7/18/2019
Today from Hiiraan Online:  _
Wararka Maanta- Axad, July 14, 2019
Qodobbo laga soo saaray shirka golaha amniga ee Jubbaland




Axad, July, 14, 2019 (HOL)-  Madaxweynaha dowlad-gobolleedka Jubbaland, Axmed Maxamed Islaam ayaa guddoomiyay shirka golaha amniga Jubbaland oo ay ka qeybgaleen xubnaha guddiga amniga iyo mas'uuliyiin kale.

Shirka ayaa marka uu soo dhammaaday, waxaa laga soo saaray qodobbo ay ka mid ahaayeen xilligan nabadgalyada Jubbaland inay wanagsantahay, waxaana golaha amniga uu u mahadceliyay dhammaan dadkii usoo tacsiyeeyay dowlad -goboleedka Jubbaland ee xannuunka la qabsaday waxaa kale oo laga hadlay qaabkii loo maarayn lahaa khasaaraha ka dhashay weerarka hadday noqoto burbur hantiyeed iyo dadka dhaawacmay intaba.

Madaxweynaha Jubbaland  ayaa magacaabay guddiga taakulaynta dadka wax ku noqday weerarka,kuwaas oo ka shaqayn doona sidoo loo caawin lahaa dadka dhibaatadu ay gaadhay iyo sidii gacan loogu fidin lahaa milkiilaha hotelka uu weerarka ka dhacay oo ah shaqsi naafo ah oo dhaqaalahiisa u huray dalkiisa.

"Qorshaha amniga doorashada ayaa la isku raacay in Dowlad Goboleedka Jubbaland ay si adag u sugayso amaanka doorashooyinka iyadoo dhamaan Ciidamada amaanka la galiyay heegan buuxa." ayaa lagu yiri war laga soo saaray shirka oo inta ku daray "Waxaa kale oo laga hadlay in la kala saaro Siyaasada iyo amaanka oo nabadgalyada ayna mara Jubbaland gorgortan ka galaynin arimaha siyaasaduna ay leeyahiin wado loo maro balse amaanka cidii wax u dhinta gacan bir ah lagu qaban doono."

Gabagabadii, Golaha amniga dowlad-gobolleedka Jubbaland ayaa soo jeediyay in wacyi galin la siiyo bulshada taaso la xiriirta sidii ay ciidammada amaanka ugu gacan siin lahayeen sugidda ammaanka .

Iman Mohamed Jama, Hiiraan Online
[email protected]








Click here
7/14/2019 11:02 AM EST
Axad, July, 14, 2019 (HOL)- Guddoomiyaha Baarlamaanka Soomaaliya, Maxamed Mursal Sheekh Cabdiraxmaan iyo ku-xigeenkiisa koowaad ayaa maanta kullan xog wareysi ah la yeeshay Wasiirka wasaaradda qorsheynta,maalgashiga iyo horumarinta ganacsiga Soomaaliya, Jamaal Maxamed Xasan iyo mas’uuliyiin kale.

7/14/2019 10:45 AM EST
Axad, July, 14, 2019 (HOL)- Ra’iisul Wasaare ku-xigeenka xukuumadda federaalka Soomaaliya ,Mahdi Maxamed Guuleed (Khadar) ayaa maanta guddoomiyay shir ay yeesheen guddi hoosaadka golaha wasiirrada ee tubta horumarinta arrimaha bulshada.

7/14/2019 10:11 AM EST
Axad, July, 14, 2019 (HOL)- Wasiirka shaqada iyo arrimaha bulshada xukuumadda federaalka ah ee Soomaaliya, Mudane Sadiiq Xirsi Warfaa iyo wafdi ballaaran oo uu hoggaaminayo ayaa maanta gaaray magaalada Garoowe ee xarunta Puntland, halkaa oo lagu soo dhaweeyay.

7/14/2019 4:46 AM EST
Axad, July, 14, 2019 (HOL)- Warar dheeraad ah ayaa ka soo baxaya qarax ismiidaamin ah oo goor dhaw ka dhacay degmada DhuusaMareeb kaddib markii qof soo xirtay walxaha qarxa uu isku qarxiyay goob maqaaxi.

7/14/2019 3:04 AM EST
Axad, July, 14, 2019 (HOL)-Marekanka ayaa iskudayaya inuu ku ciqaabo dowladda Turkiga go’aanka ay ku iibsatay gantaallada nidaamka difaaca ee S 400 oo dalka Ruushka lagu farsameeyo, sida uu ku warramay wargeyska Bloomberg ee ka soo baxa Maraykanka.

7/14/2019 2:57 AM EST
Axad, July, 14, 2019 (HOL)-Hay’addaha amniga ayaa kor u qaaday howlgallada ammaanka lagu xaqiijinayo, kaddib weerar ay dad badan ku dhinteen oo Jimcihii ka dhacay magaalada Kismaayo.

7/14/2019 1:34 AM EST
Axad, July, 14, 2019 (HOL)-Madaxweynaha dowlad gobolleedka Hirshabeelle Maxamed Cabdi Waare ayaa markii ugu horeysay goob fagaaro ah ku soo hadal qaaday su'aal in badan ay is-weydiinayeen bulshada ku dhaqan gobolka Hiiraan taasoo ah sababta keenta isbadallada joogtada ah ee lagu sameeyo maamulka gobolka Hiiraan?

7/14/2019 1:08 AM EST
Axad, July, 14, 2019 (HOL)-Madaxweyne Donald Trump ayaa ka baxay heshiiska Niyukleerka ee iran isaga oo ku xumaynaya madaxwaynihii ka horreeyay ee Barack Obama, sida ku cad warqad sir ah oo la soo dusiyay oo uu qoray safiirkii hore ee UK u fadhiyay Washinton.

7/14/2019 12:58 AM EST
Axad, July, 14, 2019 (HOL) -Wasaaaradda Awqaafta iyo Arrimaha Diinta Xukuumadda Soomaaliya ayaa kulan la qaadatay mas'uuliyiin ka socday shirkadaha u adeega Xujeyda Somaaliyeed ee sanadkaan ku guuleystay inay xujeyda qaadaan.