1/16/2019
Today from Hiiraan Online:  _
Wararka Maanta- Isniin, Jan 14, 2019
Xildhibaan Sakariye : Ninka ajnabiga ah ee Bankiga dhexe loo dhiibayo Xukuumadda waxaan ka rabnaa kitaabkii ay ku dhaarin lahayd



Isniin, Janaayo, 14, 2019 (HOL)- Xildhibaan Sakariye Maxamuud Xaaji Cabdi , oo ka mid ah Baarlamaanka federaalka ah ee Soomaaliya ayaa ka soo horjeestay xeerka Maamulka Bangiga Dhexe oo wax ka beddel lagu sameeyay uu meel mariyay Baarlamaanka.

Wax ka beddelka xeerka Bangiga Dhexe gaar ahaan qodobka 130aad  ayaa ka dhigan in Bangiga Dhexe uu madax ka noqon karo shaqsi ajnabi ah,  kuna imaan doona xeer loo cuskanayo xulida Guddiga Agaasinka Bangiga  Dhexe, kaasoo ay in qof kasta oo ugu dhibco sarreeya, karti ahaan, aqoon  ahaan iyo hufnaan uu noqonayo Guddoomiyaha Bangiga Dhexe.

"Maanta halkan waxaa ka dhacay go'aan aan sharci ahayn oo laga boodey, la jabiyay xeerarkii uu dalku lahaa oo dhan oo guddoonka iyo Baarlamaanku qaarkood jabiyeen ,iyadoo marka ugu horreeya xeerka qaranka Soomaaliyeed uu ku dhisnaa ilaa 60kii oo ah qofka muwaadinka ah oo Soomaaliga ah inuu leeyahay xaqa koowaad in shaqo la siiyo, waad ogtihiin dadka Soomaaliyeed 90% ma shaqeeyaan , waxaanu leenahay khubaro waa weyn oo caalami ah  bangiyada adduunka ka shaqeysay oo howshana ehel u ah ... waa la diidday waxaa la yiri ajanabi wuu tartami karaa ". ayuu yiri Xildhibaan Sakariye.

" Qofka muwaadinka ah oo qatan isaga iyo carruurtiisa in ajanabi la yirahdo kaalayo nala shaqee oo bangiga dhexe ka shaqee su'aasha koowaad waxaa weye kitaabkee lagu dhaarinaya horta, ileen guddoomiyaha bangiga markii la magacaabo waxaa lagu dhaariya inuu dalka iyo dadka daacad u yahay kitaabka illaahay oo Quraanka ah , labo waxaa dastuuri ah oo qaanuuni ah in af Soomaali qofka madaxda ah iyo qof kasta oo Soomaali ah inuu ku hadlo ... guddoomiyaha bangiga dhexe hadduusan Soomaali noqon afkeebu wax noogu sheegaya". ayuu raaciyay.

Waxa uu inta ku daray in marar badan uu ka aamusay qaladaad badan oo dalka laga galay, isagoo tilmaamay in haatan ay billaabatay in Badda la bixiyo oo leesano la siiyo, si lagu xaalufiyo kalluunka, waxaa kalo uu sheegay waxaa in aanay aqbali doonin oo ay arrintan ka soo horjeesanayaan.

Meel marinta xeerka maamulka bangiga dhexe oo wax ka beddel lagu sameeyay, 158 Xildhibaan ayaa oggolaatay, halka 17 ay diidday.

Iman Mohamed Jama, Hiiraan Online
[email protected]








Click here
1/14/2019 10:53 AM EST
Isniin, Janaayo, 14, 2019 (HOL)- Qaraxan oo siweyn looga maqlay inta badan xaafaddaha magaalada Muqdisho ayaa warar hor dhac ah oo laga hellayo waxaa ay sheegayaan in lagu weeraray Maqaaxida The Village oo ku taala Isgoyska Banaadir meel aan ka fogeyn Isbitaalkii hore ee Digfeer ee degmada Hodan

1/14/2019 10:13 AM EST
Isniin, Janaayo, 14, 2019 (HOL)- Madaxweynaha Puntland, Siciid Cabdullaahi Deni oo xilka maanta la wareegay ayaa joojiyay dhulka dowladda in laga dhiso dhismayaal sharci darro ah, sida ku cad wareegto uu goor dhow baahiyay xafiiska madaxweynaha.

1/14/2019 9:49 AM EST
Isniin, Janaayo, 14, 2019 (HOL)- Madaxweynaha Puntland, Siciid Cabdullaahi Deni ayaa amar ku bixiyay in la joojiyo daabacaada lacagta shillinka Soomaaliga ah, sida ku cad wareegto goor ka soo baxday xafiiska madaxweynaha.

1/14/2019 7:21 AM EST
Isniin, Janaayo, 14, 2019 (HOL)- Madaxweynaha Puntland, Siciid Cabdullaahi Deni ayaa manata si rasmi ah xilka ugala wareegay madaxweynihii hore Cabdiweli Gaas,kaddib munaasabad kooban oo lagu qabtay xarunta madaxtooyada.

1/14/2019 5:44 AM EST
Isniin, Janaayo, 14, 2019 (HOL)-Xildhibaanada Baarlamaanka ayaa meel mariyay xeerka Maamulka Bangiga Dhexe oo wax ka bedel lagu sameeyay, 158 Xildhibaan ayaa ogolaatay, halka 17 ay diiday.

1/14/2019 5:37 AM EST
Isniin, Janaayo, 14, 2019 (HOL)-Sedax Alifle Booliis. Cali Mahdi Maxamed iyo Tahliil Cali Maxamed ayaa loo xiray dilka Marxuum Ex Kormeera Sedaxaad Booliis. Xasan Aadan Ibraahim, dilkaasi oo ka dhacay gudaha Saldhigga degmada Hilwaa ee gobalka Banaadir sanadkii tagay.

1/14/2019 5:25 AM EST
Isniin, Janaayo, 14, 2019 (HOL)-Madaxweynaha dowlad goboleedka Jubbaland Mudane Axmed Max’ed Islaam oo mudooyinkii u danbeeyay ku sugnaa degmada Afmadow ayaa maanta dhagax-dhigay dhismaha xarun lagu tababari doono ciidamada Daraawiishta Jubbaland.

1/14/2019 5:02 AM EST
Isniin, Janaayo, 14, 2019 (HOL)-Mudanayaasha golaha shacabka Soomaaliya ayaa ansixiyay wax ka bedelka xeerka hanti dhowrka guud ee Qaranka.

1/14/2019 4:53 AM EST
Isniin, Janaayo, 14, 2019 (HOL)-Munaasabad soo dhoweyn ah ayaa magaalada Muqdisho loogu qabtay in ka badan 150 arday oo ah dufcadii labaad ee iska diiwaan-gelisay barnaamijka Waxbarashada sare ee ay iska kaashanayaan Jaamacadda caalamiga ah ee University for Peace (UPEACE) oo hoos tagta Q/Midoobay iyo Machadka daraasaadka & Maareynta Masiibooyinka Soomaaliyeed (SDRI).

1/14/2019 3:15 AM EST
Isniin, Janaayo, 14, 2019 (HOL) -Ra'iisal wasaaraha xukuumadda Soomaaliya Xassan Cali Kheyre ayaa u gudbiyay Golaha Shacabka xeerka wax ka badalka guddiga Agaasinka Bangiga dhexe ee Soomaaliya oo lagu waddo in uu maanta ka dooddo Goluhu

1/14/2019 2:41 AM EST
Isniin, Janaayo, 14, 2019 (HOL)-Wasiirka Maaliaydda Somaaliya Cabdiraxmaan Ducaale Beyle mar uu warbaahinta la hadlayay ayuu ka waramay waxyaabihii u qabsoomay wasaaradda Maaliyadda intii uu joogay iyo qorshahooda sanadkan 2019 ee bilowga ah.

1/14/2019 1:03 AM EST
Isniin, Janaayo, 14, 2019 (HOL)- Wararka naga soo gaaraya degmada Bu’aalle ee gobolka Jubbada dhexe ayaa sheegaya in dagaalyahanno ka tirsan Al-shabaab toogasho ku dileen sarkaal ka tirsanaa Ururka Daacish oo siweyn isaga oo horjeedaa Al-shabaab.

1/14/2019 12:44 AM EST
Isniin, Janaayo, 14, 2019 (HOL)- Xildhibaannada Golaha Shacabka Baarlamaanka Soomaaliya ayaa lagu waddaa in maanta oo Isniin ah kulan xasaasi ah ku yeeshaan xaruntooda magaalada Muqdisho, iyaga oo ka dooddi doona wax ka badalka xeerka Bangiga.