7/18/2019
Today from Hiiraan Online:  _
Wararka Maanta- Sabti, July 13, 2019
Sanaag: Mid ka mid ah beelihii ku dirirayey deegaanka Ceel afweyn oo gaadiidii hubku u saarnaa ku wareejisay Somaliland



Sabti, Luulyo, 13,  2019 (HOL) – Mid ka mid ah labadii beelood ee dirirtu ku dhexmartay deegaanka Ceel afweyn ayaa dawladda ku wareejiyey gaadiidkii iyo hubkii sida sharci darada ah  u haysteen.

Odayaasha u hadlay beeshan gaadiidka Tiknikadda ah wareejinaysa ayaaa sheegtay inay qaadatay amarkii ka soo baxay madaxweynaha ee ahaa in la soo wareejiyo gaadiidka dagaalka ee ay haystaan beeluhu, isla markaana go’aankaasi ay fulinayaan.

Munaasibadii gaadiidkan lagu wareejinayey waxa ka soo qyabgalay cuqaasha beeshan, siyaasiyiinta iyo waxgaradka beeshan, waxaana lagu wareejiyey saraakiil ka socota Militeriga Somaliland oo gaadiidkii hubku saarnaa kala wareegay.

Sidoo kale, waxay ku baaqeen si deegaanku nabad unoqdo in beesha kale ay nabadda qaadato.

“Gaadiidkan Tiknikada ahayd anaga lahayn oo qaadhaan aan iska ururinay baan ku iibsanay, waxaana u iibsanay si aanu iskaga ilaalino cadowga meelaha fog fog ka imanay balse shicib iyo Somaliland toona uma iibsan in aanu ku waxyeelayno”ayuu yidhi mid ka mid ah odayaashii madasha ka hadlay.

Sidoo kale,, saraakiisha Ciidanka Militeriga Somaliland ayaa ku amaanay odayaasha iyo waxgaradka gaadiidka Tiknikada ah ku soo wareejiyey dawladda.

Si kastaba ha ahaatee, beeshan hubka wareejinaysa ayaa si iskood ah u gartay inay gaadiidkaasi dawlada ku wareejiso, taasina waxay horseedaysa in beesha kale iyaduna jidkaasi ay marto.

 

Barkhad-ladiif M. Cumar, Hiiraan Online

[email protected]

Hargeysa, Somaliland








Click here
7/13/2019 2:40 PM EST
Sabti, July, 13, 2019 (HOL)-Magaalada Addis Ababa ee xarunta dalka Itoobiya ayaa maanta laga furay Xafiiska Ururka ONLF, Xafladda furitaanka ayaa waxaa kasoo qayb galay Madaxda u saraysa Ururka ONLF oo uu kamid yahay Guddoomiyaha Ururka ONLF Admiral Maxamed Cumar Cismaan. Masuuliyiinta Ururada Mucaaradka ah ee Itoobiya. iyo Odayaal dhaqameedka Soomaaliyeed ee ku dhaqan Addis Abaa.

7/13/2019 1:37 PM EST
Sabti, July, 13,2019 (HOL)- Ra’iisul Wasaaraha Soomaaliya Xasan Cali Khayre, ayaa maanta magaalada Dhuusamareeb ee xarunta Galmudug ku qaabilay wafdi ka socda wasaaradda Gaashaandhigga dalka Qatar.

7/13/2019 11:04 AM EST
Sabti, July, 13,2019 (HOL)- Diyaarad nooca milatariga ayaa magaalada Dhuusamareeb ee xarunta Galmudug ka dajisay wafdi ka socda dowladda Qatar oo isugu jira mas'uuliyiin ka socda wasaaradda gaashandhigga iyo saraakiil ciidan.

7/13/2019 10:52 AM EST
Sabti, July, 13,2019 (HOL)- Xog-hayaha guud ee Qaramada Midoobay, António Guterres ayaa si adag u cambaareeyay weerarkii galinkii dambe ee shalay ka dhacay hotel ku yaalla magaalada Kismaayo.

7/13/2019 8:16 AM EST
Sabti, July, 13,2019 (HOL)- Munaasabadan xil wareejinta ah oo aheyd mid siweyn loo wada sugayay ayaa ugu danbeyntii ka dhacday xarunta maamulka gobolka Hiiraan, iyadoo ay ka qeybgalleen mas'uuliyiin kala duwan oo uu ka mid ahaa madaxweynaha dowlad gobolleedka Hirshabeelle Maxamed Cabdi Waare.

7/13/2019 7:56 AM EST
Sabti, July, 13, 2019 (HOL)-Wasiirka Xanaanada Xoolaha iyo horumarinta Kalluumaysiga Somaliland Xasan Maxamed Gaafaadhi ayaa sheegay in markab xoolo siday oo Berbera ka baxay ku xaniban yahay dekada Jidda ee Sucuudiga Carabiyo ka dib markii xukuumada Soomaaliya cadaadis ku saarto in xoolahaasi dib loo celiyo.

7/13/2019 7:50 AM EST
Sabti, July, 13, 2019 (HOL)-Koranto la'aantan ayaa sababtay ka dib markii wado ku beegantay xarunta wershada korantada cagafna la geliyey deyrka kore.

7/13/2019 5:46 AM EST
Sabti, July, 13, 2019 (HOL)-Madaxweynaha Dowladda gobolleedka Hirshabeelle Dr Maxamed Cabdi Waare ayaa uga tacsiyeeyay guud ahaan shacabka Soomaaliyeed, qoysaska iyo eheladii ay ka baxeen dadkii rayidka ahaa ee ku dhintay weerarkii Al-shabaab ee shalay lagu qaadey Hoteel Cas-caseey ee magaalada Kismaayo.

7/13/2019 5:15 AM EST
Sabti,July, 13, 2019 (HOL)- Madaxweynaha dowladda federaalka ah ee Soomaaliya, Maxamed Cabdullaahi Farmaajo ayaa xukuumadda faray si degdeg ah inay gurmad caafimaad ugu fidiso dadka ay culus tahay xaaladdooda caafimaad.

7/13/2019 4:43 AM EST
Sabti,July, 13, 2019 (HOL)- Madaxweynaha Jubbaland, Axmed Maxamed Islaam ayaa markii u horreeysay faahfaahin ka bixiyay khasaaraha weerarkii galinkii dambe lagu qaaday hotelka Cascaseey.

7/13/2019 3:37 AM EST
Magaaladda Toronto ee dalka Canada waxaa shalay ka furmay ciyaaraha Todobaadka Soomaalida Canada oo sanadkii 29aad lagu qabanayo magaaladaas,waxaana sanad walba xiligaan oo kale hawshaa qabanqaabadeeda si buuxda u gala ururka horemarinta dhalinyarada ee TODAY

7/13/2019 2:02 AM EST
Sabti,July, 13, 2019 (HOL)- Warar goor dhaw ay heshay Hiiran Online ayaa sheegaya in dadkii ku dhintay qaraxyadii iyo weerarkii lagu qaaday hotel Cas-caseey ee magaalada Kismaayo uu ka mid noqday Ganacsade Mahad Cabdulaahi Nuur Garguurte.

7/13/2019 1:15 AM EST
Sabti, July, 13, 2019 (HOL)-Xaaladda magaalada Kismaayo ayaa wali kacsan kadib markii koox hubeysan oo ka tirsan kooxda Al shabab ay shalay galab ay weerar xooggan ay ku qaadeen Hoteel ku yaala magaalada Kismaayo.