3/19/2019
Today from Hiiraan Online:  _
Wararka Maanta- Sabti, Jan 26, 2019
Xildhibaan Feysal oo ka digay sharciga cusub ee wadista gawaarida gobolka Ontario ee dalka Kanada


Sabti, Janaayo 26, 2019 (HOL) - Xildhibaan Feysal Xasan oo ka mid ah mudanayaasha Baarlamaanka Gobolka Ontario  lagana soo doorto xaafadda York South—Weston ee magaalada Toronto  ayaa Soomaalida ku nool gobolka uga digay sharciga cusub ee ku saabsan wadista gawaarida oo dhaqan galay bilowgii bishan Jan. 2019.

Sharcigaan ayaa watta ganaax xoogan oo sababi kara in aad dhumiso shatiga (Driver Lincese) aad ku waddo baabuurkaaga oo waliba kor u qaadi kara qiimaha aad ku ceymisato gaarigaaga.

Qodobada ugu muhiimsan ee sharicigan ayaa waxaa ka mid ah:

1-    Ganaaxa ku hadal iyo fariin diriridda telefoonka waa $1000 marka ugu horeysa ee lagugu qabto, waxaana intaa wehliya seddex beri oo aadan baabuurkaaga wadi karin, isla markaasna seddex dhibcood laga jarayo sharcigay wadista (Driver License) baabuurka

2-    Mar labaad haddii lagugu qabto, ganaaxu wuxuu gaarayaa $2000, Todobo (7) beri oo aadan baabuurkaaga wadi karin iyo lix dhibcood oo hoos loo dhigayo sharciga wadidda (Driver License) baabuurka.

3-    Shan sanno gudaheed, haddii lagugu qabto dambiyada kor ku xusan, waxaa lagugu ganaaxidoonaa lacag dhan $3000, Soddon (30) beri oo aadan baabuurka wadi karin iyo lix (6) dhibcood oo hoos loo dhigayo sharciga baabuurka. Waliba waxaa intaa kuu dheer in uu caymiska gaarigaaga uu kor-u-kacayo


Xildhibaan Feysal ayaa ku adkeeyey jaaliyadda Soomaaliyeed ee ku nool gobolka Ontario in ay si taxadir leh u wataan garwaaridooda si ay uga nabad-galaan ganaaxa sharcigaan cusub oo ka dhaqan-galay gobolka Ontario.

Mahad Carabow, Hiiraan Online
Toronto, Kanada
[email protected]







Click here
1/26/2019 5:37 PM EST
Sabti, Janaayo, 26, 2019 (HOL)- Munaasabadda lagu caleema saarayo madaxweynaha Puntland, Siciid Cabdullaahi Deni iyo ku xigeenkiisa Axmed Cilmi Cismaan Karaash,ayaa hadda ku soo gabagabwday magaalada Garoowe.

1/26/2019 1:55 PM EST
Sabti, Janaayo, 26, 2019 (HOL)- Xafladda caleema-saarka madaxweynaha Puntland, Siciid Cabdullaahi Deni iyo ku-xigeenkiisa Axmed Cilmi Cismaan Karaash , ayaa goor dhow si rasmi ah uga billaabatay hool weyn oo ku dhex yeella xarunta madaxtooyadda Puntland ee duleedka magaalada Garoowe.

1/26/2019 1:03 PM EST
Sabti, Janaayo, 26, 2019 (HOL)- Siyaasiga Cabdiraxmaan Cabdishakuur Warsame ayaanan wax hadal ah ka jeedin doonin xafladda ka socota xarunta madaxtooyadda Puntland ee magaalada Garoowe oo lagu caleema-saarayo madaxweynaha cusub ee Puntland iyo ku-xigeenkiisa.

1/26/2019 11:32 AM EST
Sabti, Janaayo, 26, 2019 (HOL)- Madaxweynaha Puntland, Siciid Cabdullaahi Deni ayaa ku soo dhaweeyay Garoowe wafdi ka socda Kenya oo u hoggaaminayo guddoomiyaha degmada Gaarisa iyo Xildhibaan Yuusuf Xaaji oo ka mid ah Baarlamaanka Kenya.

1/26/2019 10:38 AM EST
Sabti, Janaayo, 26, 2019 (HOL)- Madaxweynaha dowladda federaalka ah ee Soomaaliya, Maxamed Cabdullaahi Farmaajo iyo wafdi uu hoggaaminayo ayaa gaaray magaalada Garoowe ee caasimadda Dowladda Goboleedka Puntland.

1/26/2019 9:32 AM EST
Sabti, Janaayo, 26, 2019 (HOL)-Ra’iisal wasaaraha xukuumadda Itoobiya Abiy Ahmed oo maalmihii ugu danbeeyayba ku howlanaa xalinta khilaafka dowlad deegaanka Soomaalida Itoobiya ayaa bartiisa Twitter –ka soo dhigay qoraal kooban uu kaga hadlayo in la xaliyay khilaafkii waayadii ugu danbeeyayba ka taagnaa dowlad deegaanka.

1/26/2019 5:10 AM EST
Sabti, Janaayo, 26, 2019 (HOL) – Madaxweynaha dowladda federaalka ah ee Soomaaliya, Maxamed Cabdullaahi Farmaajo ayaa goor dhow soo gaaray magaalada Garoowe ee xarunta Puntland.

1/26/2019 4:25 AM EST
Sabti, Janaayo, 26, 2019 (HOL) – Madaxweynihii hore ee dowladdii kumeelgaarka ahayd ee Soomaaliya,Shariif Sheekh Axmed oo ka soo kicitimay magaalada Nairobi ayaa goor dhow soo gaaray magaalada Garoowe ee xarunta Puntland.

1/26/2019 1:05 AM EST
Sabti, Janaayo, 26, 2019 (HOL) – Madaxweynaha Soomaaliya, Maxamed Cabdullaahi Farmaajo iyo wafdi uu hoggaaminayo ayaa saacadaha soo socda ku wajahan magaalada Garoowe ee xarunta Puntland.

1/26/2019 12:41 AM EST
Sabti, Janaayo, 26, 2019 (HOL) – Madaxweynihii hore ee Soomaaliya, Shariif Sheekh Axmed oo goor dhow ka soo ambabaxay magaalada Nairobi ee xarunta dalka Kenya ayaa ku sii jeedda Garoowe.

1/26/2019 12:33 AM EST
Sabti, Janaayo, 26, 2019 (HOL) – Dowladda Itoobiya ayaa waddooyinka waa weyn ee caasimadda Addis Ababa ka mamnuuceysa in qaxootiga Suuriyaanka ay ku dawarsadaan ,iyadoo la diyaariyay ciidan dhaqan geliya qorshahaa, sida laga soo xigtay madaxa qaxootiga dalka Itoobiya, Yemane Gebremeskel.

1/26/2019 12:12 AM EST
Sabti, Janaayo, 26, 2019 (HOL) – Madaxweynaha dalka Marekanka ,Donald Trump ayaa saxiixay heshiis oggaalanaya in dib loo furo shaqadii dowladda Marekanka oo muddo hakad ku jirtay.

1/26/2019 12:04 AM EST
Sabti, Janaayo, 26, 2019 (HOL) – Magaalada Garoowe, waxaa ka socota qaban qaabada u dambeysay ee xaflad lagu caleemo-saarayo madaxweynaha Puntland, Siciid Cabdullaahi Deni oo Baarlamaanku ay doorteen siddeedii bishan Jannaayo iyo ku-xigeenkiisa Axmed Cilmi Cismaan Karaash.