3/28/2024
Today from Hiiraan Online:  _
Wararka Maanta- Khamiis, Jan 17, 2019
Itoobiya oo sheegtay in ay la dagaallameyso Qaswadayaal hubeysan

 

Khamiis, Janaayo, 17, 2019 (HOL)-Dowladda Itoobiya ayaa Arbacadii Shalay ahayd sheegtay in ay dagaal kula jirto kooxo Hubeysan oo ay ku tilmaantay cadaw lid ku ah ammaanka, kuwaas oo qalalaasa ka wada Galbeedka Gobolka Oromiya.

Dowladda ayaa meesha ka saartay eedeymo kaga yimid mid ka mid ah  shanta garab ee Jabhadda OLF, iyagoo xukuumadda ku eedeeyay inay u  adeegsatay diyaarado dagaal oo duqeyn ka geystay degaannadooda.

Af-hayeen u hadashay Dowladda Itoobiya oo lagu magacaabo, Billene  Aster Seyoum, ayaa waxba kama jiraan ku tilmaantay hadalka Saraakiisha  OLF, waxaa ayna sheegtay in ay dowladdu ma’uul ka tahay  ilaalinta nabad  gelyada iyo sugidda amniga Dalka.

Aster Billene, ayaa sheegay in weerarku uu ka dhacay Gobolka Kelem  Wollega , halkaas oo ay saldhigyo ku leeyihiin tababarna ku qaataan  Jabhadda OLF, waxayna Gaashaanka ku dhufatay wararka sheegaya in ay  jiranaan weerarro xagga hawada ah, balse diyaaradaha qumaatiga u kaca ay  u adeegsadeen in ay ku daabulaan ciidamada ka qayb galaya soo celinta  xasilloonida Gobolkaasi.

Waxey ku eeedeysay kooxdan in ay in ay geystaan kufsi, boob  iyo Jid gooyooyin baahsan, taas oo keentay in ay dadani ka bara  kacaan gobolka Oromiya iyo degaannada ku dhow, waxaa ay ugu baaqday in ay  Hubka dhigaan Dowladdana la furaan wada hadal.

Tan iyo intii uu xafiiska la wareegay ra’iisul wasaare Abiy Axmed,  waxaa ay dowladdiisu dagaal kula jirtay Kooxo Hubeysan oo qayb ka ah  Jabhadda OLF oo kaashanaya qas wadayaal abaabulan, kuwaas oo diidaday in  ay debka dhigaan, dowladdana la furaan heshiis iyo wada hadal. 

C/raxmaan Diini, Hiiraan Online
[email protected]

 

 

 













Click here
1/17/2019 12:35 PM EST
Khamiis, Janaayo, 17, 2019 (HOL) – Madaxweynaha dowladda Soomaaliya Maxamed Cabdullaahi Farmaajo oo kulamo wadatashi ah kula qaatay magaalada Baydhabo Odayaasha iyo duubabka dhaqanka Koonfur Galbeed ayaa ku ammaanay kaalinta ay ka gaysanayaan taabbo gelinta hawlaha nabadeynta iyo dib u heshiisiinta bulshada degaannadaasi.

1/17/2019 12:24 PM EST
Khamiis, Janaayo, 17, 2019 (HOL) – Munaasabad lagu soo bandhigayey liisamada wadida gaadiidka ayaa lagu qabtay wasaaradda Gaadiidka iyo Jidadaka xarunteeda Laascaanood xarunta gobolka Sool.

1/17/2019 11:48 AM EST
Khamiis, Janaayo, 17, 2019 (HOL) –Faah faahinno dheeraad ah ayaa ka soo baxay dab weyn oo goor dhaw qabsadya kaalin shidaal oo ku taala Isgoyska Banaadir meel aan sidaa uga fogeyn xarunta Wasaarradda arrimha dibedda Soomaaliya.

1/17/2019 11:37 AM EST
Khamiis, Janaayo, 17, 2019 (HOL) -Hanti dhawraha qaranka ee Somaliland ayaa baadhitaan maaliyadeed ka bilaabay dawlada hoose ee Hargeysa, waxaanay xidheen xafiisyadii maaliyada si ay u baadheen.

1/17/2019 6:20 AM EST
Khamiis, Janaayo, 17, 2019 (HOL)-Wafddi uu hoggaaminayo wasiirka amniga Xukuumadda Soomaaliya mudane Maxamed Abuukar Isloow Ducaale oo ku sugan magaalada Ankara ee caasimadda dalka Turkiga ayaa la kulmay wasiirka arrimaha gudaha dalkaasi Suleyman Soylu iyagoo ka wada hadlay arrimo badan oo ku saabsan xiriirka labada dhinaca.

1/17/2019 3:39 AM EST
Khamiis, Janaayo, 17, 2019 (HOL)-Dable Xoogga Dalka Maxamed Cabdiraxmaan Ibraahim ayaa loo heystaa dilka Marxuum Ex, Alifle Boliis Salaad Xasan Maxamed dilkaas oo ka dhacay Ex, Kontorool Afgooye 06-bishii 10-aad ee sanadii tagtay.

1/17/2019 3:21 AM EST
Khamiis, Janaayo, 17, 2019 (HOL)-Dowladda Qatar ayaa ku wareejisay dowladda Soomaaliya tiradii ugu badneyd gaadiidka dagaalka oo ay isticmaalaan ciidamada militariga.

1/17/2019 3:11 AM EST
Khamiis, Janaayo, 17, 2019 (HOL)-Dowladda Soomaaliya ayaa sheegtay in ay xoojineyso wada shaqeynta kala dhaxeysa maamul gobolleedyada dalka oo bilihii ugu danbeeyayba uu ka dhaxeeyay khilaaf siyaasadeed.

1/17/2019 12:44 AM EST
Khamiis Janaayo, 17, 2019 (HOL)-Mulkiilaha Afro Deli Cabdiraxmaan Ciise Kaahin ayaa shalay oo ahayd Arbaco sheegay in ay siin doonaan Qado bilaash ah shaqaalaha u shaqeeya dawladda federaalka oo hakad ku yimi shaqadoodii & mushahaaraadkoodii dawladda dhexe ayna shaqaalahani helaynin wax lacag ah mudadaan.

1/17/2019 12:36 AM EST
Khamiis, Janaayo, 17, 2019 (HOL)-War qoraal ah oo ka soo baxay Ururka Al-shabaab oo looga hadlay weerarkii galabnimadii Tallaadada ay ka geysteen magaalada Nairobi ayaa lagu sheegay in uu ahaa mid jawaab looga dhigay waxa ay ku tilmaantay "hadalka aan xikmadda ku dhisnayn" ee Madaxweynaha Maraykanka Donald Trump uu magaalada Al-Quds ugu aqoonsaday inay tahay caasimadda Israel.