Talaado, July, 23, 2019 (HOL)-Boris Johnson ayaa loo doortay hoggaamiyaha xisbiga Conservative ee dalka UK isagoo noqonayaa ra’iisul wasaaraha cusub ee dalkaas.
Ra'iisal wasaaraha cusub oo horay u soo noqday Duqa London ayaa ka guuleystey wasiirka arrimaha dibadda Britain jeremy Hunt. Waxana lagu wadaa in berri oo Arboco ah loo dhaariyo xilkaas kadib markii ay xafiiska baneyso Theresa May.
Khudbad uu jeediyay markii lagu dhowaaqay inuu guuleystey ayuu Johnson ku sheegay in uu mideynayo wadanka uuna si degdeg ah uga saarayo Midowga Yurub kana guuleysanayo hogaamiyaha xisbiga shaqaalaha Jeremy Corbyn.
Doorashadan loo doortay Boris Johnson in uu noqdo ra'iisal wasaaraha Britain ayaa ragtiyo kala duwan durbaba laga dhiibtay, waxaana xusid mudan in qaar ka mid ah Wasiirradda Dowlada Britain sheegeen in ay iska casilayaan xilalka ay hayaan kaddib doorashada ninka aadka ugu ololeeya ka bixida Britain ee Midowga Yurub.
C/raxmaan Diini, Hiiraan Online[email protected]