Arbaco, Janaayo, 23, 2019 (HOL)-Maxkamadda gobolka Banaadir ayaa amaratay in xabsiga dhexe ee Xamar lagu sii hayo Antony Thomas oo ah 48 sano jir u dhashay Boqortooyada Ingiriiska.
Antony Thomas ayaa Maxkamadda Gobolka Banaadir sida ay sheegay waxaa loo heystaa isku day Qatar gelinta degenaanta guud iyo ku guul dareysiga sheegitaanka wax-yaabaha Qarxa, kuna eedeysan Qodobada 332-531 ee xeerka ciqaabta Soomaaliyeed.
Ciidamada Ammaanka ayaa Sabtidii lasoo dhaafay oo Taariikhdu ay aheyd 19-kii bishaan waxay ay garoonka diyaaradaha Aadan Cadde ee magaaladda Muqdisho waxaa ay ka qabteen Antony Thomas, islamarkaana loo gudbiyey qeybta dambi baarista ee CID.
C/raxmaan Diini, Hiiraan Online [email protected]