Guddidii loo magacaabay ka soo tallobixinta mudada la kordhinayo oo la kulmay saddexda xisbi ee Somaliland
Arbaco, Janaayo, 16, 2019 (HOL)- Guddidii Guurtidda
ee loo xilsaaray inay ka soo taliyaan muddo kordhinta loo samaynayo golaha
Wakiilada ayaa maanta la kulmay saddexda xisbi qaran, kuwaas oo wax ka
waydiiyey siday u arkaan mudadda la kordhin karo.
Kulamadan ayaan loo ogolayn warbaahinta,
haseyeeshee markii ay ka soo baxeen xisbiyadu ayaa gaar gaar uga hadlay
kulankoodu wuxuu daarnaa, waxaanay sheegeen inay guurtiddu tallo ku saabsan
muddada ku haboon in la kordhiyo waydiinayeen asxaabta, waxaanay u sheegeen in
aan sanadkan la dhaafin.
Saddexda xisbi qaran ayaa ka midaysan in aanay
doorashaddu dib uga dhicin sanadkan 2019-ka,haseyeeshee xisbiga WADANI ayaa
isagu doonayo in la kala diro Komishanka doorashooyinka, halka labadda xisbi ee
kalana ka soo horjeedaan in la kala diro.
Guddida loo xil saaray inay ka soo tallo bixiyaan
mudadda ku haboon in la kordhiyo ayaa wadda qiimeynta mudadda doorasho lagu
qaban karo, waxaana warbixintii ay soo diyaariyeen u jeedin doonaan xildhibaanada
golaha oo isku dhan.
Dhinaca kale, madaxweynuhu waxa uu usoo gudbiyey
guurtidda in loo kordhiyo golaha Wakiilada, haseyeeshee waxa uu ka reebay
golaha deegaankaasi, taas oo loo malaynayo inuu doonayo in uu kala diro dhamaan
goleyaasha deegaanada dalka.
Barkhad-ladiif
M. Cumar, Hiiraan Online
[email protected]
Hargeysa,
Somaliland.
