Sabti, July, 27, 2019 (HOL)-Dowladda Sacuudiga ayaa hakisay dadka soo galaya dalkiisa ee safarka ama socdaalka kaga imaanaya dalka Jamhuuriyadda Dimoqraadiga ee Congo.iyagoo ka baqaya in cudurka Ebola uu ku faafo Xujeyda bisha soo socota ka qeybgalaya gudashada xajka.
Go’aankaasi ayaa lagu shaaciyay qoraal soo baxay maalinimadii Arbacada, kaas oo uu soo saaray Wasiirka Arimaha Dibadda ee dalka Sacudiga,kaddib markii todobaadkii hore Ururka Caafimaadka Dudida ee WHO
uu ka dhawaajiyay in dalka Congo qeybo ka mid ah sida magaalada Kivu iyo Gobolka Ituri uu ka dillaacay cudurka Ebola.
Dadka la siiyay fiisaha ee xujeyda ka imaanaya dalka Congo ayaa la
jojiyay ,si loo badbadiyo fayo qabka xjeyda gudanaya waajibaadka Xajka
sidaasi waxa yiri” Wasiirka Arimaha Dibadda”
Ilaa hada ma cadda tallaabadaasi lagu hakinaayo Xujeyda dalka Congo
,tirada dada ay saameyneyso,waxaana la caddeeyay in 3% ay Muslimiin
yihiin bulshada reer Congo.
Cudurka Epola ayaa la xaqijiyay in dalka Congo uu ku dilay kun iyo
todobo boqol oo ruux muddo sanad ah ,waana markii labaad ee cudurrkaasi
uu ku fidaayo dalal ka mid ah Afrika.
Sanadihii 2014-kii iyo 16-kii dalka mSacuudiga waxa ay fiisaha xajka u
diideen dalaka Guinea, Sierra Leone, iyo Liberia,ka dib kolkii cudurka
Epola oo ka dillaacay dalalkaasi uu dilay 11 kun oo qof.
C/raxmaan Diini, Hiiraan Online
[email protected]
