Galmudug looga qanci lahaa aragtida qabaan kulanka.

C/raxmaan Diini, Hiiraan Online
[email protected]      










Click here
7/29/2019 12:33 PM EST
Isniin, July, 29 2019 (HOL)- Guddoomiyaha Baarlamaanka Federaalka ah ee Soomaaliya, Maxamed Maxamed Mursal Sheekh Cabdiraxman oo hoggaaminaya wafdi xildhibaanno ah ayaa maanta gaaray magaalada Garoowe ee xarunta Puntland.

7/29/2019 12:15 PM EST
Isniin, July, 29 2019 (HOL)- Taliye ku xigeenka Booliska Puntland, Muxudiin Axmed Muuse oo maanta wariyeyaasha kula hadlay Garoowe ayaa shaaciyay amarro cusub oo amniga la xiriira.

7/29/2019 12:02 PM EST
Isniin, July, 29 2019 (HOL)- Wasiirka Arrimaha Dibadda iyo Iskaashiga Caalamiga Danjire Axmed Ciise Cawad, ayaa maanta qaabilay wafdi ka socda Ururka Iskaashiga Islaamka.

7/29/2019 10:59 AM EST
Isniin, July, 29, 2019 (HOL)-Ciidamada booliska gobolka Sool ayaa galinkii hore ee maanta xabsiga u taxaabay isuduwaha wasaarada gaadiidka C/khadar Maxamuud.

7/29/2019 10:54 AM EST
Isniin, July 29, 2019 (HOL)-Madaxweyne Muuse Biixi Cabdi ayaa maanta 19 maxbuus oo u xidhnaa budhcad badeed cafis u fidiyey, waxaanay ahaayeen kuwii laga soo wareejiyey dalka Seychelles ee u xidhnaa falalka budhcad badeednimadda.

7/29/2019 10:49 AM EST
Isniin, July, 29, 2019 (HOL)-Dadka reer Jigjiga ayaa saaka u dareeray dhir beeris lagu beerayo dhir qaybo ka mid ah magaalada, waxayna dadku u dareereen goobaha la dhigay dhirta la beerayo oo ah maamulka xaafadaha magaalada Jigjiga.

7/29/2019 8:06 AM EST
Isniin, July, 29 2019 (HOL)-Lix ka tirsan ciidamada howlgalka midowga Africa AMISOM ayaa lagu dilay weerar gaadmo ah oo Ururka Al-shabaab ay ka geysteen degmada Balcad ee gobolka Shabeellaha dhexe.

7/29/2019 4:59 AM EST
Isniin, July, 29, 2019 (HOL)- Maxkamadda ciidammada Puntland ayaa maanta xukun dil ah ku ridday askari ku eedeysnaa inuu fududeeyay weerar lagu dilay bishii February ee sannadkan maareyihii ajanabiga ahaa ee dekedda Boosaaso,Paul Anthony Formosa.

7/29/2019 3:26 AM EST
Isniin, July, 29, 2019 (HOL)- Ugu yaraan saddex qof ayaa geeriyootay 11 kalana waa ay ku dhaawacmeen toogasho ka dhacday goob lagu soo bandhigayay cuntooyinka oo ku taalla magalaada Gilroy ee gobolka Carlifonia ee dalka Mareykanka,sida ay ku warrantay warbaahinta maxalliga ah.

7/29/2019 1:58 AM EST
Isniin, July, 29, 2019 (HOL)- War uu soo saaray taliska ciidamada Maraykanka ee qaarrada Africa (AFRICOM) ayaa lagu faah faahiyey duqeyn dhinaca cirka ah oo uu Mareykanka ka fuliyey deegaano ka tirsan Gobolka Bari ee Maamulka Puntland.

7/29/2019 1:48 AM EST
Isniin, July, 29, 2019 (HOL)- Ugu yaraan 65 qof ayaa la sheegay iney dileen dableey looga shakiyey iney ka tirsan yihiin ururka Boko Haram oo rasaas ku furay dad aas ku guda jiray gobolka Borno oo ku yaalla waqooyi-bari ee dalka Nigeria.

7/29/2019 1:40 AM EST
Isniin, July, 29, 2019 (HOL)- Nabadoono dubab iyo Ugaasyo ka tirsan Beelaha Shanta Shanbaro ee gobolada Jubbooyinka ayaa shir Jara'id ku qabtay magaalada Columbus Ohio.