Isniin, Janaayo, 07, 2019 (HOL)- Guddida beelaha
galbeedka Burco (Garxajis) ayaa xukuumadda madaxweyne Muuse Biixi ku eedeeyey
inay farogalin ku hayso beeshooda, isla markaana dad ay soo xulatay uu ku
casuumayo xafiiskiisa.
Odayaashan ayaa sheegay inay xukuumaddu ku
fashilantay hawlihii loo igmaday,isla markaana dad aan magaca beeshood
ku hadli Karin doonayso inay la kulanto.
“Madaxweynuhu wuxuu yidhi safarkii aan bariga ugu
baxay garxajis ha ii yimaadaan waan uga mahad naqayaaaye, waa arrin
nasiib daro ah waayo safarkii uu bariga ku tagay Somaliland oo dhan baa soo
wada dhoweysay sababta uu garxajis oo kaliya usoo qaadanayo timir laf baa ku
jirta oo ujeedo kale ayuu la leeyahay”ayuu yidhi Suldaan Gudcadde.
“Garxajis wuu shiray oo sideed qodob buu
soo saaaray maalin kama jawaabin inaad sideedaasi qodob ka jawaabtid oo aad
fulisa laga sugayaa wax ka hooseeya lagaama sugayo”ayuu yidhi raaciyey
Suldaanku.
Odayaashani waxay ku dhaliileen xukuumada in
aanay mudada sanadka ah waxba qaban,isla markaaana hadii ay wax ka qaban waydo
dhaliilaha jira ay gobolada oo dhan wada mari doonaan si wax garadka gobolada
ula kulmaan.
Barkhad-ladiif M. Cumar, Hiiraan Online
[email protected]
Hargeysa, Somaliland.