Talaado, July, 16, 2019 (HOL)-Warar dheeraad ah ayaa ka soo baxaya Qarax khasaare dhimasho sababay oo maanta ka dhacay magaalada Muqdisho.
Qaraxan oo gaar ahaan ka dhacay degmada Hodan ayaa la sheegayaa in uu ka dhacay laanta Sharikadda SOMTEL ku leedahay Isgoyska Black Sea ee degmada Hodan, waxaana ku dhintay Labo ruux.
Mid ka mid ah dadka ku dhintey qaraxan ayaa ka mid ahaa shaqaalaha shirkadda sida ay warbaahinta u sheegeen dad goobjoogayaal ah, halka qof kale-na uu ka mid ahaa dadka ku dhaqan degmda.
Qaraxa ayaa ka dhacay meel ay ciidamada ku baaraan gaadiidka aada dhinaca cirtoogte,halkaas oo ku dhow dhismaha SOMTEL ee BlackSea, waxaana qaraxa kaddib goobta tagay oo baaritaanno ka bilaabay ciidamo ka tirsan kuwa dowladda Soomaaliya.
C/raxmaan Diini, Hiiraan Online [email protected]