Ganacsade Soomaaliya ee Minnesota dagan oo u balanqaaday shaqaaalaha Dowlada Maraykanka qado Bilaasha intay hakadka ku jiraan
Khamiis Janaayo,
17, 2019 (HOL)-Mulkiilaha
Afro Deli
Cabdiraxmaan Ciise Kaahin ayaa shalay oo ahayd Arbaco sheegay in ay siin doonaan Qado bilaash ah
shaqaalaha u shaqeeya dawladda federaalka oo hakad ku yimi shaqadoodii &
mushahaaraadkoodii dawladda dhexe ayna shaqaalahani helaynin wax lacag ah
mudadaan.
Howlaha dowladda
dhexe Mareykanka ayaa xiran 26 cisho ee la soo dhaafay, lama Ogaan karo
xiliga ay dib u furmayso hawlaha dowlada oo ay Trump iyo Xisbiga Dumiriqaadigu isku haystaan lacagtiilagu dhisi lahaa darbi wayn oo dhaxeeya Mexico & Maraykanka.
Mulkiilaha ganacsiga Afro Deli Cabdiraxmaan
Ciise Kaahin yiri, “Waa wax aan caddaalad ahayn, shaqaalahan aan taageeraynana
waa xubno ka tirsan bulshadda Minnesota, xaaalada ay ku sugan yihiina
ee mushahar la’aanta iyo shaqada dowladda ee xiran waa arrin laga xumaado oo
nasiib daro ah,”
Cabdiraxmaan
Kaahin ayaa sheegay inaan doonayaan inay caawiyaan walaahaa dhibtu ku dhacday
oo laga yaabo inaysan aawoodin in haystaan wax ay qado ku iibsan karaan,
waxayna naga tahay naxariis iyo wanaag aan u hayno dadkeena Minnesota ayuu yiri
Sidoo kale
ganacsade Abdirahman Kahin ayaa yiri, “Waxaan dooneynaa in ay shaqaalaha
dowladu ay ogaadaan in aan taageerayno oo aan hiil iyo hooba la garab
taaganahay.”
Haddaba
maamulka Makhaayadda Afro Deli ayaa sheegay oo si rasmi ah barta ay ku
leeyihiin Twitter-ka ku shaaciyay in laga bilaabo shalay oo ah Arbaco ay bixin
doonaan qado siina doonaan shaqaalahaa.
Shalay waxaa
markuu uu shaaciyey waxaa yimi tiro dhowr& toban qof , waxaase la filayaa
buu yiri in maanta oo khamiis ah ay ka sii badan doonaan.
Siyad Said
Salah
Hiiraan Online
Siyad@hiiraan
.com
Minneapolis MN