7/18/2019
Today from Hiiraan Online:  _
Wararka Maanta- Jimco, July 12, 2019
Kismaayo: Wararkii u dambeeyay ee weerarkii hotel Cas-caseey




Jimco, July, 12, 2019 (HOL) -  Ciidammada amniga ee Jubbaland ayaa ku dadaallaya sidii xasillooni loogu soo dabaali lahaa magaalada xarunta kumeelka u ah maamulka ee Kismaayo, halkaa oo galinkii dambe weerar ku billowday qarax gaari lagu qaadday hotel Madiina (Ex Cascaseey).

Ilaa hadda inta la xaqiijiyay 10 ruux ayaa geeriyootay, dhaawacana wuxuu ku dhow yahay 50, sida  laga soo xigtay saraakiil amniga iyo kuwa caafimaadka ee magaalada Kismaayo.

Ururka al-Shabaab ayaa sheegtay mas'uuliyada weerarka, waxaana wali gudaha hoteelka ku jira ilaa lix dagaallame oo kooxda ka tirsan,kuwaaso bombaanooyin ku soo tuuraya ciidammada amniga ee ku hareereeysan hoteelka. 

Warar kale oo laga helay ilo ku dhow hoteelka ayaa sheegay ciidammada amniga inay gudaha u galeen inta badan qeybaha hoteelka, halkaa oo laga soo saaray dad badan oo ay ku jiraan odayo dhaqameedyo magaalada u tagay hawlaha doorashada Jubbaland.

Magacyada la aqoonsaday ee ilaa hadda warbaahinta maxalliga ah ay sheegtay inay weerarka ku geeriyoodeen, waxaa ka mid ah suxufiyad caan ah oo bulshada Soomaaliyeed ay xushmeyso, Hodan Naalaye, waxaa kalo la sheegay inuu geeriyooday seygeeda oo la oran jirey Fariid Jaamac oo mar wasiir ka soo noqday Jubbaland. Shaqsiyaadka kale ee la sheegay inay weerarka ku dhinteen waxaa ka mid ah weriye Maxamed Sahal Cumar oo loo yiqiin Gacmadheere, wuxuu ka howlgali jiray telefishinka maxalliga ah ee SBC iyo raadiyaha Qaramada Midoobay ee ka warrama arrimaha bani'aadanimada ee Ergo.

Dad kale oo aan nolal iyo geeri lagu heyn ayaa sidoo kale jira, waxaa ka mid ah Maxamed Ismaaciil Shuuriye oo horey u ahaa xildhibaan iyo wasiir federal ah oo haddana ahaa musharax u taagan xilka madaxtinimo ee Jubbaland.

Madaxweynaha Jubbaland, Axmed Maxamed Islaam ayaa isbitaalka ku booqday qaar ka mid ah dadkii weerarka ku dhaawacmay, sawirro la soo qaaday waxay muujiyeen qof u muuqday ajanabi oo dhaawac ah.

Wuxuu sheegay madaxweynaha Jubbaland in dadka qaba dhaawacyada culus ee aan dalka waxba looga qaban karin in dibadda loo qaadi doono, isagoo ciidammada amniga ku ammaanay sida ay uga jawaabeen weerarka waxaana uu xusay in ay soo badbaadiyeen dad farabadan kuwaas oo hotelka degganaa.

Ra’iisul Wasaaraha Soomaaliya,  Xasan Cali Khayre ayaa cambaareeyay weerarka , waxa uu tacsi u diray dhammaan ehelada iyo qoysaska ay baxeen dadkii ku dhintay weerarka.

"Ra’iisul Wasaaraha ayaa dhammaan shacabka Soomaaliyeed ugu baaqay in ay garab istaagaan ciidadamada Qaranka ee ku howlan soo afjaridda maleeshiyada argagixisada ah." ayaa lagu yiri war qoraal ah oo ka soo baxay xafiiska Ra'iisul wasaaraha.

Ammaanka magaalada Kismaayo ayaa muddooyinkii dambe aad u wanagsanaa, waxaana magaalada taalla ilaa 15 goobood oo dadka iyo gaadiidka lagu baaro oo ciidammo kala duwana ay joogaan, balse taas kama celin kooxda weerarka qaadday inay gaari ku qarxiyaan kaddibna gudaha u galaan hoteelka.

Wuxuu weerarka ku aadday xilli ay la ciirciireyso magaalada Kismaayo tiro badan oo dad ah oo doorashada u yimid, taaso ka dhigtay hoteelada iyo goobaha ay dadku isugu yimaadan mid mashquul badan.

Iman Mohamed Jama, Hiiraan Online
[email protected]








Click here
7/12/2019 4:04 PM EST
Jimco, July, 12, 2019 (HOL) - Guddoonka labada gole ee Baarlamaanka Soomaaliya ayaa goor dhow shir jaraa'id oo ay wadajir u qabteen ku shaaciyay in laga heshiiyay khilaaf u dhaxeeyay.

7/12/2019 3:29 PM EST
jimco, July, 12, 2019 (HOL)-Wararka ka imanaya magaalada Kismaayo ee xaruta gobolka Jubbada hoose ayaa sheegaya in dadkii caawa ku dhintay weerarradii iyo qaraxyadii lagu qaaday Hotelka Cascaseey ay mid noqotay Wariye Hodan Naaleeye.

7/12/2019 1:58 PM EST
Jimco, July, 12, 2019 (HOL)– Dowladda Turkiga ayaa markii u horreysay shaaca ka qaaday inuu dalkeeda soo gaaray gantaalaha difaaca ee S-400, sida laga soo xigtay wasaaradda Difaaca.

7/12/2019 1:53 PM EST
Jimco, July, 12, 2019 (HOL) - Wararka ka imanaya magaalada Kismaayo ayaa sheegaya in wali laga maqlayo hoteel Cascaseeey ee weerarka lagu qaaday rasaas goosgoos ah oo ay is weydaarsanayaan kooxo hubeysan ee ciidamada Jubbaland.

7/12/2019 1:30 PM EST
Jimco, July, 12, 2019 (HOL)– Ra’iisul Wasaaraha xukuumadda federaalka Soomaaliya ,Xasan Cali Khayre ayaa magaalada Gaalkacyo kulamo kula qaatay odayaasha u xil saaran adkeynta nabadda iyo is-dhex galka bulshada ku nool waqooyiga iyo koonfurta magaalada Gaalkacyo ee xarunta gobalka Mudug.

7/12/2019 12:23 PM EST
Jimco, July, 12, 2019 (HOL)– Ugu yaraan saddex qof ayaa ku geeriyootay , tiro kalana waa ay ku dhaawacmeen weerar ku billowday qarax gaari oo ka socda hoteelka Cascaseey ee magaalada Kismaayo.

7/12/2019 11:59 AM EST
Jimco, July, 12, 2019 (HOL)–Wararka ka imaanaya magaalada Kismaayo ee gobolka Jubbada hoose ayaa sheegaya inuu halkaa ka dhacay qarax xooggan.

7/12/2019 7:49 AM EST
Jimco, July, 12, 2019 (HOL)– Dowladda Liibiya ayaa wax laga xumaado ku tilmaamtay hub lagu farsameeyay dalka Faransiiska uu u gacan galay mucaaradka.

7/12/2019 7:10 AM EST
Jimco, July, 12, 2019 (HOL)– Xukuumadda Soomaaliya ayaa ku wareejisay guddiga dib u dhiska garoonka cayaaraha Cawaale ee waqooyiga magaalada Gaalkacyo dhaqaalo ka qeybqaadanaya dhammeystirka garoonka, sida laga soo xigtay xubno guddiga ka mid ah.

7/12/2019 7:04 AM EST
Jimco, July, 12, 2019 (HOL)- Wasiirka Wasaaradda Maaliyada Xukuumadda Soomaaliya Cabdiraxmaan Ducaale Beyle ayaa Maanta oo Jimce ah waxa uu kulan gaar ah la qaatay safiirka Dowladda Mareykanka u fadhiya Soomaaliya Amb, Donald Yamamoto.

7/12/2019 6:53 AM EST
Jimco, July, 12, 2019 (HOL)– Golaha milatariga ee dalka Suudaan, ayaa sheegay inuu dhacay isku day afgembi oo laga hortagay.

7/12/2019 4:50 AM EST
Jimco, July, 12, 2019 (HOL)-Wararka ka imanaya gobolka Jubadda Hoose ayaa sheegaya in deegaanka Kulbiyoow oo ku yaalla xadka hala qeybiya Soomaaliya iyo Kenya ee Gobolkaasi ay ku dagaalameen Ciidamada Jubbaland iyo Ururka Al-Shabaab.

7/12/2019 1:38 AM EST
Jimco, July, 12, 2019 (HOL)–Ugu danbeyntii waxaa la soo afjaray ku dhawaad bil khilaaf siyaasadeed oo ka taagnaa maamulka gobolka Hiiraan kaa oo ka dhashay xil ka qaadistii madaxweynaha dowladda gobolka Hirshabeelle Maxamed Cabdi Waare uu ku sameeyay guddoomiyihii hore ee maamulka gobolka Yuusuf Axmed Hagar Dabageed.