3/29/2024
Today from Hiiraan Online:  _
Wararka Maanta- Talaado, Jan 8 , 2019
Axmed Cilmi Cismaan Karaash oo loo doortay xilka madaxweyne ku-xigeenka Puntland

Talaado, Janaayo, 08, 2019 (HOL)-  Axmed Cilmi Cismaan (Karaash) ayaa ku  guuleystay doorashadii madaxweyne kuxigeenka Puntland, iyadoo jagada ay ku tartameen 11 musharrax.

Doorashada ayaa la isla soo gaaray wareegii saddexaad,waxaana isugu soo haray labada musharrax ee kala ah;

Axmed Cilmi Cismaan [Karaash]  oo helay  47 cod

2- Cabdi Cismaan Qawdhan oo helay  19 cod

Natiijaddan  ayaa soo afjareysa doorashadii Puntland ee lagu doortay Madaxweynaha iyo Madaxweyne ku-xigeenka cusub ee Puntland oo xilka loo dhaariyey shanta sanno ee soo socota.
Madaxweynaha cusub Siciid Cabdullahi Deni oo isagu saaka xilka loo doortay ayaa u hambalyeeyey Madaxweyne kuxigeenka cusub Axmed Karaash oo ah siyaasi saameyn weyn ku leh gobalka Sool, isla markaana taageero xooggan ka heystay issimada gobalkaasi kasoo jeeda.Karaash ayaa sidoo kale xilal kala duwan ka soo qabtay maamulkii madaxweyne Gaas.

Axmed Karaash oo isla markiiba loo dhaariyey xilka loo doortay ayaa hadal kooban oo uu soo jeediyey ku sheegay inuu balan qaadayo inuu si wanaagsan ulla shaqeeyo Baarlamaanka doortay.

Musharraxa looga guuleystay xilka madaxweynaha ku-xigeenka Cabdi Cismaan Qawdhan ,oo goobta ka hadlay codbixinta kaddib ayaa sheegay inuu ku faraxsan yahay qaabka ay doorashada u dhacday.

Gabagabadii,Madaxweyne ku-xigeenka xilka ka degaya,Cabdixakim Camey oo golaha ka hadlay ayaa dhankiisana u hambalyeeyey madaxweyne ku-xigeenka cusub ee la doortay, Camey oo isaguna tartanka doorashada madaxweyne ku-xigeenka ka qaybgalay ayaa ku haray wareega koowaad si la mid ah madaxweynihii hore Cabdiweli Gaas oo isna mar kale xilka u sharraxnaa.

Iman Mohamed Jama, Hiiraan Online
[email protected]











Click here
1/8/2019 11:04 AM EST
Talaado, Janaayo, 08, 2019 (HOL)- Wafdigii ugu horreeyay oo ka socda xukuumadda federaalka ayaa galinkii dambe gaaray magaalada Garoowe ee xarunta Puntland, kaddib muddo toddobaad ah oo mas'uuliyiinta dowladda federaalka laga mamnuucay inay tagaan deegaannada Puntland.

1/8/2019 8:16 AM EST
Talaado, Janaayo,08,2019 (HOL)-Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa hambalyo u diray Madaxweynaha iyo Madaxweyne Ku-xigeenka cusub ee Dowlad Goboleedka Puntland Mudane Siciid Cabdullaahi Maxamed (Deni) iyo Mudane Axmed Cilmi Cismaan (Karaash) oo maanta ku guuleystay doorashadii ka qabsoontay Puntland.

1/8/2019 6:53 AM EST
Talaado, Janaayo, 08, 2019 (HOL)- Madaxweynaha cusub ee Puntland , Siciid Cabadullaahi Deni ayaa goor dhow wareegtadii ugu horreeysay ku hakiyay dhaqdhaqaaqa maaliyadeed ee dowladda.

1/8/2019 6:46 AM EST
Talaado,Janaayo, 08, 2019 (HOL)-Wafdi ka socda dowladda federaalka Soomaaliya ayaa goor dhaw u anbabaxay magaalada Garoowe ee xarunta maamul gobolleedka Puntland.

1/8/2019 4:33 AM EST
Talaado, Janaayo, 08, 2019 (HOL)- Guddoomiyaha Baarlamaanka Puntland,Cabdikariin Maxamed Axmed (Dhoobo-dareed) ayaa goor dhow shaaciyay natiijada doorashada madaxweynaha Puntland oo la isla soo gaaray wareegii saddexaad.

1/8/2019 3:41 AM EST
Talaado, Janaayo, 08, 2019 (HOL)- Wareega labaad ee doorashada madaxweynaha Puntland ayaa goor dhow la soo gabagabeeyay,iyadoo guddiga doorashada uu shaaciyay natiijada wareega.

1/8/2019 3:03 AM EST
Talaado, Janaayo, 08, 2019 (HOL)- Wareega koowaad ee doorashada madaxweynaha Puntland ayaa goor dhow la soo gabagabeeyay,iyadoo guddiga doorashada uu shaaciyay natiijada.

1/8/2019 2:18 AM EST
Talaado, Janaayo, 08, 2019 (HOL)- Waxaa si rasmi ah u billaabmay doorashada madaxweynaha Puntland, xildhibaanada ayaa hadda billaabay inay u codeeyaan musharraxiinta u taagan xilka madaxweyne.

1/8/2019 2:15 AM EST
Talaado, Janaayo, 08, 2019 (HOL)-Madaxweyne Muuse Biixi oo uu wehelinaayey Madaxweyne ku xigeenka Somaliland Mudane Cabdiraxmaan Cabdilaahi Ismaaciil (Saylici) ayaa madaxtooyada ku casuumay salaadiinta, Cuqaasha, waxgaradka, haldoorka iyo siyaasiyiinta beelaha Garxajis oo gobolada ka kala yimid.

1/8/2019 12:27 AM EST
Talaado, Janaayo, 08, 2019 (HOL)- Madaxweynaha Bangiga Adduunka Jim Yong Kim ayaa si lama filaan ah ugu dhawaaqay in uu xilkaasi iska casilayo kadib markii uu jagadaasi hayay muddo lix sanadood ah.

1/8/2019 12:17 AM EST
Talaado, Janaayo, 08, 2019 (HOL)- Maanta oo Talaado ah 08 bishan Janaayo ayaa lagu wadaa in magaalada Garoowe lagu qabto doorashada madaxweynaha iyo ku-xigeenkiisa dowlad gobolleedka Puntland hoggaamin doona shanta sano ee soo socta.