Axad, July, 21, 2019 (HOL)-Guddoomiyaha Golaha Shacabka ee Baarlamaanka Federaalka ah ee Soomaaliya Maxamed Mursal Sheekh C/raxmaan ayaa magacaabay Guddi Ku-meel gaar ah, si ay soo diyaariyaan Sharciga Doorashooyinka Qaran.
Guddigan uu magacaabay guddoomiyaha golaha Shacabka ayaa ka kooban 15 xubnood oo ah Xildhibaano, waxaana howshooda noqon doontaa hubinta iyo wax ka bedelka sharciga doorashooyinka ee ay soo ansixiyeen Golaha Wasiirada, si uu u noqdo mid dhammaan bulshada ay raalli ku tahay.
Waxaa jiray khilaaf ka dhashay sharcigii Doorashooyinka ee ay ansixiyeen Golaha Wasiirada bishii May, Balse tallaabada Guddoomiye Mursal ku magacaabay Guddigan ayaa ah mid awooddiisa ku muujinayo, ugana hortagayo in sharciga si dhaqse looga meel mariyo Baarlamaanka.
C/raxmaan Diini, Hiiraan Online[email protected]