3/29/2024
Today from Hiiraan Online:  _
Wararka Maanta- Khamiis, July 25, 2019
Madaxweyne Farmaajo oo la kulmay Hay’adaha Amniga iyo Guddiga Gurmadka Dhaawacyada Qaraxii D/Hoose ee Xamar


Khamiis, July, 25, 2019 (HOL) – Madaxweynaha Soomaaliya,Maxamed Cabdullaahi Farmaajo oo kulan isugu yeeray Taliyeyaasha laamaha amniga ee u xilsaaran sugidda amniga Caasimadda ayaa su’aalo ka waydiiyay qaraxii ka dhacay Aqalka Dowladda Hoose ee Xamar.

Madaxweynaha ayaa ka dhegaystay Taliska Ciidanka Booliska warbixin gaar ah oo ku saabsan masuuliyadda gaabiskii amni ee dhacay iyo halka ay marayaan baaritaannadii ay ku sameynayeen qaraxii Arbacadii.

Agaasimaha Warfaafinta iyo Xiriirka Warbaahinta Madaxtooyada ,Cabdinuur Maxamed Axmed ayaa sheegay in Madaxweyne Maxamed Cabdullaahi Farmaajo uu faray Xukuumadda in ay si degdeg ah ula timaaddo qorshe dhammeystiran oo ku aaddan hannaanka la dagaallanka dadka sida tooska ah iyo sida dadban u gacan siiya Al-Shabaab.

“Suurta gal maha in ay nagu dhex jiraan dadka gacanta siinaya argagixisada dadkeenna dhibaataynaya. Waxaa laga sugayaa Xukuumadda in ay la timaado qorshe lagula dagaallamayo dadkaas.” Ayuu yiri Agaasimaha Warfaafinta.

Dhankooda, Guddiga Gurmadka Caafimaad ee dhaawacyadii qaraxan naf-hallignimada ahaa ayaa la wadaagay Madaxweynaha xogta xaaladda caafimaad ee dhaawacyada iyo dadaalkii ballaarnaa ee ay Xukuumaddu ku bixisay sidii loogu heli lahaa gargaar caafimaad oo dhammeystiran.

Xubnaha Guddigan ayaa tilmaamay in qaar ka mid ah dadkii ku dhaawacmay weerarradii argagixisanimo ee ka dhacay magaalooyinka Kismaayo iyo Boosaaso ay qayb ka ahaayeen dhaawacyadan caawa la qaaday.

Gabagabadii, Madaxweyne Farmaajo ayaa Alle uga baryey in uu caafimaad degdeg ah siiyo Guddoomiyaha Gobolka Banaadir,Cabdiraxmaan Cumar Cusmaan (Eng. Yarisow) iyo dhammaan masuuliyiintii ku dhaawacmay , isaga oo sidoo kalena janno iyo naxariis ugu duceeyey masuuliyiintii geeriyootay .

Iman Mohamed Jama, Hiiraan Online
[email protected]











Click here
7/25/2019 1:35 PM EST
Khamiis, July, 25, 2019 (HOL) –Afhayeenka dhinaca howlgalada Al-shabaab Cabdicasiis Abuu-Muscab ayaa warbaahinta gudaha u sheegay in bartilmaameedka Qaraxii shalay ka dhacay xarunta Dowladda Hoose ee Xamar uu ahaa Wakiilka cusub ee Qaramada Midoobey ee Soomaaliya James Sawan oo booqday xarunta wax yar uu ka hor xiliga uu qaraxu dhacay.

7/25/2019 12:10 PM EST
Khamiis, July, 25, 2019 (HOL)- Ku dhowaad toban ruux oo uu ku jiro guddoomiyaha gobolka Banaadir ahna duqa caasimadda Muqdisho ,Cabdiraxmaan Cumar Cismaan Yariisow oo ku dhaawacmay weerar galinkii dambe ee Arbacadii lagu qaadday xarunta gobolka ayaa maanta dalka dibadiisa loo qaaday.

7/25/2019 8:36 AM EST
Khamiis, Luulyo, 25, 2019 (HOL – Madaxweynaha Somaliland Muuse Biixi ayaa sheegay in shaqaaqada colaadeed ee muddada ka taagnayd deegaanka Ceel-Afweyn iyo guud ahaanba gobolka Sanaag la soo afjarayo oo ay gabogabo ku dhowdahay.

7/25/2019 8:01 AM EST
Khamiis, July, 25, 2019 (HOL)- Golaha wasiirrada Jubbaland oo maanta ku shiray magaalada Kismaayo ayaa isla qaatay in la hakiso wadashaqeynta iyo isku socodka Jubbaland iyo xukuumadda federaaalka.

7/25/2019 7:51 AM EST
Khamiis, July, 25, 2019 (HOL)- Diyaarad ciidammada cirka ee dowladda Qatar oo goor dhow soo caga-dhigatay garoonka diyaaradaha Muqdisho ayaa lagu soo warramaya in lagu qaadi doono guddoomiyaha gobolka Banaadir iyo mas'uuliyiin kale oo maamulka ka tirsan oo ku dhaawacmay weerar ismiidaamin ah oo galinkii dambe ee Arbacadii ka dhacay gudaha xarunta gobolka Banaadir.

7/25/2019 7:32 AM EST
Khamiis, July, 25, 2019 (HOL)- Saddex qarax ayaa ruxay caasimada Afghanistan ee Kabul, halkaas oo ay ku dhinteen ugu yaraan 15 qof isla markaana ay ku dhaawacmeen tobanneeyo kale, sida ay sheegeen saraakiisha.

7/25/2019 7:15 AM EST
Khamiis, July, 25, 2019 (HOL)- Guddoomiye ku-xigeenka amniga iyo siyaasadda ee gobolka, Maxamed Cabdillaahi Tuulax ayaa bannaanka soo dhigay inuu jiro shaki ku aaddan weerarkii ay mas'uuliyiinta ku dhinteen ee galinkii dambe ee Arbacada lagu qaadday xarunta gobolka inay hageysay cid ku jirtay gudaha xarunta.

7/25/2019 7:01 AM EST
Khamiis, July, 25, 2019 (HOL)- Madaxweynihii dalka Tunisiya, Beji Caid Essebsi oo 92 jir ahaa ayaa geeriyooday , madaxtooyada ayaa sidaa ku sheegtay bayaan ay soo saartay maanta oo Khamiis ah. Essebsi waxaa loo qaaday isbitaal militari Arbacadii.

7/25/2019 6:47 AM EST
Khamiis, July, 25, 2019 (HOL)- Madaxweynaha Puntland, Siciid Cabdullaahi Deni ayaa magacaabay Golaha sare ee la-talinta madaxweynaha.

7/25/2019 6:35 AM EST
Khamiis, July, 25, 2019 (HOL)- Ra'iisul wasaaraha dalka Ingiriiska, Boris Johnson ayaa golihiisa wasiirrada ku soo daray nin ay walaalo yihiin, sida ay ku warrantay wakaaladda wararka ee Reuters.

7/25/2019 4:30 AM EST
Khamiis, July, 25, 2019 (HOL)- Saraakiisha hay’addaha Amaanka dowlad gobolleedka Jubbalad ayaa warbaahinta u soo bandhiga saddex ruux oo Ajnabi ah oo sida ay sheegeen ka tirsan Ururka Al-shabaab

7/25/2019 3:38 AM EST
Khamiis, July, 25, 2019 (HOL)- Intii ay meesha ka baxday Xukuumaddii hore ee Degaanka Soomaalida dalka Itoobiya waxaa magaalada Jigjiga kusoo badanayay kooxo dhalinyaro ah qiyaastii 15 jiro ah oo dadka habeenkii luuqaqa ku dhaca waxay haystaana ka qaata.

7/25/2019 1:12 AM EST
Khamiis, July, 25, 2019 (HOL)- Wakiilka gaar ah ee Qaramada Midoobey u qaabilsan Soomaaliya James Swan oo daqiiqado ka hor uun ka baxay maalintii shalay Aqalka dowladda Hoose ka hor inta uusan Qaraxu dhicin ayaa si adag u cambaareeyay weerarka Ismiidaaminta ah ee lagu qaaday xarunta.

7/25/2019 12:32 AM EST
Khamiis, July, 25, 2019 (HOL)- Waxaa laga deyrinayaa xaalada caafimaad ee guddoomiyaha maamulka gobolka Banaadir Eng Cabdiraxmaan Cumar Cismaan Yariisoow oo dhaawac culus uu ka soo gaaray qarax maalintii shalay ka dhacay xarunta maamulka gobolka Banaadir.