1/16/2019
Today from Hiiraan Online:  _
Wararka Maanta- Isniin, Jan 12, 2019
Doorashada Madaxtinimada Congo oo lagu murmay


 

Sabti, Janaayo, 12, 2019 (HOL)– Natiijada rasmiga ah ee doorashada baarlamaaniga ah ee Jamhuuriyadda Dimuqraaddiga ah ee Congo oo la shaaciyay ayaa waxaa inta badan kuraasta ku guuleystay xisbiyada xulafada la ah madaxweynaha xukunka ka sii degaya, Joseph Kabila.

Codbixinta madaxtinnimada ayaa ahayd mid lagu murmay - musharraxa mucaaradka ah Felix Tshisekedi ayaa la sheegay inuu ku guuleystay, balse musharraxa kale ee Martin Fayulu ayaa sheegay inuu isagu guuleystay isla markaana uu maxkamad aadi doono.

Madaxweynihii hore ee Congo Joseph Kabila ayaa ka degaya xilka. Laakiin isbahaysiga uu hoggaaminayo Kabila ayaa ku guuleystay aqlabiyadda kuraasta baarlamaankaasi, sidaas awgeed isaga iyo xulafadiisu weli qeyb weyn ayay ka qaadan doonaan awoodda dalkaasi.

Tani waxay keeni doontaa inay aad u niyad jabaan malaayiinka qof ee rajaynayay in doorashada ay u horseedeyso isbeddello badan.

Madaxwaynaha xiga ayaa waxaa la gudboon inuu la shaqeeyo xisbiyada siyaasadeed ee hadda jira, kuwaas oo lagu eedeeyay wax is daba marin, halka laga doonayay inay wax ka beddelaan nolosha dadka.

Weli waxaa jira walaac ah in khilaafka ka taagan codbixinta madaxweynaha ay ka dhalan karaan rabshado.

Dhanka kale, hoggaamiyaha mucaaradka Martin Fayulu ayaa lagu wadaa inuu maxkamad geeyo dacwad ka dhan ah natiijada doorashada, isagoo aaminsan in looga shubtay doorashadaas.

Ciidammada ammaanka ayaa lagu daad gureeyay meel u dhow halka uu deggan yahay Martin.

Wuxuu ku adkeysanayaa inuu ku guuleystay doorashadii bishii hore. Isagoo codsaday in si caadi ah loo xisaabiyo codadka.

Balse guddiga doorashada ayaa Felix Tshisekedi ku dhawaaqay inuu guuleystay. Fayulu ayaa ku eedeynaya Tshisekedi inuu heshiis awood-qaybsi ah la galay madaxweynaha xilka ka sii degaya ee Joseph Kabila.

BBC







Click here
1/12/2019 2:40 PM EST
Sabti, Janaayo, 12, 2019 (HOL)– Munaasabada ballaaran oo lagu daahfurayey Bankiga cusub ee Daryeel Bank oo ay leedahay Shirkadaha Xawaalada Iftin Group ayaa lagu qabtay magaalada London ee dalka Britain, iyadoo isla munaasabadan lagu soo bandhigay adeega cusub ee (YEEL app).

1/12/2019 12:54 PM EST
Sabti, Janaayo, 12, 2019 (HOL)–Guddoomiye ku-xigeenka guddiga doorashooyinka Qaranka Sayid Cali Sheekh Maxamed ayaa waxba kama jiraan iyo sharci darro ku tilmaamay qoraal ka soo baxay xubno ka tirsan guddiga doorashada Qaranka oo lagu sheegay in laga qaaday xilkii uu ka hayay guddiga ee guddoomiye ku-xigeenka.

1/12/2019 10:36 AM EST
Santi, Janaayo, 12, 2019 (HOL)-Xisbiga UCID ayaa sheegay in xisbigooda iyo kulmiye isku raaceen inay doorashadda golaha Wakiiladu dhacdo dhamaadka sanadkan, halka xisbiga WADANI ku gacan saydhay heshiishkooddaasi.

1/12/2019 9:18 AM EST
Sabti, Janaayo, 12, 2019 (HOL)-Abwaan Cabdiraxmaan Abees oo ka mid ah hal abuurka dhallinyarada ah ayaa maanta xabsiga loo taxaabay ka dib markii uu xalay magaaladda Hargeysa ku soo bandhigay suugaan uu ku dhaliilay dawladda iyo dhibaatooyin uu ku arkay xabsiyadda wadanka ku yaal.

1/12/2019 2:52 AM EST
Sabti, Janaayo, 12, 2019 (HOL)-Guddiga Madaxa bannaan ee doorashooyinka Qaranka ayaa xilka qaadis iyo xubinnimada in ay ka saaraan isugu daray Guddoomiye ku xigeenka Guddiga uu lahaa.

1/12/2019 2:43 AM EST
Sabti, Janaayo, 12, 2019 (HOL)-Basaboorka Soomaaliga ayaa loo aqoonsaday in uu yahay mid ka awood badan Pasaboorka dalalka Afghanistan iyo Iraq sida lagu sheegay warbixin ay soo saartay hay'adda Henley Passport

1/12/2019 2:23 AM EST
Sabti, Janaayo, 12, 2019 (HOL)-Maxkamada Ciidamada qalabka sida ayaa maanta waxaa ay xukun ku riday askari lagu magacaabo Maxamed Cabdullaahi Maxamed (Kumbud) ,kaasi oo loo heysto in uu dil u geystay Marxuum Dayax Iimaan Xasdan 21-ka bishii sagaalaad 2018, waxaa uuna dilkaasi ka dhacay aga-gaarka Seybiyaano degmada Hodan ee Gobalka Banaadir.

1/12/2019 12:21 AM EST
Sabti, Janaayo, 12, 2019 (HOL) – Hay’adda UNHCR ayaa sheegtay in dowladda Canada aqbasha in ay magan-galyo siiso Raxaf Maxamed al-Qunun taasoo loo aqoonsaday in ay Qaxooti tahay kaddib markii ay ka soo baxsatay reerkeeda.

1/12/2019 12:02 AM EST
Sabti, Janaayo, 12, 2019 (HOL)–Xoghayaha Difaaca dalka UK Gavin Williamson ayaa lagu waramayaa in uu baajiyay safar uu ku iman lahaa magaalada Muqdisho iyo kulan lagu waday in uu la qaato madaxweyne Maxamed Cabdullaahi Farmaajo sida lagu daabacay Wargeyska Independent ee ka soo baxay dalka Britain.