7/18/2019
Today from Hiiraan Online:  _
Wararka Maanta- Khamiis, July 11, 2019
Hay'addaha amniga oo Muqdisho ku soo bandhigay rag dhac geysan jiray




Khamiis, July, 11, 2019 (HOL)- Maamulka gobolka Banaadir ayaa maanta ku soo bandhigay degmada Dharkiinley rag la sheegay inay dhac u geysan jireen bulshada iyo hub ay wateen.

Lix nin oo maamulka uu ku eedeyay inay burcad ahaayeen iyo hubka ayaa la sheegay in lagu soo qabtay howlgal ay ciidammada amniga ka sameeyeen caasimadda Muqdisho, waxaana lagu wareejiyay xeer ilaalinta maxkamada ciidammada Qalabka sida ee Soomaaliya.

Guddoomiyaha gobolka Banaadir  ahna duqa caasimadda Muqdisho, Cabdiraxmaan Cumar Cismaan (Eng Yariisow) ayaa sheegay  in mamulka gobolku uu dagaal iyo daba gal xooggan ku hayo kooxaha burcadda ah ee dadka ku dhibaateeya gudaha iyo daafaha magaalada Muqdisho, isagoo sheegay in maamulka iyo hay’addaha amnigu ay talaabo ka qaadi doonaan, sidoo kalana qofkii ka daba yimaada ruux lagu soo qabtay falal amniga liddi ku ah ay isagana u aqoonsan doonaan burcad kalkaal.

Wuxuu ugu mahadceliyay ciidammada amniga shaqada ay qabteen ayaa ku bogaadiyay inay ballaariyaan hawlgalada ay amniga ku xaqiijinayaan, isagoo inta ku daray in raggaasi ay ku wareejinayaan maxkamadda ciidammada qalabka sida, oo iyaduna looga fadhiyo in ay cadaaladda waafajiso.

Iman Mohamed Jama, Hiiraan Online
[email protected]








Click here
7/11/2019 4:23 PM EST
Khamiis, July, 11, 2019 (HOL)- Hay'adda nabad sugidda iyo sirdoonka qaranka Soomaaliyeed ee NISA, ayaa maanta shaaca ka qaadday in gacanta lagu dhigay Rag qorsheynayay weeraro iyo hubkii ay wateen,kaddib howlgal ay ciidammada amniga ka fuliyeen dulleedka Muqdisho.

7/11/2019 4:08 PM EST
Khamiis, July, 11, 2019 (HOL)- Ra’iisul Wasaare ku-xigeenka dalka, mudane Mahdi Maxamed Guuleed (Khadar) ayaa maanta guddoomiyay shirka golaha wasiirrada oo lagu qabtay magaalada Muqdisho.

7/11/2019 11:13 AM EST
Khamiis, July, 11, 2019 (HOL)- Waxaa hoolka Shirarka ee Kaali ka furmay maanta Shir lagu qiimaynayay hoggaaminta DDS ee heer degaan, gobol, degmo iyo maamul magaalooyin.

7/11/2019 10:32 AM EST
Khamiis, July, 11, 2019 (HOL)- Ra’iisul Wasaaraha xukuumadda federaalka Soomaaliya , Xasan Cali Khayre ayaa maanta kulamo la qaatay qaybo kamid ah dhallinyarada iyo odayaasha dhaqanka ee labada dhinac ee Gaalkacyo iyo xubno ka tirsan golaha deegaanka Waqooyiga Gaalkacyo.

7/11/2019 10:27 AM EST
Khamiis, July, 11, 2019 (HOL)- Madaxweynaha dowladda federaalka Soomaaliya, Maxamed Cabdullaahi Farmaajo ayaa usoo jeediyay dhinacyada ku dagaallamaya deegaanka Ceel-Afwen ee Gobolka Sanaag inay si dhaqso ah dagaalka u joojiyaa.

7/11/2019 9:23 AM EST
Khamiis, July, 11, 2019 (HOL)- Wasiirka waxbarashada xukuumadda federaalka Soomaaliya ,Cabdullaahi Goodax Barre ayaa maanta magaalada Muqdisho ka daah-furay isla markaana saxiixay mashruuca horumarinta waxbarashada ee (Education Cannot Wait) oo ay si wadajir ah u fulinayaan hay'adda ADRA iyo wasaaradda waxbarashada, hiddaha iyo tacliinta sare Soomaaliya.

7/11/2019 8:59 AM EST
Khamiis, July, 11, 2019 (HOL)- Ugu yaraan 16 qof ayaa ku geeriyooday 78 kalana waa ay ku dhaawacmeen shil tareen oo ka dhacay magaalada Rahim Yar Khan ee ku taala dalka Pakistan.

7/11/2019 8:32 AM EST
Khamiis,July, 11, 2019 (HOL)-Guddoomiyaha cusub ee maamulka gobolka Hiiraan Cali Maxamed Caraale ayaa u fariistay maanta xafiiska looga arrimiyo maamulka gobolka Hiiraan, iyadoo dhinaca kalana wali uu taagan yahay khilaafkii ka dhashay xil ka qaadistii lagu sameeyay guddoomiyihii hore ee maamulka gobolka Yuusuf Axmed Hagar Dabageed.

7/11/2019 4:48 AM EST
Khamiis, July, 11, 2019 (HOL)- Doonyo nooca dheereeya oo ay leeyihiin ciidammada badda ee Iiraan ayaa weeraray markab nooca saliidda qaada oo laga leeyahay dalka Britain oo gooshayay xeebaha gacanka marinka Hormuuz, sida ay sheegtay dowladda Ingiriiska.

7/11/2019 4:37 AM EST
Khamiis, July, 11, 2019 (HOL)- Ra'iisul wasaaraha dalka Pakistan, Imraan Khaan ayaa booqashadii u horreysay dabayaaqada bishan ku tagi doonaa dalka Marekanka, halkaa oo kullan gaar ah uu kula qaaday doonaya madaxweynaha Marekanka,Donald Trump.

7/11/2019 3:29 AM EST
Khamiis, July, 11, 2019 (HOL)-Wasiirka Wasaarradda Arrimaha dibadda xukuumadda Soomaaliya Axmed Cawad Ciise ayaa waxba kama jiraan ku tilmaamay kulan la sheegay in uu magaalada Addis Ababa ku dhaxmari doono madaxweynayaasha Soomaaliya iyo Kenya

7/11/2019 1:22 AM EST
Khamiis, July, 11, 2019 (HOL) –Magaalada Jowhar ee xarunta dowlad gobolleedka Hirshabeelle saacadihii ugu danbeeyay waxaa ka soconayay kulamo xasaasi ah oo u dhaxeeyay xildhibaannada Baarlamaanka Hirshabeelle, kuwaa oo salka ku haya khilaaf soo kala dhax-galay guddoonka sare ee Golaha Baarlamaanka.

7/11/2019 12:51 AM EST
Khamiis, July, 11, 2019 (HOL) -Agaasimaha Guud ee Wasaaradda Arrimaha Dastuurka oo ay wehliyaan La-taliyayaal iyo Agaasime-waaxeedyo katirsan Wasaaradda Dastuurka ayaa maanta kulan la yeeshay Agaasimaha Guud ee Madaxtooyada Qaranka oo ay wehliyaan Agaasime-waaxeedyo katirsan Mdaxtooyada Qaranka iyo qaar kamid ah La-taliyayaasha Madaxweynaha JFS.