7/18/2019
Today from Hiiraan Online:  _
Wararka Maanta- Axad, July 14, 2019
Madaxweyne Waare oo ka jawaabay sababta is badalka joogtada ah loogu sameeyo maamulka gobolka Hiiraan


 

Axad, July, 14, 2019 (HOL)-Madaxweynaha dowlad gobolleedka Hirshabeelle Maxamed Cabdi Waare ayaa markii ugu horeysay goob fagaaro ah ku soo hadal qaaday su'aal in badan ay is-weydiinayeen bulshada ku dhaqan gobolka Hiiraan taasoo ah sababta keenta isbadalka joogtada ah ee lagu sameeyo maamulka gobolka Hiiraan?

Wuxuu sheegay in marar badan uu maqlay su'aashan, madaama gobolka Shabeellaha dhexe wali uu joogto guddoomiyihii la magacaabay markii la dhisay dowlad gobolleedka Hirshabeelle.

''' Isbadalka mar walba lagu sameeyo maamulka gobolka Hiiraan wuxuu tusaale u yahay ama calaamad u yahay cudur ku jira jirka  Hiiraan, waxaan rabaa in aan idin balan-qaado Annaga oo kaashaneyna waxgaradka gobolka in la qaban doono shir-weyne looga arinsanayo Masiirka iyo Aayaha gobolka'' ayuu yiri madaxweyne Waare.

Jawaabta madaxweyne Waare uu bixiyay ayaa u muuqatay mid ka weecineysa dowladda Hirshabeelle eeddda iyo magacaabista is daba jooga ah ee guddoonka maamulka gobolka Hiiraan,, isaga oo taa badalkeeda sheegay in bulshada ku dhaqan gobolka looga baahan yahay in ay iyagu gartaan halka dhibaatadu ka jirto

''Qof kasta oo xil ka soo qabtay gobolkan markii la magacaabayay waxaa uu ahaa qof wanaagsan oo bulshada dhaxdeeda ixtiraam ku leh, laakiin marka xilka loo dhiibo sidaa ma sii ahaanayo, waa in aan ogaanaa ciladaas halka ay jirto,' ayuu yiri madaxweynaha dowlad gobolleedka Hirshabeelle.

Cali Jeyte Cismaan oo horay guddoomiye uga soo noqday gobolka oo khudbad ka jeedinayay munaasabadii xil wareejinta ee maalintii shalay ka dhacday xarunta maamulka gobolka oo soo hadal qaaday isbadbadalka joogtada ah ee lagu sameeyo guddoonka gobolka Hiiraan ayaa yiri''  Waxaan is leeyahay sababta uu madaxweynuhu isbadalkan mar walba u sameynayo. waxaa uu raadinayaa kii ugu mudnaa ee hoggaamin lahaa gobolka, sidaa daraadeed waxaa rajeynayaa in Cali Maxamed Caraale uu noqon doono qofkii isaga ah ee la doondoonayay''

Cali Maxamed Caraale ayaa noqonaya guddoomiyihii Lixaad ee gobolka Hiiraan uu mudadii ay jirtay Hirshabeelle, waxaana dad badani ay aamin-san yihiin in sababta ugu weyn tahay dhaqaalaha ka soo xarooda gobolka oo ay isku qabtaan habka loo maamulayo guddoomiyaha markaa xilka haya iyo madaxda ugu sareysa dowlad gobolleedka, taasoo keenta in deg deg xilka looga qaado guddoomiyaha. 

C/raxmaan Diini, Hiiraan Online
[email protected]
 
 

 

 










Click here
7/14/2019 11:16 AM EST
Axad, July, 14, 2019 (HOL)- Madaxweynaha dowlad-gobolleedka Jubbaland, Axmed Maxamed Islaam ayaa guddoomiyay shirka golaha amniga Jubbaland oo ay ka qeybgaleen xubnaha guddiga amniga iyo mas'uuliyiin kale.

7/14/2019 11:02 AM EST
Axad, July, 14, 2019 (HOL)- Guddoomiyaha Baarlamaanka Soomaaliya, Maxamed Mursal Sheekh Cabdiraxmaan iyo ku-xigeenkiisa koowaad ayaa maanta kullan xog wareysi ah la yeeshay Wasiirka wasaaradda qorsheynta,maalgashiga iyo horumarinta ganacsiga Soomaaliya, Jamaal Maxamed Xasan iyo mas’uuliyiin kale.

7/14/2019 10:45 AM EST
Axad, July, 14, 2019 (HOL)- Ra’iisul Wasaare ku-xigeenka xukuumadda federaalka Soomaaliya ,Mahdi Maxamed Guuleed (Khadar) ayaa maanta guddoomiyay shir ay yeesheen guddi hoosaadka golaha wasiirrada ee tubta horumarinta arrimaha bulshada.

7/14/2019 10:11 AM EST
Axad, July, 14, 2019 (HOL)- Wasiirka shaqada iyo arrimaha bulshada xukuumadda federaalka ah ee Soomaaliya, Mudane Sadiiq Xirsi Warfaa iyo wafdi ballaaran oo uu hoggaaminayo ayaa maanta gaaray magaalada Garoowe ee xarunta Puntland, halkaa oo lagu soo dhaweeyay.

7/14/2019 4:46 AM EST
Axad, July, 14, 2019 (HOL)- Warar dheeraad ah ayaa ka soo baxaya qarax ismiidaamin ah oo goor dhaw ka dhacay degmada DhuusaMareeb kaddib markii qof soo xirtay walxaha qarxa uu isku qarxiyay goob maqaaxi.

7/14/2019 3:04 AM EST
Axad, July, 14, 2019 (HOL)-Marekanka ayaa iskudayaya inuu ku ciqaabo dowladda Turkiga go’aanka ay ku iibsatay gantaallada nidaamka difaaca ee S 400 oo dalka Ruushka lagu farsameeyo, sida uu ku warramay wargeyska Bloomberg ee ka soo baxa Maraykanka.

7/14/2019 2:57 AM EST
Axad, July, 14, 2019 (HOL)-Hay’addaha amniga ayaa kor u qaaday howlgallada ammaanka lagu xaqiijinayo, kaddib weerar ay dad badan ku dhinteen oo Jimcihii ka dhacay magaalada Kismaayo.

7/14/2019 1:08 AM EST
Axad, July, 14, 2019 (HOL)-Madaxweyne Donald Trump ayaa ka baxay heshiiska Niyukleerka ee iran isaga oo ku xumaynaya madaxwaynihii ka horreeyay ee Barack Obama, sida ku cad warqad sir ah oo la soo dusiyay oo uu qoray safiirkii hore ee UK u fadhiyay Washinton.

7/14/2019 12:58 AM EST
Axad, July, 14, 2019 (HOL) -Wasaaaradda Awqaafta iyo Arrimaha Diinta Xukuumadda Soomaaliya ayaa kulan la qaadatay mas'uuliyiin ka socday shirkadaha u adeega Xujeyda Somaaliyeed ee sanadkaan ku guuleystay inay xujeyda qaadaan.