Khamiis, Janaayo, 03, 2019 (HOL)-
Xafladdan oo ahayd Mid uu Xilka kula
Wareegayey Wasiirka cusub ee Wasaaradda Howlaha Guud, Dib u dhiska &
Guriyeynta Xukuumadda Soomaaliya Mudane Cabdi Aadan Hoosoow ayaa Maanta lagu
Qabtay Xarunta Wasaradda ee Magaaladda Muqdisho.
Waxaa ka soo qeybgalay Reysalwasare
ku xigeenka Xukuumadda Soomaaliya Mahdi Maxamed Guuleed Khadar, Wasiiru Dowlaha
Xafiiska Reysalwasaaraha Xukuumadda Soomaaliya Cabdullaahi Xaamud, Wasiirkii
hore ee Wasaaradda Cabdifataax Maxamed Ibraahim (Geesey), Wasiirka Cusub Cabdi
Aadan Hoosow, Wasiir ku xigeenka Wasraadda Jamaal Xasan Maxamed, Agaasimaha
Guud ee Wasaaradda, Agaasime Waaxeedyada iyo Shaqaalaha Wasaaradda.
Wasiirkii hore ee Wasaradda Mudane
Cabdifataax Maxamed Ibraahim Geesey ayaa ugu horeyn hadalka qaatay wuxuuna ka
hadlay Waxyaabihii u qabsoomay Mudadii uu xilka Hayay oo ay ka mid ahaayeen
Heshiisyo uu lagalay Hay’addo Caalami ah & Dowladaha Saaxiibka la ah
Soomaliya.
Wasiirka Cusub ee Wasaradda Mudane
Cabdi Aadan Hoosoow ayaa ka sakow Mahad Celinta dhammaanta Xubnaha ka soo
qeybgalay Xafladda Waxa uu sheegay in uu la imaan doono hufnaan Cadaalad iyo
howlkarnimo dhinaca shaqada ah halkaana uu kasii wadi doono hawlaha horyaalla
Wasaaradda, Waxa uuna uga mahadceliyey Madaxwaynaha & Ra'isal Wasaaraha XFS
Doorashada ay u doorteen Qabashada Xilkan.
Ra’iisal Wasaare ku xigeenka
Xukuumadda Soomaaliya Mahdi Maxamed Guuleed (Khadar) oo xilka u kala wareejiyey
Wasiirkii hore & Wasiirka Cusub ayaa Amaanay Shaqadii uusooqabtay Wasiirkii
hore, Wasiirka Cusub ee Wasaaradda ayuu kula dardaarmay inuu layimaado dar dar
gelinta howlaha shaqo ee Wasaaradda.
C/raxmaan Diini, Hiiraan
Online
[email protected]
