Wasiirka Dhalinyarada iyo Cayaaraha Hirshabeelle oo ka daah furay degmada Buula-burte tartan kubadda Cagta ah
Sabti, July, 27, 2019 (HOL)-Wasiirka dhalinyarada iyo Cayaaraha Maamulka Goboleedka Hirshabeelle Cabdiqani Cabdullahi Hilowle Jeenyo ayaa degmada Buulo- burde ka furay tartan Kubadda Cagta ah oo u dhaxeeyo xaafadaha ay ka kooban tahay dagmada
Munaasabad
kooban oo ka dhacday guddaha Garoonka Kubadda cagta Buula-burte ayaa waxaa
goobjoog ka ahaa Gudoomiyaha Dhalinyarada, kan Cayaaraha Macalimiinta hogaamineyso Kooxaha, dad-weyne iyo mas'uuliyiinta maamulka dagmada Buulo-burte.
Sidoo
kale macalimiinta kooxaha Kubadda Cagta ee Dagmada Buulo- burte ayaa loo furay tababar kor loogu qaadayo tayadooda Aqooneed ee dhanka cayaaraha iyadoo isla munaasabadaa loogu qeybiyay qalab Isborti Toban kooxood ka hor inta aan maanta la daah furin tartanka Kubada Cagta.
Wasiirka Dhalinyarada iyo Cayaaraha ee maamul Gobolleedka Hirshabeelle Cabdiqani Cabdullahi Hilowle Jeenyo oo ka hadlay furitaanka tartanka iyo tababarka
macalimiinta ayaa sheegay in ay fursad u tahay dhalinyarada ku nool dagmada Buulo-Burte.
Tartankan iyo tababarka ciyaaraha waxaa iska kaashaday Wasaarada dhalin-yarada Ciyaaraha ee Hirshabeelle iyo maamulka degmada Buulo-burde
C/raxmaan Diini, Hiiraan Online
[email protected]