3/29/2024
Today from Hiiraan Online:  _
Wararka Maanta- Talaado, Jan 22, 2019
Guddoomiye Mursal oo ballanqaaday in la sii deynayo Mukhtaar Rooboow

 

Talaado, Janaayo, 22, 2019 (HOL) – Odayaasha dhaqanka iyo Waxgaradka deegaannada Koonfur Galbeed ayaa wali si is daba joog u dalbanaya in sida ugu dhaqsiyaha badan loo sii daayo Mukhtaar Rooboow Abuu-Mansuur oo ku jira gacanta dowladda.

Kulamo magaalada Baydhabo odayaasha dhaqanka ay kula yeesheen madaxda ugu sareysa dalka sida madaxweynaha Soomaaliya Maxamed Cabdullaahi Farmaajo iyo guddoomiyaha Golaha Shacabka Maxamed Mursal Sheekh Cabdiraxmaan oo uu wehliyo madaxweynaha maamulka Koonfur Galbeed Cabdicasiis Lafta-Gareen, ayeey ku dalbadeen odayaashu in dib xoriyadiisa loo siiyo Mukhtaar Rooboow oo la xiray horaantii bishii December, ee sanadkii tagay.

Guddoomiyaha Golaha Shacabka Maxamed Mursal Sheekh Cabdiraxmaan oo magaalada Baydhabo kula hadlayay Odayaasha Koonfur Galbeed ayaa sheegay in uu balanqaadayo sii deynta Mukhtaar Rooboow sida ugu dhaqsiyaha badan.

‘’Anniga iyo madaxweynaha Koonfur Galbeed oo iskaashaneyna waxaan balanqaadayaa in aan sida ugu dhaqsiyaha badan uga sii deyn doono gacanta dowladda Mukhtaar Rooboow, haddii ay taa dhici weydo ma jirto sabab aan xilka ama kuraasta ugu sii fadhinno ayuu yiri;’’ guddoomiye Mursal.

Guddoomiye Mursal ayaa intaa ku daray in madaxweynaha iyo ra’iisal wasaaraha intaba ka wada hadlleen arintan, islamarkaana uu rajo wanaagsan ka qabo sii deynta Mukhtaar Rooboow.

Dowladda Soomaaliya ayaa hadda u muuqata in ay ku dadaaleyso sidii loo afjari lahaa khilaafkii ka dhashay qabashadii Mukhtaar Rooboow xiliggii olalaha doorashada iyo waliba khasaarihii ka dhashay dibadbaxyadii ka dhacay magaalada oo ay dad ku dhinteen.

C/raxmaan Diini, Hiiraan Online
[email protected]

 

 













Click here
1/22/2019 3:28 PM EST
Talaado, Janaayo, 22, 2019 (HOL) – Shirweynahaan Qaran ee isdhaxgalka ganacsiga oo u dhaxeeya ganacsatada Dalalka Soomaaliya iyo Finland ayaa daba socday mid kan ka horeeyay, kaasi oo lagu qabtay magaalada Helsinki ee dalka Finland, waxaana hogaaminayey Wasaaradda Ganacsiga iyo warshadaha XFS oo ay wehlinayeen Wasaaraddaha Qorsheynta iyo Maaliyadda.

1/22/2019 3:19 PM EST
Talaado, Janaayo, 22, 2019 (HOL) – Jaamacadda SIMAD ayaa daahfurtay Dr. Sumait Hospital oo ah isbitaal casri ah looguna talagalay in uu Umadda Soomaaliyeed ka haqab tiro adeegyada caafimaadka ee ay u baahanyihiin, sidoo kalena uu ardayda Jaamacadda SIMAD gaar ahaan ardayda Kulliyadda Caafimaadka u noqdo xarun sare u qaada cilmiga caafimaadka oo ay jaamacadda ka bartaan.

1/22/2019 12:27 PM EST
Talaado, Janaayo, 22, 2019 (HOL)-Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa warqadaha aqoonsiga ka guddoomay Danjireyaasha cusub ee ay dalalka Masar iyo Indonesia usoo magacaabeen Soomaaliya

1/22/2019 10:18 AM EST
Talaado, Janaayo, 22, 2019 (HOL) – Madaxweynaha dowlad goboleedka Hirshabelle Maxamed Cabdi Waare ayaa isku shaandheyn ku sameeyay golihiisa wasiirada waxaana hadda ka socda xarunta madaxtooyada Hirshabelle ku dhowaaqista golaha cusub ee Wasiirada.

1/22/2019 8:46 AM EST
Talaado, Janaayo, 22, 2019 (HOL)- Madaxweynaha Puntland, Siciid Cabdullaahi Deni ayaa maanta horgeeyey Golaha Wakiillada Puntland codsi muddo kororsi ah oo ku saabsan magacaabidda Golaha Xukuumadda Puntland, muddada uu Madaxweynuhu ka codsaday Golaha Wakiillada Puntland ayaa dhammayd 14 cisho.

1/22/2019 6:42 AM EST
Talaado, Janaayo, 22, 2019 (HOL)-Wasaaradda Boostada, Isgaarsiinta & Teknolojiyada ayaa cambaareysay burburinta soo noqnoqotay ee loo geysanayo xarumaha shirkadaha isgaarsiinta dalka Soomaaliya, gaar ahaan xuduudda nagala dhexeysa dalka Kenya

1/22/2019 6:36 AM EST
Talaado, Janaayo, 22, 2019 (HOL)-Madaxweyne Muuse Biixi ayaa xafiiskiisa ku qaabiley wakiilka cusub ee Itoobiya u joogi doonna Somaliland Amb:Shamsudiin Axmed Rooble.

1/22/2019 5:59 AM EST
Talaado, Janaayo, 22, 2019 (HOL)- Faah faahin dheeraad ah ayaa ka soo baxaya Qarax khasaare sababay oo goor dhaw ka dhacay magaalada Muqdisho.

1/22/2019 4:57 AM EST
Talaado, Janaayo, 22, 2019 (HOL)-Saraakiisha ciidamada dowladda Soomaaliya ayaa sheegay in howlgal ka sameeyeen gobolka Bakool lagu soo xiray saddex ruux oo ka tirsan saraakiisha qeybta Amniyaadka Ururka Al-shabaab.

1/22/2019 1:18 AM EST
Mu’tamarka sanadlaha ah ee sanad walba uu qabto Madina Islamic Center ayaa usbuucaan ka dhacay magaaladan Salt-Lake City, ee gaobolka Utah. Kulankan ayaa lagu maamuusay soo dhawente Sh. Mohamed Abduba Dida oo laba jeer u tartamay xilka madaxweynaha ee dalka Kenya kana gaaray heer sare.

1/22/2019 12:45 AM EST
Talaado, Janaayo, 22, 2019 (HOL) –Wararka naga soo gaaraya magaalada Jowhar ee xarunta dowlad gobolleedka Hirshabeelle ayaa sheegaya in howlgal xalay halkaa ka sameeyeen ciidamada Amaanka lagu soo qab qabtay ganacsato ku eedeysan in ay taageeraan Al-shabaab.

1/22/2019 12:32 AM EST
Talaado, Janaayo, 22, 2019 (HOL)–Wasiirka Wasaarradda Ganacsiga xukuumadda Soomaaliya Maxamed Cabdi Xayir Maareeye ayaa sheegay in inta badan ganacsatada Soomaaliyeed lacago sida uu hadalka u dhigay naftooda ku furanayaan siiyaan Ururka Al-shabaab