Wararka Maanta: Sabti, July 20, 2019-Madaxwayne Mustafe Cagjar oo abaalmarin la guddoonsiiyay

Madaxwayne Mustafe Cagjar oo abaalmarin la guddoonsiiyay

Sabti, July, 20, 2019 (HOL)-Madaxwaynaha DDS Mustafe cagjar oo ka qayb galay maanta Xafladdii ay ku qalin jabinayeen Ardayda Jaamacadda Baahirdhaar ee deegaanka Axmaarada ayaa waxaa laguddoonsiiyay Billad sharafeed.

Billad sharafeedan ayaa Madaxwayne Mustafe Cagjar lagu siiyay maadaama uu deegaanka Soomaalida mudadii yarayd ee uu joogay wax ka qabtay dhanka Nabadgalyada, Xuquuqul Insaanka iyo Xoriyatul qawlka oo horey aan degaanka looga aqoon.

Isbadallada degaanka ka jira ayaa ah kuwo dadku ay aad ugu reeyeen, walaw halkii loo baahnaa uusan wali gaarin, balse la rajaynayo wakhtiyada soo socda in degaanka isbaddal buuxa lagu arki doono.

C/raxmaan Diini, Hiiraan Online
[email protected]