Mareykanka oo War ka soo saaray duqeymihii ugu danbeeyay oo ay ka fuliyeen Soomaaliya
Arbaco, Janaayo, 09, 2019 (HOL) –
Dowladda Mareykanka ayaa sii wada duqeymaha ka dhanka ah dagaalyahannada Ururka
Al-shabaab saldhigyada ay ku leeyihiin Koonfurta iyo Bartamaha dalka
Soomaaliya.
Sanadkan cusub ayuu Mareykanku
dhowr weerar ka fuliyay qeybo ka mid ah gobollada dalka, waxaana weerarradaa
lagu bartilmaameedsaday xubno ka tirsan Ururka Al-shabaab, sidoo kalana waxaa
lagu bur buriyay saldhigyo ama fariisimo ay ku lahaayeen gobollada dalka.
Dowladda Mareykanka ayaa sheegtay in duqeyntii
ugu horeysay ka fulisay gobolka Shabeellaha Hoose, islamarkaana ay ku dishay 6
xubnood oo Shabaab ka mid ah sidoo kalena ay ku burburisay gawaari dagaal.
Duqeynta Labaad ayaa ka dhacday degaanka Baqdaad, waxaana halkaasi lagu
dilay 4 xubnood oo Shabaab ka tirsan sidda ay sheegtay dowladda Mareykanka.
Mareykanku wuxuu sheegay in howlgalada sidoo kale ay ka qeybqaateen
ciidamada sidda gaarka ah u tababaran ee Soomaaliya,
Al-shabaab iyagu waxba war kama aysan soo saarin
weerarradda tooska ah iyo duqeymaha uga imanaya ciidamada Mareykanka iyo kuwa
Soomaaliya ee isbaheysanaya, taa badalkeedana waxaa ay sii wadaan dhankooda
weerarrada ay ku qaadaan saldhigyada ciidamada dowladda iyo kuwa howlgalka
midowga Africa AMISOM
C/raxmaan Diini, Hiiraan
Online
[email protected]
