3/28/2024
Today from Hiiraan Online:  _
Wararka Maanta- Khamiis, Jan 3 , 2019
Golaha Amaanka Qaramada Midoobey oo kulan ka yeelanaya eryiddii Nicholas Haysom

 

Khamiis, Janaayo, 03, 2019 (HOL)-Golaha ammaanka ee Qaramada Midoobey ayaa maanta gelinka dambe ka dooday xaaladaha dalka Soomaaliya kaddib markii dowladda Soomaaliya ay wakiilka gaarka ah ee xoghayaha guud ee Qaramada Midoobey ay ka eriday dalka.

Dowladda Soomaaliya waxay ku adkeysatay in Nicolas Haysom aanan laga rabin dalka isla markaasna uusan kasii shaqeyn doonin Soomaaliya.

Ku-xigeenka Afahayeenka Qaramada Midoobey, Farhan Haq ayaa sheegay in Qaramada Midoobey ay baaritanno ku sameyneyso waxaa dhaliyay go’aanka dowladda Soomaaliya ay ku eriday Nicholas Haysom.

"Waxaan la soconnaa xaaladda, waxaan isku dayeynaa in aan sharraxaad ka bixinno caddeymaha,waxaan arki doonaa tallaabada xigta" ayuu yiri Farhan Haq.

Wuxuu walaac ka muujiyay habka loo maray in wakiilka gaarka ee xoghayaha guud ee Qaramada Midoobey laga ceeyriyo dalka Soomaaliya.

Qaramada Midoobey ayaa saacadaha nagu soo aadan lagu wadaa inay bayaan kasoo saarto dhacdada kaddib marka ay soo gabgabeeyaan baaritannada la xiriiro in Haysom aanan loo ogolaan inuu kasii shaqeeyo Soomaaliya.

Dadka badan oo la socda arrimaha xiriirka caalamiga ah ayaa sheegay in dowladda Soomaaliya aysan u marin hab Diblomaasiyadeed eryaddii wakiilka Qaramada,  loona baahnaa halkii ay qoraalkan soo saari laheyd xiriirro kale la sameyso dhacyada uu arrinkan quseeyo.

Muranka Diblomaasiyadeed ayaa soo ifbaxay kaddib markii warqad toos ah oo uu wakiilka Qaramada Midoobey u qoray Wasaarradda Arrimaha Gudaha ka dalbaday in ay faah faahin ka bixiso wax-yaabihii ka dhacay magaalada Baydhabo, hase ahaatee taa badalkeed dowladda Soomaaliya ayaa qoraal ay soo saartay ku sheegtay in Nicholas Haysom looga baahneyn Soomaaliya sidaa daraadeed isaga tago.

C/raxmaan Diini, Hiiraan Online
[email protected]

 

 














Click here
1/3/2019 2:14 PM EST
Khamiis, Janaayo, 03, 2019 (HOL)- Taliska ciidamada Mareykanka ee Africom ayaa sheegay in sanadkan bilowga ah ee 2019ka duqeyntoodii ugu horeysay gudaha dalka Soomaaliya ka fuliyeen gobolka Baay.

1/3/2019 12:52 PM EST
Khamiis, Janaayo, 03, 2019 (HOL)- Qoraal uu ku saxiixan yahay guddoomiyaha Aqalka sare ee Baarlamaanka Soomaaliya Cabdi Xaanshi Cabdullaahi ayaa lagu sheegay in gabi ahaanba joojiyeen wadashaqeyntii ay la lahaayeen Golaha Shacabka.

1/3/2019 11:35 AM EST
Khamiis, Janaayo, 03, 2019 (HOL)- Dacwad-oogayaasha Sacuudiga ayaa dil toogasho u dalban doono shan nin oo ku eedeysan dilka weriye Jamaal Khaashuqji, waxaa sidaas maanta werisay wakaaladda wararka dalkaas, ayada oo maanta ay maxkamad billowday dhageysiga dacwadaha 11 eedeysane.

1/3/2019 10:57 AM EST
Khamiis, Janaayo, 03, 2019 (HOL)- Xafladdan oo ahayd Mid uu Xilka kula Wareegayey Wasiirka Cusub ee Wasaaradda Howlaha Guud, Dib u dhiska & Guriyeynta Xukuumadda Soomaaliya Mudane Cabdi Aadan Hoosoow ayaa Maanta lagu Qabtay Xarunta Wasaradda ee Magaaladda Muqdisho.

1/3/2019 6:53 AM EST
Khamiis, Janaayo, 03, 2019 (HOL)- Shir u dhaxeeyay musharrixiinta madaxweynaha, madaxweyne ku-xigeenka iyo Isimadda dhaqanka Puntland ayaa ku soo gabagaboobay magaalada Garoowe, kulanka oo ka dhacay guriga Islaan Ciise Islaan Maxamed ayaa waxaa looga hadlay arrimaha doorashada Puntland iyo go'aamo dhawaan uu soo saaray guddiga Amniga doorashada Puntland.

1/3/2019 6:51 AM EST
Khamiis, Janaayo, 03, 2019 (HOL)-Ciidamada Booliiska dowladda federaalka ayaa fashilayay Qarax la dhiggay meel aan ka fogeyn saldhigga Booliiska Beledweyne.

1/3/2019 3:39 AM EST
Khamiis, Janaayo, 03, 2019 (HOL)-Ururka Al-shabaab ayaa sheegay in ay isku soo dhibeen tiradii ugu badneyd ciidamo ka tirsan dowladda Soomaaliya

1/3/2019 1:20 AM EST
Khamiis, Janaayo, 03, 2019 (HOL)- Maanta ayaa lagu wadaa in si rasmi ah xilka loogu dhaariyo Ilhan Cumar oo ah Gabar Soomaaliyeed oo dhawaan ka mid noqotay Aqalka Koongaraaska ee dalka Mareykanka.

1/3/2019 12:56 AM EST
Khamiis, Janaayo, 03, 2019 (HOL)- Sahra Maxamed Khalif oo ah gabar Soomaaliyeed 21 jir ah ayaa si rasmi ah uga mid noqoneysa xubnaha Golaha deegaanka magaalada Leuven ee dalka Belgium kadib markii loo dhaariyay xilkan.

1/3/2019 12:33 AM EST
Khamiis, Janaayo, 03, 2019 (HOL)-Farhan Haq oo ah ku-xigeenka afhayeenka Qaramada Midoobey ayaa sheegay in ay si qota dheer ay u baarayaan sababihii keenay in dowladda Soomaaliya shaqada ka joojiso wakiilkii xoghayaha guud ee QM Nicholas Haysom.