3/28/2024
Today from Hiiraan Online:  _
Wararka Maanta- Axad, Jan 13, 2019
Hoos u dhac ku yimid sarifka lacagaha ee suuqyadda Puntland

Axad, Janaayo, 13, 2019 (HOL)-  Kaddib doorashadii siddeedii Jannaayo 2019ka, waxaa hoos-udhacay sarifka lacagaha ee suuqyadda Puntland. Magaalada xarunta ah ee Garoowe halkii dollar [1$] ayaa waxaa lagu sarifayaa maalintii labaad 30-kun oo Shillin-Soomaali, xilli uu horey u ahaa 36-kun, si la mid ah magaalada ugu weyn ganacsiga Puntland ee Boosaaso ayuu hoos u dhacay sarifka dollarka.

Labo qodob ayaa loo sababeeyay hoos-udhaca sarifka suuqyadda Puntland,midda koowaad ayaa lagu sheegay lacagihii badnaa ee xilliga doorashada soo galay deegaannada Puntland.

Arrinta labaad ayaa ah wareegtadii madaxweynaha Puntland uu ku hakiyay xisaabadka bangiga dhexe ee Puntland, iyadoo la sheegay inaysan jirin wax lacag ah oo laga saaray xisaabadka dowladda.

Ganacsatada ayaa soo dhaweeyay markiiba hoos-udhaca sarifka dollarka,laakin dhibaatadda ayaa wali ah inaysan waxba iska beddelin qiimaha maceeshadda.

Iman Mohamed Jama, Hiiraan Online
[email protected]











Click here
1/13/2019 10:09 AM EST
Axad, Janaayo, 13, 2019 (HOL)- Hoggaamiyaha xisbiga mucaaradka ah ee WADDANI Md. Xirsi Cali Xaaji Xasan ayaa ka hadlay mawqifka xisbigooda ee arrimaha doorashooyinka iyo sida looga gudbayo caqabadaha hor taaggan in ay qabsoomaan doorashooyinka Goleyaasha Deegaanka Iyo Wakiillada.

1/13/2019 10:01 AM EST
Axad, Janaayo, 13, 2019 (HOL)- Isticmaalka Miisaaniyadda Dowladda Federaalka Soomaaliya ee sanadka 2019 ayaa maanta si rasmi ah u furmay ka dib munaasabada ballaaran oo ka dhacday magaalada Muqdisho,taasi oo ay ka qeyb galeen mas’uuliyiin kala duwan .

1/13/2019 8:35 AM EST
Axad, Janaayo, 13, 2019 (HOL)-Guddida fulinta ee xisbiga UCID ayaa sheegay inay xilkii iyo xubinimadii xisbiga ka qaadeen gudoomiye ku xigeenka xisbiga UCID Cabdinaasir Maxamed Buunni ka dib markii guddida anshaxa guddida fulinta usoo gudbiyeen dacwadiisa.

1/13/2019 8:03 AM EST
Axad, Janaayo, 13, 2019 (HOL)-Ciidanka Amniga Somaliland ayaa ka jawaabay eedihii uu usoo jeediyey abwaan Cabdiraxmaan Abees oo shalay xabsiga loo taxaabay ka dib markii uu dhacdo uu ku arkay saldhiga degmada kood buur ee Hargeysa suugaan ka sameeyey.

1/13/2019 7:27 AM EST
Axad, Janaayo, 13, 2019 (HOL)-Wararka ka imanaya magaalada Baydbabo ee xarunta gobolka Baay ayaa sheegaya in ciidamada maamulka koonfur Galbeed is hortaag ku sameeyeen kulan (Siminaar) halkaa uu ku qaban lahaa Xisbiga UPD ee uu hoggaamiyo madaxweynihii hore ee Soomaaliya Xassan Sheekh Maxamuud.

1/13/2019 7:03 AM EST
Axad, Janaayo, 13, 2019 (HOL)- Madaxweynaha Puntland, Siciid Cabdullaahi Deni ayaa soo saaray digreeto lagu joojinayo cashuur dhaafkii iyo cashuur dhimistii loo samayn jiray hay'adaha dawladda , kuwa caalamiga ah iyo hay'adaha gaarka loo leeyahay.

1/13/2019 6:08 AM EST
Axad, Janaayo, 13, 2019 (HOL)-Ciidamada kumaandooska Soomaaliya ee Danab oo taageero ka helayo Ciidamo Mareykan ah ayaa Howlgalo qorsheysan ka Fuliyay degaano ka tirsan Gobolka Shabellada Hoose.

1/13/2019 3:15 AM EST
Axad, Janaayo, 13, 2019 (HOL)-Warar dheeraad ah ayaa ka soo baxaya weerar bambaano oo xalay lagu qaaday Guriga Guddoomiyaha degmada Dayniile Maxamed Abuukar Jacfar oo ku yaalla degmada Howlwadaag.

1/13/2019 12:59 AM EST
Axad, Janaayo, 13, 2019 (HOL)- Duqa Muqdisho ahna Guddoomiyaha Gobolka Banaadir Mudane Cabdiraxmaan Cumar Cusmaan (Eng. Yarisow) ayaa sheegay in ujeedka ugu muhiimsan ee tirakoobka shaqaalaha Dawladda Hoose ay tahay sidii la iskugu xiri lahaa nidaamka shaqaale ee Dawladda dhexe iyo kan Maamulka, si meesha looga saaro dadka labada dhinac mushaarka ka qaata.

1/13/2019 12:47 AM EST
Axad, Janaayo, 13, 2019 (HOL)- Booliiska dalka Britain ayaa bilaabay baaritaan la xiriira dil magaalada Bristol Jimcihii loogu geystay wiil Soomaali ah